ЯҢАЛЫКЛАР
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия рәсми делегациясе составында Гарәп Республикасы Мисыр сәнәгать, сәүдә, кече һәм урта предприятиеләр министры Мөнир Фәхри Әбденнур белән очрашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия рәсми делегациясе составында Гарәп Республикасы Мисыр транспорт министры Хани Дахи белән очрашты. Татарстан Республикасы вәкилләре арасында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равиль Зарипов, "КАМАЗ" компаниясе җитәкчелеге һәм башкалар бар.
Искәртәбез, Рөстәм Миңнеханов Россия рәсми делегациясе составында эш сәфәре белән Каһирә шәһәрендә. Визитның максаты – «Россия – Мисыр сәүдә-сәнәгать диалогы» форумында катнашу.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов эш визиты белән Каһирәдә (Мисыр). Россия Федерациясе сәнәгать һәм сәүдә министры Денис Мантуров җитәкчелегендәге Россия рәсми делегациясе составында Рөстәм Миңнеханов Мисыр министрлыклары һәм ведомстволары вәкилләре белән очрашуларда катннашачак.
Бүген Казанның "Татнефть арена" боз сараенда һөнәр осталыгы стандарталары буенча “WorldSkills Russia” III илкүләм чемпионатында җиңүчеләрне тәбрикләү һәм чемпионатны ябу тантанасы бара. Тантанада Россия Федерациясе Хөкүмәте Рәисе урынбасары Ольга Голодец, Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Премье-министры урынбасары – мәгариф һәм фән министры Энгель Фәттахов, «Вордскиллс Россия» берлеге генераль директоры Роберт Уразов, Агентства Стратегик инициативалар агентлыгы генераль директоры Андрей Никитин һәм башкалар катнаша.
Бүген Татарстанның Лаеш районы Никольское авылында XХIII "Каравон-2015" Бөтенроссия рус фольклоры фестивале ачылды. Бәйрәмнең мәртәбәле кунаклары Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы буенча баш федераль инспектор Ренат Тимерҗанов, Татарстан Республикасы Президенты Аппараты җитәкчесе Әсгать Сәфәров, Татарстан Республикасы мәдәният министры Айрат Сибагатуллин һәм башка рәсми затлар булды.
Бәйрәм мәйданчыгына кергән вакытта кунакларын милли киемнәр кигән кызлар чәкчәк һәм ипи-тоз белән каршы алды. Аннары Рөстәм Миңнеханов җитәкчелегендәге рәсми делегация фестивальдә катнашучылар белән бергә халык һөнәрчелеге аллеясы буйлап узды, анда осталар үзләренең продукцияләрен тәкъдим итте.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Татарстанның Лаеш районы Каип авылында берничә яңа социаль объект ачты.
Әйтик, тантаналы шартларда Татарстан Республикасы янгын сагы аерым посты янгын депосының яңа бинасы, авыл клубы, "Россия почтасы" бүлеге һәм фельдшер-акушерлык пункты урнашкан күп функцияле бина ачылды.
ТР Дәүләт торак инспекциясенең оператив мәгълүматларына караганда, Татарстан Республикасында 2015 ел башыннан республикада 18 бәхетсезлек очрагы булган. ТР Дәүләт төзелеш күзәтчелеге инспекциясе һәм ТР буенча Дәүләт хезмәт инспекциясе 2015 ел башыннан 419 тикшерү үткәргәннәр. Хезмәтне саклау кагыйдәләрен һәм нормаларын бозган өчен гомуми суммасы 9 млн 364 мең сумлык 297 карар чыгарылган. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне видеоконференц элемтә режимында бөтен муниципаль районнар белән Татарстан Республикасы Президенты вазыйфаларын вакытлыча башкаручы Рөстәм Миңнеханов уздырды.
Сезне үзенчәлекле рус фольклор бәйрәме – Каравон белән тәбрик итәм!
Рус милләте күп гасырлар буена җыйган зур рухи көчкә һәм бетмәс-төкәнмәс иҗади кодрәткә ия булган әлеге бәйрәм күпмилләтле Татарстан мәдәниятенә кабатланмас төсмер бирә.
Татарстан Республикасы Президенты вазыйфаларын вакытлыча башкаручы Рөстәм Миңнеханов Казанда кече нефть компанияләре җитәкчеләре белән киңәшмә үткәрде. Беренче кварталга нефть тармагында нәтиҗәләр ясалды, үсеш перспективалары һәм тармакның яңа эшләнмәләре каралды.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов рәислегендә Татарстан Республикасы Хөкүмәте Йортында «Татнефть» ААҖ Директорлар советының чираттагы утырышы уздырылды.
Утырышта «Татнефть» ААҖнең 2015 елның дүрт ае эчендә бюджеты үтәлеше йомгаклары каралды һәм агымдагы елның июненә бюджеты расланды, шулай ук беренче кварталда компаниянең финанс-хуҗалык эшчәнлеге нәтиҗәләре буенча фикер алышынды.