ЯҢАЛЫКЛАР

Бүген Татарстан Республикасы Министрлар Кабинетында Татарстан Республикасы Муниципаль берәмлекләр советының Президиум утырышы булды. Аны Татарстан Республикасы Муниципаль берәмлекләр советы рәисе – Чирмешән муниципаль районы муниципаль берәмлеге башлыгы Минсәгыйт Шакиров үткәрде.

Киләсе елда Татарстан хәрби хезмәткә алынучы 10 мең егетне хәрби-учет белгечлекләре буенча әзерләргә уйлый. Бүген Казан дәүләт архитектура-төзелеш университетының Техник белем бирү үзәген ачканнан соң, бу турыда Татарстан Республикасының беренче вице-премьеры Равил Моратов әйтте.

Бүген Татарстан Республикасы Премьер-министры Рөстәм Миңнеханов Фән-техника өлкәсендә кече предприятиеләргә венчурлы инвестицияләр кертүне үстерүгә ярдәм итү фондының Химаячеләр советы утырышын үткәрде.
Утырышта катнашучыларга “Ак Барс Капитал” идарә компаниясенең “Татарстан Республикасының фән-техника (югары технологияләр) өлкәсендә кече предприятиеләргә инвестицияләр кертү региональ венчур фонды” ябык пай инвестиция фонды акчасы белән идарә итү турындагы хисабы тәкъдим ителде.

Икътисадта энергия сыйдырышлылыгын киметү өчен, Татарстан Республикасының резервлары бар.
Бүген Татарстан Хөкүмәте һәм Россия Сәнәгатьче һәм эшмәкәрләр союзының “Энергия ресурсларының нәтиҗәлелеге дәүләт сәясәтен тормышка ашыру турында” дигән темага үткәрелгән уртак утырышында бу турыда Татарстан Премьер-министры Рөстәм Миңнеханов әйтте.

Бүген Казанда ачылган “Энергетика. Ресурсларны саклау-2009” XI халыкара махсуслашкан күргәзмәсендә һәм “Энергия ресурсларының нәтиҗәлелеге һәм энергияне саклау” X халыкара симпозиумында Татарстан һәм Россия төбәкләренең, чит илләрнең 130 дан артык предприятие һәм оешмасы катнаша.
Чаралар “Казан ярминкәсе” күргәзмәләр үзәге территориясендә уза.

Бүген “Горький исемендәге Яшел Үзән судно төзү заводы" ААҖ Директорлар советы предприятиенең яңа генераль директоры кандидатурасын раслады.
Директорлар советы утырышында Татарстан Республикасы Премьер-министры Рөстәм Миңнеханов катнашты.

Бүген Татарстан Республикасы Премьер-министры Рөстәм Миңнеханов Татарстан Республикасы Дәүләт алкоголь иснпекциясе коллективына яңа җитәкчене тәкъдим итте.
Әлеге вазифага моңа кадәр Федреаль теркәү хезмәтенең Татарстан Республикасы Идарәсе җитәкчесе вазифаларын башкарган Игорь Марченко билгеләнгән.

Татарстан Премьер-министры Рөстәм Миңнеханов бүген Әлмәттә республиканың кайбер министрлык һәм ведомстволары, Татарстандагы федераль структуралар җитәкчеләре катнашында кече нефть компанияләре җитәкчеләре белән киңәшмә үткәрде.

Хәзерге вакытта Татарстанда 52,7 мең эшсез исәпләнелә. Бүген Татарстан Республикасы Премьер-министрының беренче урынбасары Равил Моратов рәислегендә видеоконференция режимында үткәрелгән Яшәү дәрәҗәсен күтәрү һәм керемнәрне легальләштерү буенча республика ведомствоара комиссиясе утырышында бу турыда Татарстан Республикасы хезмәт, эш белән тәэмин итү һәм социаль яклау министрының беренче урынбасары Клара Таҗетдинова хәбәр итте.

Бүген “Татнефть” ААҖ нең баш офисында (Әлмәт) Татарстан Республикасы Премьер-министры Рөстәм Миңнеханов рәислегендә компаниянең Директорлар советы утырышы булды.
Директорлар советы тугыз айда компания бюджетының үтәлешен тикшерде һәм агымдагы елның декабренә билгеләнгән бюджетны раслады.