Илдар Халиков: Татарстанда 831 торак пунктында юллар юк

2012 елның 1 гыйнварына булган мәгълүматлар буенча Татарстан Республикасында 831 торак пунктта юл салынмаган. Бу хакта бүген ТР Президенты вазыйфаларын башкаручы – ТР Премьер-министры Илдар Халиков Россия Транспорт министрлыгы коллегиясе утырышы тәмамлангач белдерде.

Коллегия тәмамлангач Илдар Халиков ММЧ вәкилләре сорауларына җавап биреп, элек республикада 20-25 кенә торак пунктка юл салынса, 2011 елда 60тан артык торак пункт юллы булды дип билгеләп үтте. Бу максатларга федераль бюджеттан һәм Татарстан Республикасы Президенты Рөстәм Миңнеханов йөкләмәсе буенча бүлеп бирелгән өстәмә акчалар исәбенә ирешелде.

“Республикада элеккечә бу проблема иң җитди булып кала, - диде Илдар Халиков. – Безнең алга 2011 елдагы күрсәткечләрне төшермәү бурычы куелды”.

Россия Транспорт министрлыгы коллегиясе утырышында бөтен ил буенча шәһәр транспорты паркын алмаштыру планнары турында сүз барды. Министрлык белгечләре федераль Хөкүмәткә шәһәр автопаркын алмаштыру буенча программаны гамәлгә куюны сорап мөрәҗәгать итте, ул төбәкләр белән гамәлгә куелырга мөмкин.

Физик мөмкинлекләре чикләнгән кешеләр өчен уңайлы шартлар тудыруга юнәлдерелгән “Уңайлы мохит” программасын гамәлгә ашырыуны дәвам итү турында сүз барды