Татарстанда бензин белән тәэмин итүдә кыенлыклар булмаячак

Россиянең күп кенә төбәкләрендә автозаправка базарларындагы кискен вәзгыять Татарстанда да җитди борчылу кузгатты. Биредә республика җитәкчелеге кабул иткән чаралар ярдәмендә нефть продуктлары белән тәэмин итүдә кыенлыклар һәм бәяләрнең кинәт үсүе көтелми. Бүген Татарстан Хөкүмәт йортында республика шәһәрләре һәм районнары белән турыдан-туры видеоконференция режимында узган брифинг шул темага багышланган иде.
Брифингта ТР Президенты ярдәмчесе Ринат Сабиров белдерүенчә, Россия төбәкләрендә (Татарстанда түгел) мотор ягулыгына бәйле кискен вәзгыять тууның төп сәбәпләре түбәндәгечә.
Агымдагы елның 4 ае нәтиҗәләре буенча, илдә бензин экспорты 67 процентка арткан, бу эчке базарда сату итүгә караганда 2-3 мең сумга файдалырак булган. 2011 елның февраль ахырында Россиядә ваклап сату бәяләре арту административ яралар ярдәмендә туктатылган, әмма күпләп сатуда үсеш сакланган.
Икенче тискәре фактор күп кенә нефть эшкәртү заводларының “Евро-3” бензин сыйфаты стандартына күчәргә әзер булмавыннан гыйбарәт. Шуңа күрә “Евро-2” ягулыгының билгеле бер күләме экспортка җибәрелгән.
Моннан тыш, ягулык кризисы булган төбәкләр спецификасы йогынты ясалган: анда базарның 70 процентын мөстәкыйль операторлар били. Шулай ук биржа сатып алулары буенча да өмет акланмады: ихтыяҗ тәкъдимнәрдән артып китте.
Бүген җитәкчелек тарафыннан вәзгыятьне җайга салу буенча чаралар кабул итә. Нефть компанияләренә ярдәм итү чаралары каралган. Р.Сабиров билгеләп үткәнчә, Татарстанда да чаралар каралган: ТР Президентвы Рөстәм Миңнеханов ягулык базарындагы хәлне игътибар белән күзәтә, беренче чиратта, Түбән Каманың “ТАИФ-НК”на Татарстан ягулык салу станцияләре ихтыяҗын канәгатьләндерергә тәкъдим итте. Яулык салу станцияләре челтәрләре операторларының бу бензины Татарстанда сатуы ниятләнә.