Татарстан Республикасы Хөкүмәте

Минтимер Шәймиев Малайзиянең элеккеге Премьер-министры Махатхир Мөхәмәд белән очрашты

2010 елның 28 июне, дүшәмбе

Бүген Казан Кремлендә Татарстан Республикасы Дәүләт киңәшчесе Минтимер Шәймиев Россия Финанс–сәнәгать ассоциациясе төркемнәре президенты Олег Сосковец белән очрашты.

Очрашуда республика компанияләренең Россия Финанс–сәнәгать төркемнәре ассоциациясе белән хезмәттәшлек итү мәсьәләләре буенча фикер алыштылар. Очрашуда ТР Премьер-министрының беренче урынбасары Равил Моратов та катнашты.

Соңрак Минтимер Шәймиев Малайзиянең элеккеге Премьер-министры доктор Махатхир Мөхәмәдне кабул итте.

Махатхир Мөхәмәд 1981 елдан алып 2003 елга кадәр Малайзиянең Премьер-министры булып эшләде. Ул Минтимер Шәймиев белән 1997 елда Татарстанның беренче Президентының Малайзиягә рәсми визиты вакытындагы хатирәләр белән уртаклашты.

М.Шәймиев доктор Мөхәмәдкә республикага визиты өчен рәхмәт белдерде. “Дөнья күләмендә сәясәт белән шөгыльләнүегезне дәвам итүегез хөрмәт уята. Бүген дөньяда катлаулы икътисади, сәяси процесслар бара, кешеләр Сезнең киңәшләрегезгә һәм Сезнең ярдәмегезгә мохтаҗ, - дип билгеләп үтте ТР Дәүләт киңәшчесе.

Махатхир Мөхәмәд хәзерге вакытта мәкаләләр, китаплар язуын һәм дөнья буйлап йөреп лекцияләр укуын белдерде. “Хәзер Татарстан белән кызыксыну артты, минем барысын да үз күзләрем белән күрәсем килде”, – диде ул.

Очрашуда ТР Президентынң Тышкы элемтәләр департаменты директоры – ТР Президентының халыкара мәсьәләләр буенча ярдәмчесе Тимур Акулов катнашты.

"Татар-информ" мәгълүмат агентлыгы.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ