ЯҢАЛЫКЛАР
Бүген Татарстан Республикасы Президенты Рөстәм Миңнеханов «Алабуга» МИЗда Бельгия «Драйлок-Технолоджиз» компаниясенең санитар-гигиена продукциясе җитештерү заводын эшләтеп җибәрүдә катнашты. Компаниянең генераль директоры Барт Ван Малдерен сүзләренчә, проектка инвестицияләр суммасы 40 млн евродан артык. Җитештерүнең гомуми куәте 3- 3,5 млрд. подгузник булырга тиеш. Малдерен билгеләп үткәнчә, проект 5 ел эчендә файдага эшли башлаячак.
Татарстан Премьер-министры Алексей Песошин рәислегендә "Татспиртпром" АҖ Директорлар советының чираттагы утырышы булды. Ул ТР Хөкүмәте йортында узды.
Бүген Татарстан Республикасы Президенты Рөстәм Миңнеханов Кытай Халык Республикасы массакүләм мәгълүмат чаралары вәкилләре белән очрашты. Очрашу ТР Хөкүмәте Йортында узды. Анда шулай ук Туризм буенча ТР дәүләт комитеты рәисе Сергей Иванов катнашты. Рөстәм Миңнеханов сәламләү сүзендә билгеләгәнчә, Татарстан Кытай белән элемтәләрне киңәйтүгә зур игътибар бирә. "Без бик күп юнәлеш буенча сезнең тәҗрибәне өйрәнәбез, аеруча бизнеска ярдәм, сәнәгать мәйданчыкларын оештыру өлешендә. Бүген бу эш системалы рәвештә алып барыла", - диде ТР Президенты.
Бүген Татарстан Республикасы Президенты "Россия-2018" футбол буенча дөнья чемпионатын әзерләү һәм уздыру буенча республика ошетыру комитеты утырышын уздырды.
Эштә шулай ук ТР Премьер-министры Алексей Песошин, "Россия-2018" оештыру комитеты" АКО операцион директоры Дмитрий Годунов, ТР Президенты Аппараты Җитәкчесе Әсгать Сәфәров, ТР Премьер-министры урынбасары - ТР Министрлар Кабинеты Җитәкчесе Шамил Гаффаров, республика министрлыклары һәм ведомстволары җитәкчеләре катнашты.
Бүген Татарстан Республикасы Президенты Рөстәм Миңнеханов Россия Федерациясе атказанган артисты, Муса Җәлил исемендәге Татар академия дәүләт опера һәм балет театры солисты Альбина Шаһиморатова белән очрашты.
Очрашу ТР Хөкүмәте Йортында узды.
Татарстаннан 40 меңнән артык бала җәйге лагерьларда түләүсез ял иткән. Болар - авыр тормыш хәленә очраган балалар һәм күп балалы гаиләләрдән.
Бу хакта Министрлар Кабинетында узган брифингта бүген Татарстан яшьләр эшләре һәм спорт министры Владимир Леонов җиткерде.
Бүген Татарстан Республикасы Президенты Рөстәм Миңнеханов Горно-Алтайск шәһәренә (Алтай Республикасы) эш сәфәре кысаларында Алтай Республикасы Башлыгы Александр Бердников белән очрашты. Очрашуда Татарстан Республикасы Премьер-министры урынбасары Васил Шәйхеразыев, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы экология һәм табигать ресурслары министры Фәрид Габделганиев, Туризм буенча Татарстан Республикасы Дәүләт комитеты рәисе Сергей Иванов, «Татнефть» ГАҖ генераль директоры Наиль Маһанов, «Сетевая компания» ААҖ генераль директоры Илшат Фәрдиев һәм башкалар катнашты.
Бүген Татарстан Республикасы Президенты Рөстәм Миңнеханов Алтай Республикасына эш сәфәре кысаларында «Алтай – Евразия үзәге» истәлекле тамгасында булды. Аны Алтай Республикасы Башлыгы Александр Бердников озата йөрде.
Истәлекле тамга Татарстанда эшләнгән һәм Алтай Республикасына 2006 елда Алтай халкының Россия составына керүенә 250 ел тулу уңаеннан бүләк ителгән. Авторлары – Татарстан Республикасы осталары. Тамга Алтай Республикасының административ чигендә Катунь елгасы ярында урнаштырылган.
Бүген Татарстан Республикасы Президенты Рөстәм Миңнеханов Алтай краена эш сәфәре кысаларында «Белокуриха-2» туризм комплексында булды.
Белокуриха шәһәрендәге шифаханә-ял йорты үткән гасырның 70-80 елларында оештырылган. Дистәләгән шифаханә һәм савыктыру үзәкләре туристларны үзенә тартып тора: 2016 елда монда 230 меңләп кеше булып киткән. Шуңа бәйле рәвештә туризм инфраструктурасын яңарту зарурияте килеп туган. Шәһәр эчендә яңа объектлар төзү мөмкинлеге булмаганга күрә, төзелеш «Белокуриха-2»дә башланган.
Бүген Татарстан Республикасы Президенты Рөстәм Миңнеханов Барнаул шәһәренә (Алтай крае) эш сәфәре кысаларында Алтай крае губернаторы Александр Карлин белән очрашты.
Очрашуда шулай ук Татарстан Республикасы Премьер-министры урынбасары Васил Шәйхеразыев, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы экология һәм табигать ресурслары министры Фәрид Габделганиев, Туризм буенча Татарстан Республикасы Дәүләт комитеты рәисе Сергей Иванов, «Татнефть» ГАҖ генераль директоры Наиль Маһанов, «Сетевая компания» ААҖ генераль директоры Илшат Фәрдиев катнашты.