ТР белән Новосибирск өлкәсе арасында Ниятләр беркетмәсе имзаланды

2010 елның 16 декабре, пәнҗешәмбе
Бүген ТР Президенты Рөстәм Миңнехановның Новосибирскига сәфәре йомгаклары буенча ике төбәк арасында Ниятләр беркетмәсенә кул куелды. Документны ТР Президенты Рөстәм Миңнеханов белән Новосибирски өлкәсе губернаторы Василий Юрченко имзалады.

ТР Президентының өлкә губернаторы белән очрашуы вакытында икътисад, сәнәгать, фән, мәгариф, мәдәни, инновацион хезмәттәшлек мәсьәләләре каралды. Яклар ике арадагы товар әйләнеше күләменнән канәгать булаларын белдерә. Узган ел аның күләме 2,6 млрд. сум тәшкил иткән. Төбәк җитәкчеләре сөйләшүләр нәтиҗәсендә хезмәттәшлекне алга таба үстерү зарурлыгын ассызыклады.

Алга таба төбәкләр Хөкүмәтләре дәрәҗәсендә икътисади-сәүдә, фәнни-техник һәм социаль-мәдәни хезмәттәшлек турында яңа Килешү әзерләнеп, расланырга тиеш. Документ дәүләт идарәсе, инвестицияләр җәлеп итү, кече һәм урта эшмәкәрлек субъектларына ярдәм итү буенча тәҗрибә өйрәнү һәм алмашу мәсьәләләрен эченә алачак.
ТР Президенты матбугат хезмәте.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International