Татарстанда 26 декабрьдә ике түләүле юл – Алексеевск – Әлмәт трассасы һәм Вознесенск трактының икенче этабы буйлап хәрәкәт башланды. Бу вакыт эчендә алар буенча 139 мең автомобиль узган. Бу хакта Татарстан Республикасы Министрлар Кабинетында узган брифингта билгеле булды.

Бүген ТР Хөкүмәте Йортында Татарстан Республикасы Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясе утырышы узды. Чараны республиканың барлык шәһәрләре һәм районнары белән видеоконференцэлемтә режимында Комиссия рәисенең беренче урынбасары, Татарстан Премьер-министры Алексей Песошин уздырды.

Татарстанда, башлангыч белешмәләргә караганда, барлык категория хуҗалыкларда, ашлык кукурузын да кертеп, 3 млн.867 мең тонна ашлык җыелган. Мондый мәгълүматларны бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров китерде. Киңәшмәне барлык муниципаль районнар белән видеоконференцэлемтә режимында Татарстан рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.

Татарстан Республикасында федераль һәм республика программалары буенча барлык капиталь ремонт объектлары төгәлләнгән. Бу хакта бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте. Киңәшмәне барлык муниципаль районнар белән видеоконференцэлемтә режимында Татарстан рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.