Рөстәм Миңнеханов һәм "Винербергер АГ" концерны идарә рәисе Һаймо Шойх Коркачыктагы дивар материаллары заводын алга таба үстерү турында фикер алышты

2012 елның 18 апреле, чәршәмбе
Бүген Татарстан Республикасы Президенты Рөстәм Миңнеханов «Винербергер АГ» концерны идарә рәисе Хаймо Шойх белән очрашты. ТР Хөкүмәте йортында узган очрашуда шулай ук ТР төзелеш, архитектура һәм торак-коммуналь хуҗалык министры Ирек Фәйзуллин, ТР Дәүләт заказы агентлыгы җитәкчесе Яков Геллер һәм башкалар катнашты.
Яклар Биектау районында стена материаллары җитештерү заводын алга таба үстерү, шулай ук предприятиенең маркетинг сәясәте хакында фикер алышты.
Искәртеп узабыз, бүгенге көндә Росиядә «Wienerberger» концернының өч заводы эшли: аларның икесе - Владимир өлкәсендә (Кипрево-1 һәм Кипрево-2), берсе - Татарстанда (Биектау районы, Коркачык станциясе). Татарстанда әлеге завод 2008 елның ахырында ачылды. Ул Россиядә керамик кирпеч җитештерү буенча иң эре заводларның берсе. Заводта җитештерелгән продукция Татарстанда гына түгел, Россиянең башка төбәкләрендә дә сатыла. Рөстәм Миңнеханов Коркачыктагы заводның инвестиция проектларының берсе булуын билгеләп үтте. Ул 2008-2009 елларда дөньяда күзәтелгән катлаулы икътисади вәзгыятькә дә карамастан, үз йөкләмәләрен үтәүдә һәм заводны сафка бастыруда куйган зур тырышлыгы өчен «Винербергер АГ» концерны җитәкчелегенә югары бәя бирде.
ТР Президентының сүзләренә караганда, Коркачыктагы завод – энергия, әйләнә-тирә мохитне һәм хезмәтне саклауда иң заманча таләпләргә җавап бирүче яңа буын заводы ул. “Сездә үз эшенең осталары хезмәт куя, бу исә югары сыйфатлы продукция эшләп чыгарырга мөмкинлек бирә”, - диде ул.
Рөстәм Миңнеханов билгеләп үткәнчә, бүгенге көндә республиканың төзелеш тармагы стена материалларына кытлык кичерә әле. “Без барыбыз да әлеге проект гамәлгә ашсын өчен зур тырышлык куйдык”, - диде республика башлыгы. Рөстәм Миңнехановның сүзләренә караганда, төзелеш тармагы белгечләре арасында яңа заманча төзелеш материаллары куллану буенча аңлату эшләре алып барырга, семинарлар оештырырга, «Винербергер АГ» концерны продукциясен республика һәм Россия базарына чыгарырга кирәк. 
“Шундый заманча предприятиенең булуы – республика икътисады өчен зур өстенлек, - дип белдерде Рөстәм Миңнеханов. – Сез бюджетка акча килүен тәэмин итәсез, яңа эш урыннары ачасыз”.
Үз чиратында, Хаймо Шойх Рөстәм Миңнехановны концерн җитәкчелегенең республика белән хезмәттәшлекне үстерәчәгенә ышандырды. Ул «Винербергер АГ» концерны республикага алга таба да инвестицияләр кертү мөмкинлеген карый, дип белдерде. “Без Татарстанга инвестицияләр кертү юнәлешендә уңышлы адымнар ясауны дәвам итәчәкбез”, - диде ул.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International