ЯҢАЛЫКЛАР
Бүген Татарстан Республикасы Президенты Рөстәм Миңнеханов «Спорт һәм социаль проектлар дирекциясе» КАБО Күзәтү советы 55 нче утырышында катнашты. Утырышны видеоконференцэлемтә режимында Россия Федерациясе Хөкүмәте Рәисе урынбасары Виталий Мутко уздырды.
Чарада шулай ук Татарстан Республикасы Президенты ярдәмчесе Ләйлә Фазлыева, Татарстан Республикасы вице-премьеры – Татарстан Республикасы Министрлар Кабинеты Аппараты җитәкчесе Шамиль Гаффаров, Татарстан Республикасы яшьләр эшләре һәм спорт министры Владимир Леонов, «Спорт һәм социаль проектлар дирекциясе» КАБО генераль директоры Азат Кадыйров һәм башкалар катнашты.
Татарстан Республикасында торак-коммуналь хуҗалык өлкәсендәге һәр бишенче объект дәүләт-хосусый партнерлык нигезендә эшли. Бүген Татарстан Республикасы Президенты Рөстәм Миңнеханов бу хакта Идел буе федераль округының дәүләт-хосусый партнерлык буенча I форумындагы чыгышында хәбәр итте.
Чара Казанда Идел буе физкультура, спорт һәм туризм академиясендә узды.
Форум «Идел буеның инфраструктур йөкләнеше арту: хосусый инвестицияләргә таяну һәм бюджетка нәтиҗәле идарә» пленар утырышы белән башланып китте.
Бүген Татарстан Республикасы Президенты Рөстәм Миңнеханов "ТАИФ" генераль директоры Альберт Шиһабетдиновка "Дуслык" орденын тапшырды.
Татарстан Республикасы дәүләт бүләген тапшыру тантанасы ТР Хөкүмәте Йортында узды. Чарада ТР Премьер-министры Алексей Песошин, ТР Президенты Аппараты җитәкчесе Әсгать Сәфәров катнаштылар.
Бүген Татарстан Республикасы Президенты Рөстәм Миңнеханов Федераль иминлек хезмәтенең Самара һәм Саратов өлкәләре буенча Чик буе идарәсе башлыгы Сергей Митюшин белән очрашты.
Очрашу ТР Хөкүмәте Йортында узды.
Әңгәмә барышында Казанда 2018 елгы Футбол буенча дөнья чемпионаты FIFA узу чорында чик буен контрольдә тоту мәсьәләләре турында сүз барды.
Бүген Татарстан Республикасы Президенты Рөстәм Миңнеханов «КАМАЗ-мастер» командасы әгъзаларын «Дакар» раллиена озатырга һәм аларга уңышлар теләргә килде.
«КАМАЗ-мастер» командасын гадәттәгечә Чаллы янәшәсендәге «Тарловка» полигонында озаттылар.
Рөстәм Миңнеханов «КАМАЗ-мастер» командасы әгъзалары белән сөйләшеп торды, яңартылган техниканы карап чыкты, шулай ук «КАМАЗ» спорт автомобиленә тест-драйв уздырды.
Татарстан Республикасы Президенты Рөстәм Миңнеханов бүген Татарстан Хөкүмәте Йортында узган республика киңәшмәсендә торак объектларның газ белән тәэмин ителү куркынычсызлыгын тикшерергә йөкләде.
Киңәшмәдә Татарстан Премьер-министры Алексей Песошин катнашты. ТР Гражданнар оборонасы эшләре һәм гадәттән тыш хәлләр министры Рафис Хәбибуллин 9 ноябрьдә Ижевскида көнкүреш газы шартлау аркасында торак йорт подъезды ишелү турында искәртте. Соңгы мәгълүматларга караганда, фаҗигадә 7 кешенең гомере өзелгән. Бүген һәлакәт урынында Татарстан коткаручылары (41 кеше) эшли. Җимерекләр астыннан кешеләрне эзләү өчен республиканың кинология хезмәте җәлеп ителгән.
Бүген Татарстан Республикасы Президенты Рөстәм Миңнеханов Россия Федерациясе Атомтөш Үзәге - Бөтенроссия техник физика ФТИ директоры Михаил Железнов белән очрашты. Очрашу ТР Хөкүмәте Йортында узды, аның эшендә ТР Премьер-министры урынбасары - сәнәгать һәм сәүдә министры Альберт Кәримов, ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР Президенты ярдәмчесе Ринат Сабиров, «Татнефтехиминвест-холдинг» ААҖ генераль директоры Рафинат Яруллин катнаштылар.
ТР Министрлар Кабинеты Баш ветеринария идарәсе башлыгы - ТР баш дәүләт ветеринария инспекторы Алмаз Хисаметдинов ТР Хөкүмәте Йортындагы республика киңәшәмсендә 2017 елда эшләр нәтиҗәләре турында хәбәр итте.
Киңәшмәне видеоконференция режимында республиканың бөтен муниципаль районнары белән Татарстан Республикасы Президенты Рөстәм Миңнеханов уздырды.
Киңәшмәдә шулай ук ТР Премьер-министры Алексей Песошин катнашты.
Дәүләт төзелеш күзәтчелеге инспекциясе һәм Дәүләт хезмәт инстпекциясе тарафыннан 2017 ел башыннан 1 мең 699 тикшерү үткәрелгән. Хезмәтне саклау нормалары һәм кагыйдәләрен бозу өчен 13 млн. 619 мең сумга 455 беркетмә тузелде.Үзен-үзе җайга салучы оешмалар әгъзалары булган 1 мең 286 оешманы тикшергән. Бу хакта бүген Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте. Киңәшмәне видеоконференция режимында республиканың бөтен муниципаль районнары белән Татарстан Республикасы Президенты Рөстәм Миңнеханов уздырды.
Бүген Казанда «Пирамида» КСКда Россия Федерациясе Эчке эшләр хезмәткәре көненә багышланган бәйрәм тантанасы узды. Татарстан полицейскийларын һөнәри бәйрәмнәре белән Татарстан Республикасы Президенты Рөстәм Миңнеханов котлады.
«Безнең очрашулар яхшы бер традициягә әверелде. Быел аерым дата – 100 ел элек «Эшче милиция турында» НКВД карары имзаланган.