Татарстан Премьер-министры “Pressalit Care” һәм “V.Guldmann A/S” вәкилләре белән хезмәттәшлек итү перспективалары буенча фикер алышты

Бүген Татарстан Премьер-министры Илдар Халиков “Pressalit Care” һәм “V.Guldmann A/S” вәкилләре белән очрашуда “Уңайлы мохит” программасы кысаларында инвалидлар өчен җиһазлар белән тәэмин итү өлкәсендә хезмәттәшлек итү перспективалары буенча фикер алышты.

Очрашу ТР Хөкүмәт йортында узды. Анда республиканың хезмәт, мәшгульлек һәм социаль яклау министры Айрат Шәфигуллин һәм Татарстанның сәламәтлек саклау министры Айрат Фәррахов катнашты.

Татарстан Хөкүмәте җитәкчесе “Уңайлы мохит” республика программасын гамәлгә ашыру барышы хакында белдерде. Аның сүзләренә караганда, бу программа кысаларында 2011 елда зур эшләр башкарылган, беренче чиратта спорт объектларында. 2012 елда сәламәтлек саклау, социаль өлкә һәм торак объектларына басым ясалган.

“Уңайлы мохит” – ул җиһаз яки техника гына түгел, ә җәмгыятьнең инвалидларга карата мөнәсәбәте үзгәрү”, - дип ассызыклады Илдар Халиков.

ТР Премьер-министры сүзләренә караганда, 2012 ел нәтиҗәләре буенча “Уңайлы мохит” медицина объектларыннан файдалану дәрәҗәсен 70 процентка җиткергән һәм 60 процентка - социаль өлкә объектларыннан. Татарстан бу күрсәткечләр буенча Россиядә лидер булачак.

“Pressalit Care” һәм “V.Guldmann A/S” компанияләре вәкилләре ТР да яшәүче инвалидлар өчен медицина учреждениеләрендә, бассейннарда, фатирларда күтәрү җайланмалары тәкъдим итте. Эленмә күтәргечләрне лифт булмаган биналарда баскыч буенча күтәрелү өчен файдаланырга тәкъдим итәләр.

Илдар Халиков чит ил компанияләре белән хезмәттәшлек итү кызыксыну уятуын белдерде. Ул “Pressalit Care” компаниясенең инвалидлар өчен сантехникасы Татарстанның медицина учреждениеләренә кайтарыла дип искәртте һәм республика җитәкчелге киләчәктә дә хезмәттәшлек итәргә әзер. Илдар Халиков сүзләренә караганда, күтәргечләрне куллану мәсьәләсе сәламәтлек саклау учреждениесенең һәрберсе өчен аерым каралачак.

Татарстан Премьер-министры җитештерүче компания вәкилләренә инвалидлар өчен уңайлы мохит булдыру буенча хәл ителмәгән мәсьәләләр турында белдерде. Аның сүзләренә караганда, әлеге республика белгечләре подъездларны җиһазлап бетерүне хәл итә алмаган. Моннан тыш, лифтлар булмаган биналар өчен хәл итү юлларын табу таләп ителә.

Якындагы айларда коммерцияле объектларның инвалидлар өчен җайланган булуын өстәмә тикшерүләр белән бәйле рәвештә шәхси клиентлардан да җиһазларга ихтыяҗ артачак дип белдерде Республика Хөкүмәте башлыгы.

ТР хезмәт, мәшгульлек һәм социаль яклау министры Айрат Шәфигуллин компания вәкилләренә үз җиһазларын Казандагы Медик-социаль экспертиза бюросына урнаштырырга тәкъдим итте. Министр фикеренә караганда,бу продукция өчен яхшы реклама булачак.