Татарстан Премьер-министры Алексей Песошин “Питрау” бәйрәмендә булды
Татарстан Республикасы Премьер-минстры Алексей Песошин бүген Мамадыш районында булды.
Монда килүенең төп максаты- XIX республика керәшен мәдәниятенең “Питрау” бәйрәмендә катнашу иде.
Бәйрәм гадәттәгечә Мамадыш районы Җөри авылында узды.
XIX республика керәшен мәдәниятенең “Питрау” бәйрәме кысаларында ат чабышлары узды.
Аннан соң Алексей Песошин, Мамадыш районы башлыгы Анатолий Иванов һәм Татарстанның керәшеннәр җәмгыяте Иван Егоров бәйрәм мәйданчыкларын һәм утарларын карадылар.
"Питрау” бәйрәме театральләштерелгән тамаша белән башланып китте.
Алексей Песошин Татарстан Президенты Рөстәм Миңнеханов, Дәүләт Советы һәм ТР Хөкүмәте исеменнән барысында “Питрау” бәйрәме белән котлады.
"Питрау” бәйрәме-ул керәшеннәрнең гореф-гадәтләре, декоратив-гамәли сәнгать осталарының эшләре белән танышу өчен бердәнбер мөмкинлек, диде ул.
Алексей Песошин бәйрәмне оештырган өчен Мамадыш муниципаль районы житәкчеләренә, Мамадыш халкына, республика керәшен жәмгыяте вәкилләренә рәхмәт белдерде.
“Ышанам, бу матур бәйрәм күп милләтле Татарстанда халыклар дуслыгын ныгытырга ярдәм итәр. Питрау һәрбер йортка бәхет һәм муллык алып килсен, яңа эшләргә рухландырсын!”, -дип йомгаклады Алексей Песошин.
ТР Премьер-министры Алексей Песошин керәшен халкының күренекле вәкилләренә дәүләт бүләкләре тапшырды.