“Татнефтехиминвест-холдинг”та Татарстанның нефть химиясе үсеше проектларын карадылар

Бүген Татарстан Министрлар Кабинетында Рөстәм Миңнеханов рәислегендә “Татнефтехиминвест-холдинг” ААҖ Директорлар советының чираттагы утырышы узды. ТР нефть, газ, химия комплексы үсеше өчен мөһим булган мәсьәләләр каралды.

БДБ илләрендә бизнес үстерү буенча менеджер Петер Мэдлер Директорлар советы әгъзаларын “Линде” компаниясенең эре этилен җайланмаларын проектлау һәм төзү турындагы тәкъдиме белән таныштырды.

“Түбән Кама Нефтехим” генераль директоры Владимир Бусыгин моның белән бәйле рәвештә тәкъдимнәр буенча әлегә “Линде” һәм “АББ Луммус Глобал” компаняиләре проектлары сайланды, дип белдерде. Соңгы сайлап алу нәтиҗәсе апрельдә билгеле булачак.

Рөстәм Миңнеханов тәкъдимнәрнең көндәшлелеккә сәләтле булуы мөһим булуын һәм өч әһәмиятле фактор буларак технология схемасы, финанс схема һәм проектны гамәлгә ашыру вакытын исәпкә алу зарурлыгына игътибарны юнәлтте.

Искәртеп үтәбез, “Татнефтехиминвест-холдинг” ААҖ этилен җитештерү буенча яңа заводлар төзергә планлаштыра.

Франциянең “Эр Ликид” компаниясе Татарстанның нефть химиясе предприятиеләре белән хезмәттәшлекне үстерү турында әлеге фирма генераль диреткоры урынбасары Дмитрий Кузнецов таныштырды. Сүз компаниянең Түбән Кама нефть химиясе комплексы өчен техник газ җитештерү мөмкинлекләре, аерым алганда, “ТАИФ-НК” һәм “ТАНЕКО” өчен водород җитештерү җайлпанмасын булдыру хакында барды. Д.Кузнецов сүзләренә караганда, бу тәкъдим белән ике компания дә кызыксынган.

Рөстәм Миңнеханов “Эр Ликид” компаниясенең “Татнефть”нең парнеры булуны искәртеп үтте. ТР Президенты сүзләренә караганда, әгәр зур икътисади нәтиҗә бирсә, яңа тәкъдим кызыксыну уятырга хокуклы.

Россия Фәннәр академиясенең Урал бүлеге Химия институты директоры Виктор Кожевников водород һәм синтез-газ алуның заманча технологияләре хакында сөйләде.

Татарстан башлыгы тәкъдим ителгән технологияне “Татнефтехиминвест-холдинг” ААҖ нә карарга йөкләде.

Республика кооперациясе программасын гамәлгә ашыру кысаларында, чимал белән тәэмин итү проблемалары турында "Татнефтехиминвест-холдинг"ның генераль директоры Рафинат Яруллин сөйләде. “Татнефть” һәм “ТАИФ” төркеменә күп күләмдә тәэмин иткәне өчен рәхмәт белдерде, төп проблема этиленның җитмәве дип билгеләп үтте ул. Р.Яруллин сүзләренә караганда кече бизнес вәкилләре “Казаноргсинтез” һәм “Түбән Кама Нефтехим”га карата канәгатьсезлек белдерә, чөнки продукцияне алыпсатарлардан алырга туры килә.

Рөстәм Миңнеханов моның белән бәйле рәвештә, полимерның 30 процентын республикада эшкәртү бурычы куюлуын искәртте һәм шулай итеп нефть химиясе продукциясен сатуның гарантияләнгән базарын оештыру зарур. Ул ТР Хөкүмәте белән “Татнефтехиминвест-холдинг” вәкилләре катнашында куланучылар һәм җитешетрүчеләр өчен түгәрәк өстәл оештырырга һәм бу мәсьәләне карарга кирәк дип белдерде.

Шулай ук холдингның 23 майга билгеләнгән акционерлар җыелышына әзерлек һәм үткәрү белән бәйле мәсьәләләре каралды.

Җәмгыятьнең 2010 елгы хисабы каралды, керем һәм чыгымнарны билгеләү буенча тәкъдимнәр кабул ителде. “Татнефтехиминвест-холдинг” Директорлар советында кандидатлар исемлеге расланды.