Рөстәм Миңнеханов Берләшкән Гарәб Әмирлекләренең Русия Федерациясендәге Гадәттән тыш һәм Тулы вәкаләтле вәкиле Гомәр Сәйф Гоббаш белән очрашты

Бүген Татарстан Республикасы Президенты Рөстәм Миңнеханов Берләшкән Гарәб Әмирлекләренең Россия Федерациясендәге Гадәттән тыш һәм тулы вәкаләтле вәкиле Омар Сайф җитәкчелегендәге делегация әгъзалары белән очрашты.

Очрашу Казан Кремлендә узды. Анда Татарстан Республикасы ягыннан ТР Президентының Тышкы икътисади элемтәләр департаменты директоры – ТР Президентының халыкара мәсьәләләр буенча ярдәмчесе Искәндәр Мөфлиханов, ТР Инвестицион үсеш агентлыгы җитәкчесе Линар Якупов, “Ак Барс” Холдинг компаниясе ААҖ генераль директоры Иван Егоров һ.б. катнашты.

Искәртеп узабыз, Омар Сайф Гоббаш әфәнде җитәкчелегендәге БГӘ делегациясе “KAZANSUMMIT 2012” IV Халыкара саммитында катнашу өчен килде.

Рөстәм Миңнеханов кунакларны сәламләп, БГӘ һәм Дубай әмирлеге җитәкчелегенә 2012 елның 30 апрель-1майда узган AIM 2012 инвестиция форумын югары дәрәҗәдә оештырулары өчен рәхмәт белдерде. “AIM 2012 форумы халыкара инвестиция проектларын этәрү өчен яхшы мәйданчык булды”, - дип билгеләп үтте Рөстәм Миңнеханов. Ул форум кысаларында Татарстан Казан вертолет заводы, “КАМАЗ” ААҖ, Горький исемендәге Яшел Үзән судно төзелеше заводы, “Компрессормаш” заводы кебек предприятиеләре булган экспозиция тәкъдим итүен искәртте. Моннан тыш, Рөстәм Миңнеханов Дубай әмирлеге җитәкчелегенә Татарстан Республикасына һәм AIM 2012 форумында катнашкан делегациягә рәхмәт белдерде.

“Бүген Берләшкән Гарәб Әмирлекләре киләчәктә сәүдә-икътисади һәм мәдәни хезмәттәшлек алып бару кысаларында тирәсендә кызыксынучылар җыелган үзәк булып тора”, - диде Рөстәм Миңнеханов. Аның фикеренә караганда, БГӘ белән элемтәләрне активлаштыру, барыннан да элек логистиканы яхшырту зарур.

Рөстәм Миңнеханов сүзләренә караганда, бүген бизнес өчен виза процедурасын кыскарту өстендә эшләргә кирәк. Бу эшлекле элемтәләрне яхшыртачак, дип саный ул.

“Сезнең ил кыска вакыт эчендә күп кенә нәтиҗәле реформалар үткәрде, - дип белдерде ТР Президенты илче әфәндегә мөрәҗәгать итеп. – Берләшкән Гарәб Әмирлекләре электрон рәвештә дәүләт хезмәтләре күрсәтү, дәүләт идарәсе системасы һ.б. буенча яхшы үрнәк күрсәтә”.

Берләшкән Гарәб Әмирлекләренең Россия Федерациясендәге Гадәттән тыш һәм тулы вәкаләтле вәкиле Омар Сайф бүген РФ субъекты буларак Татарстан белән сәүдә-икътисади элемтәләрне ныгыту һәм үстерү төп мәсьәлә булып тора. “Мин 4 ел дәвамында безнең мөнәсәбәтләрне үстерү өчен көч куям”, - диде ул. Ул хезмәттәшлек кысаларында Берләшкән Гарәб Әмирлекләренә Татарстан предприятеләре сәнәгать продукциясен җибәрергә тәкъдим итте. Аның сүзләренә караганда, бүген нефть химиясе һәм халәл продукциясе хезмәттәшлекнең төп юнәлешләре була ала.

Ул шулай ук Берләшкән Гарәб Әмирлекләренең төрле компанияләре “Татнефть” компаниясе белән хезмәттшлек итү ниятен белдерделәр диде. Илче әфәнде нефть табу, нефть эшкәртү, нефть химиясе кебек мәсьәләләр белән шөгыльләнүче дәүләт компанияләре бар дип билгеләп үтте.

Рөстәм Миңнеханов Омар Сайф Гоббаш әфәндегә Берләшкән Гарәб Әмирлекләре белән Татарстан Республикасы мөнәсәбәтләрен ныгытуга өлеш керткәне өчен рәхмәт белдерде. Ул Татарстан “Татнефть” ААҖ белән хезмәттәшлек итү мәсьәләсе буенча фикер алышырга әзер дип белдерде.

Аннары яклар туристлык өлкәсендә хезмәттәшлек итү мәсьәләләре буенча фикер алышты. Бүген Берләшкән Гарәб Әмирлекләренә турист буларак россиялеләр күп йөри. Илче әфәнде сүзләренә караганда, туристлык агымы башка якка – аерым алганда, Россия төбәкләренә һәм барыннан да элек Татарстанга да арта алыр иде. Омар Сайф Гоббаш Берләшкән Гарәб Әмирлекләрендә авыл хуҗалыгына акча кертергә һәм бу максатларда республиканың уңдырышлы җирләрен файдаланырга әзер потенциаль инвесторлар бар дип белдерде.

Рөстәм Миңнеханов бу тәкъдимнәрне шәрехләп, туристлык өлкәсендә ТР Яшьләр эшләре, спорт һәм туристлык министрлыгы белән хезмәттшлекне җайга салу зарур. Ул Татарстанның туристлык компанияләре хезмәткәрләрен чакырып бу темага багышлап семинар үткәрергә тәкъдим итте. ТР Президенты бүгенге очрашу нәтиҗәләре буенча тиешле йөкләмәләр биреләчәк дип белдерде.

Берләшкән Гарәб Әмирлекләре инвесторлары тарафыннан Татарстан Рсепубликасы җирләрен файдалануга килгәндә, Гарәб хезмәттәшләренең партнеры “Ак Барс” Холдинг компаниясе була ала, дип билгеләп үтте Рөстәм Мңнеханов.

Очрашу ахырында яклар билгеләнгән юнәлешләр буенча хезмәттшлек мәсьәләләрен җентекләп хәл итә торган эшче төркем оештыру турында килеште.