Рөстәм Миңнеханов: “Мамадыш республикада иң яхшы район булырга мөмкин”

Бүген ТР Мамадыш районы Советының 2010 елда социаль-икътисади эш нәтиҗәләренә һәм 2011 ел бурычларына багышланган утырышы узды. Чарада Татарстан Президенты Рөстәм Миңнеханов катнашты.

Республика башлыгы утырыш башланганчы эшлекле визит кысаларында Бөек Ватан сугышы ветераннарына һәм социаль ипотека программасында катнашучыларга яңа фатир ачкычлары бирү тантанасындла катнашты. Шулай ук Татарстан башлыгы һәм аны озатып йөрүчеләр Мамадыш спирт заводында спирт һәм коры чүпрә җитештерү цехларын карады.

Кунаклар шәхси эшмәкәр Рифат Мотыгуллинның ит продукциясе эшкәртү цехында булды. Бүгенге көндә анда 59 төрле колбаса эшләнмәләре һәм ит деликатеслары җитештерелә. 2010 елда 652 млн. сумлык 3590 тонна продукция эшкәртелгән. 2009 ел белән чагыштырганда, җитештерү күләме 2 тапкыр диярлек арткан.

Аннары Совет утырышын Мамадыш районы башлыгы Анатолий Иванов ачты. Ул 2010 елда социаль-икътисади эш нәтиҗәләренә һәм 2011 ел бурычларына багышланган доклад белән чыгыш ясады.
Район башлыгы 2010 елга икътисади әйләнеш 7 миллиард сум тәшкил иткән, бу 2009 ел күрсәткечләреннән 12,9 процентка күбрәк, дип белдерде. 12 айда кече предприятиеләрнең әйләнеше 1,8 миллиард сум тәшкил иткән. Районның гомуми икътисади әйләнештә шәхси бизнесның уртача әлеше 27 процентка җиткән, авыл хуҗалыгы продуциясен сатудан кергән акча 567 миллион сум тәшкил иткән, дип сөйләде Анатолий Иванов.

Мамадыш районы башлыгы, шулай ук 2010 елда гомуми мәйданы 21046 кв. метр булган 89 йорт файдалануга тапшырылган, диде. Гомуми мәйданы 13,2 мең кв. метр булган 8 күпфатирлы торак йорт ремонтланган. 751 кеше торак шартларын яхшырткан.

Район тормышында район халкы тормышы сыйфатын күтәрү, милләтара, конфессиара һәм гражданлык килешүен тәэмин итү буенча иҗтимагый-сәяси тотрыклылыкны саклау, норматив, хокукый һәм социал-икътисади шартларны формалаштыру өстенлекле юнәлеш булып кала.

Район җитәкчелеге каршындңа җитди бурычлар, тора, дип белдерде А.Иванов. Аерым алганда, су белән тәэмин итү системасы объектларын модернизацияләү, район территориясендә юллар төзү һәм аларны карап тоту мәсъәләләре хәл ителмәгән килеш кала. Анатолий Иванов чыгышы ахырында Мамадышта яшәүчеләр бергәләп алда торган бурычларны хәл итә алачак, диде.

Татарстан Президенты район эшчәнлеге нәтиҗәләрен уңай бәяләде: “Мамадышта яшәүчеләрнең ничек эшләүләре ошады. Район башлыгы доклады өмет уята”.

“Сезнең яхшы эшләргә омтылуыгыз, яңа эш урыннары булдырыррга теләвегез – бу республиканың Мамадыш районын үстерү өчен яхшы нигез”, - диде Рөстәм Миңнеханов. ТР Президенты сүзләренә караганда, әгәр район башлыгы белдергән барлык планнар да чынга ашырылса, “Мамадыш республикада иң яхшы район булырга мөмкин”.

Шул ук вакытта районда башкарасы эшләр бар, дип белдерде республика башлыгы. Әгәр бүгенге күрсәткечләрне 90 нчы еллар мәгълүматлары белән чагыштырсак, районда ит җитештерү күләме 3,2 тапкыр, ә мөгезле эре терлек баш саны 1,7 тапкыр кимүен күрергә мөмкин. Бу юнәлештә җитди эш алып барырга кирәк, дип белдере Татарстан башлыгы. Шулай итеп, шәхси хуҗалыкларның ничек эшләвеннән уңай тәэсирләр алдым, дип белдерде Рөстәм Миңнеханов. Моннан тыш ул район халкының хезмәтчән булуын белдерде. Мисал өчен, корылык кебек катлаулы шартларда да, алар Киров өлкәсендә азык әзерләп, терлекләрне кышка азык белән тәэмин итүен искәртте.

Мамадышлыларның Бөек Ватан сугышы ветераннарын торак белән тәэмин итү мәсьәләсен хәл итүдә актив эшләүләрен билгеләп үтте.

2010 елда республика каршында туган проблемалар турында сөйләгәндә, Рөстәм Миңнеханов республика һәм шулай ук муниципаль хакимиятнең төп бурычы корылык, янгын, буран һәм башка аномаль һава шартлары булуга карамастан, ныклы үсеш белән тәэмин итү, дип белдерде. Быел бәрәңгене сугарыла торган мәйданнарда үстерү ниятләнә, диде ул.

“Мамадыш районының үсеш потенциалы зур”, - диде үз чыгышын тәмамлап ТР Президенты. Ул район халкына планнарны чынга ашыруда ярдәм итәргә вәгъдә итте һәм эшләрендә уңышлар теләде.

Утырышта ТР Премьер-министры урынбасары – авыл хуҗалыгы һәм азык-төлек министры Марат Әхмәтов, ТР Муниципаль берәмлекләр советы рәисе Миңсәгыйть Шакиров һәм башка рәсми затлар катнашты.