ЯҢАЛЫКЛАР
2023 елның беренче сентябреннән Россиядә партнерлык финанслау - ислам банкингы буенча эксперимент башлана. Татарстан - әлеге эксперимент уздырыла торган дүрт пилот төбәкнең берсе. Бу хакта бүген ТР Хөкүмәте Йортында узган брифингта ТР Премьер-министры урынбасары - икътисад министры Мидхәт Шаһиәхмәтов хәбәр итте.
"Эксперимент уздыру вакыты - ике ел. Субъектлар: Татарстан Республикасы, Башкортостан Республикасы, Чечен Республикасы һәм Дагестан Республикасы», – дип искәртте Татарстан Республикасы Икътисад министрлыгы башлыгы.
Ел саен 23 августта Курск сугышында совет гаскәрләре тарафыннан немец-фашист гаскәрләрен тар-мар итү көне билгеләп үтелә (1943 ел). Бөек Ватан сугышында Курск сугышы аерым урын алып тора. Ул 50 көн һәм төн дәвам итә һәм Харьковны азат итеп, җиңү белән тәмамлана. Үзенең катылыгы һәм сугышның үҗәтлеге буенча бу сугышның тиңдәшләре юк.
Татарстанда халыкның барлык үлем-китем күрсәткече - Идел буе федераль округында иң түбән күрсәткеч, мең кешегә 10,8 очрак тәшкил итә. Бу хакта бүген ТР Министрлар Кабинетында узган брифингта ТР сәламәтлек саклау министры Марсель Миңнуллин сөйләде.
Брифинг барлык муниципаль районнар белән видеоконференцэлемтә режимында узды һәм ТРда беренчел медик-санитар ярдәм күрсәтү системасын үстерү өлешендә «Сәламәтлек саклау» илкүләм проектын тормышка ашыруга багышланды.
Татарстан Республикасында 2023 елның 18 августына 2 млн 523 мең кв. метр торак файдалануга тапшырылган, ягъни еллык планның 81%ы. Бу хакта бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.
Киңәшмәне Татарстан Республикасы Рәисе Рөстәм Миңнеханов үткәрде. Чарада шулай ук ТР Премьер-министры Алексей Песошин катнашты. Барлык муниципаль районнар киңәшмәгә видеоконференцэлемтә режимында тоташтырылган.
Бүген Татарстан Республикасында 1 млн. 80 мең га, ягъни бөртекле культураларның 72%ы суктырылган. Әтнә һәм Зәй районнары бөртеклеләрне җыеп бетерделәр. Якын арада Кама Тамагы һәм Саба районнары төгәлләнәчәк.
Бу хакта бүген ТР Хөкүмәте Йортында узган киңәшмәдә ТР Премьер-министры урынбасары – ТР авыл хуҗалыгы һәм азык-төлек министры Марат Җәббаров хәбәр итте.
Киңәшмәне Татарстан Республикасы Рәисе Рөстәм Миңнеханов үткәрде. Чарада шулай ук ТР Премьер-министры Алексей Песошин катнашты.
Бүген Хөкүмәт Йортында Татарстан Республикасы Министрлар Кабинетының һәм «Нәтиҗәле төбәк» сынау проектын гамәлгә ашыру буенча Координация советының уртак утырышы узды. Утырышка барлык муниципаль районнар видеоконференцэлемтә режимында тоташтырылды.
Утырышны Татарстан Республикасы Премьер-министры Алексей Песошин үткәрде.
Залда шулай ук Татарстан Республикасы Рәисе Рөстәм Миңнеханов, "Росатом" дәүләт корпорациясенең "Росатом" җитештерү системасы» АҖ проекты җитәкчесе Дмитрий Репьев, ТР Рәисе Администрациясе һәм ТР Министрлар Кабинеты, министрлыклар һәм ведомстволар, республика оешмалары һәм предприятиеләре вәкилләре катнашты.
2018 елдан алып Татарстаннан 3 меңгә якын яшь гаилә дәүләт ярдәме чаралары ярдәмендә торак шартларын яхшыртты. Республикада ТР Яшьләр эшләре министрлыгы линиясе буенча дүрт программа гамәлгә ашырыла: «Яшь гаиләләрне торак белән тәэмин итү», «Яшь гаилә», яшьләр торак конкурсы һәм торак шартларын яхшыртуда яшь гаиләләргә дәүләт ярдәме турында закон. Бу хакта бүген ТР Министрлар Кабинетында узган брифингта ведомство башлыгы Ринат Садыйков хәбәр итте.
Иртәгә, 2023 елның 16 августында, «Татарстан Республикасы мәгарифе: төп бурычлар, әхлакый ориентирлар, сыйфат күрсәткечләре» темасына мәгариф һәм фән хезмәткәрләренең республика август киңәшмәсенең пленар утырышы узачак.
Мәгариф һәм фән хезмәткәрләренең традицион киңәшмәсе быел Казанда, «Бәшир Рәмиев исемендәге ИТ-парк» югары технологияләр өлкәсендәге технопарк базасында (Спартаковская ур.) узачак.
Татарстан Республикасы Хөкүмәте сайтында пленар утырышның онлайн-трансляциясе булачак (төп биттәге сылтама буенча) www.prav.tatarstan.ru). трансляция 11.00 сәгатьтә башлана.
Бүген Татарстан Республикасы Хөкүмәте Йортында Казанда «РОСТКИ: Россия һәм Кытай – үзара файдалы хезмәттәшлек» халыкара форумын әзерләү һәм үткәрү буенча оештыру комитеты утырышы узды.
Утырышны Татарстан Республикасы Премьер-министры Алексей Песошин үткәрде. Чарада Татарстан Республикасы РәисеРөстәм Миңнеханов, Кытайның Казандагы Генераль консулы Сян Бо әфәнде катнашты.
Республика һәм федераль программалар кысаларында социаль-мәдәни объектларны һәм күпфатирлы йортларны капиталь ремонтлау барышы турында ТР төзелеш, архитектура һәм торак-коммуналь хуҗалык министрының беренче урынбасары Алексей Фролов ТР Хөкүмәт Йортында узган республика киңәшмәсендә хәбәр итте. Киңәшмәне Татарстан Премьер-министры Алексей Песошин үткәрде.