Татарстан Премьер-министры Илдар Халиков XVIII Халыкара "Нефть, газ. Нефтехимия" күргәзмәсен ачты

Нефтехимия һәм нефть табу кебек өлкәләр Татарстан икътисадының нигезен тәшкил итә. Ул хакта бүген ТР Премьер-министры Илдар Халиков унҗиденче халыкара "Нефть, газ. Нефтехимия" күргәзмәсен ачу тантанасында белдерде.

Экспозиция бүген "Казан ярминкәсе" үзәгендә ачылды Биредә Россия, Беларусь, Бөек Британия, Алман иле, Казахстан, Корея, Нидерланд, Польша, Чехия, Швейцария, Япониядән 250дән артык компания катнаша.

Илдар Халиков экспонентларны 18нче тапкыр кабул итә һәм ул чын мәгънәдә халыкара күргәзмә. Биредә фикер алышалар, дискуссияләр оештырыла. Татарстан өчен әлеге күргәзмә аеруча мөһим, чөнки республиканың әйдәп баручы предприятиеләре: "Татнефть", "ТАИФ", "Казаноргсинтез" җитештерүләрен заманчалаштыру белән мәшгуль. Мондый үрнәк алырлык производстволарның берсе булып Илдар Халиков "ТАНЕКО"ны атады.

Сәламләү сүзе белән күргәзмәдә катнашучыларга Башкортостанның сәүдә-сәнәгать палатасы президенты Юрий Пустовгаров мөрәҗәгать итте.

Соңрак Илдар Халиков һәм аны озатып йөрүче затлар  компания-экспонентларның стендларын карады. Алар "Түбән Кама нефтехим", "Татнефть", "Транснефть", "РИТЭК", "Башнефть", "ТАИФ"  стендларын карады.