ЯҢАЛЫКЛАР

Безнең республиканың Россия-Сингапур эшлекле форумында катнашу кысаларында, 1 нче апрельдә Татарстан икътисад министры Марат Сафиуллинның Сингапур сәүдә һәм сәнәгать мәсьәләләре буенча Дәүләт министры Ли Йи Шьен белән очрашуы булып узды. Очрашу барышында якындагы елларга Татарстан һәм Сингапур хезмәттәшлегенең аерым мәсьәләләре буенча фикер алышулар булды һәм принципиаль карарлар кабул ителде. Аерым алганда, югарыда телгә алынган ике министрлык Татарстан Республикасында Инвестицияләр буенча агентлык төзү мәсьәләсендә һәм шулай ук дәүләт хезмәткәрләренең белемен һәм квалификациясен күтәрү өлкәсендә үзара тыгыз бәйләнешне гамәлгә ашырачаклар.

Татарстан Республикасында ел саен 14 миллионга кадәр калдык хасил була, шуларның 21 проценты сәнәгатьнекеләргә туры килә, 8 е – көнкүрешнеке, 71 процентны терлекчелек каклдыклары тәшкил итә. Бу һәм башка фактлар, саннар бүген Татарстан Республикасы Министрлар Кабинетында уздырылган брифингта яңгырады.

31 нче марттан алып, 2 нче апрельгә кадәр Татарстан Республикасының икътисад министры Марат Сафиуллин Россия һәм Сингапурда эшмәкәрлек алып бару һәм икеяклы хезмәттәшлекне киңәйтүгә багышланган Россия-Сингапур эшлекле форумында катнаша. Форумда катнашучылар Россиянең икътисади потенциалы һәм перспективалары, төбәкләрнең үсеш перспективалары, Россия һәм Азиядәге эшмәкәрлек алып бару мәсьәләләре турында фикер алышачаклар.

Бүген Татарстан Республикасы Министрлар Кабинетында Татарстан Республикасы Премьер-министры Рөстәм Миңнеханов Иран Ислам Республикасы делегациясен кабул итте. Сүз мәдәният сферасы, аерым алганда кинематография өлкәсендәге хезмәттәшлек турында барды.

Бүген Татарстан Республикасы Министрлар Кабинетында республика Премьер-министры Рөстәм Миңнеханов үткәргән киңәшмәдә “Зөя төбәкара мультимодаль логистик үзәге” инвестиция проектын гамәлгә ашыру мәсьәләләре турында фикер алыштылар. Киңәшмәдә “Россиядә транспорт системасын модернизацияләү” федераль максатчан программасын гамәлгә ашыру буенча дәүләт заказчысы дирекциясе генераль директоры Хәсән Җәбиров та катнашты.

Бүген Татарстан Республикасы Инвестиция-венчур фондының Химаячеләр советы “Актаныш агрегат заводы” ЯАҖ базасындагы “КАМАЗ” ААҖ өчен балансир һәм тарттыргыч күчәре кронштейны производствосын оештыру” проектын гамәлгә ашыру максатыннан 42 млн. сум күләмендә займ бүлеп бирүне хуплады. Татарстан Республикасы Инвестиция-венчур фондының Химаячеләр советы утырышын Татарстан Республикасы Премьер-министры Рөстәм Миңнеханов үткәрде.

Иртәгә Татарстан Республикасы Авыл хуҗалыгы продуктлары министрлыгына кайбер потенциаль инвесторлар һәм район авыл хуҗалыгы идарәсе башлыклары чакырыла.

Узган атнада Татарстанда экология милициясе хезмәткәрләре экология һәм төзекләндерү өлкәсендә 603 административ тәртип бозу очрагын ачыкладылар: аларның 275 е – Казанда, 91 е – Яр Чаллыда, 60 ы – Түбән Камада күзәтелгән. Бу турыда “Татар-Информ” агентлыгы корреспондентына Татарстан Республикасы Эчке эшләр министрлыгының Әйләнә-тирә мохитны саклау өлкәсендә тәртип бозучылар белән көрәш идарәсе штабында хәбәр иттеләр.

Туризм буенча Федераль агентлык һәм Татарстан Республикасы хезмәттәшлек турында килешүгә кул куйдылар. Бу турыда журналистларга Казан Кремлендә Татарстан Республикасы Президенты белән бүгенге очрашудан соң ведомство җитәкчесе Владимир Стржалковский хәбәр итте.

Бүген Казанда Татарстан Республикасы Сәнәгать һәм сәүдә министрлыклары, Татарстан Республикасы предприятиеләре һәм эшмәкәрләре ассоциациясе, “Татнефтехиминвест-холдинг” ААҖ һәм Татарстан Республикасы сәнәгатенең химия тармагы профсоюз хезмәткәрләре республика комитетының берләштерелгән утырышы булып узды.