ЯҢАЛЫКЛАР

Бүген Татарстан Президенты Рөстәм Миңнеханов Новосибирскига эш сәфәре белән килде. Республика башлыгын “Толмачево” аэропортында Новосибирски өлкәсе губернаторы Василий Юрченко каршы алды.

Республика икътисадын тәшкил итүче төп өлкәләрнең берсе булып, элеккечә агросәнәгать комплексы кала. Безнең өчен барлык юнәлешләр дә мөһим – эре авыл хуҗалыгы оешмалары һәм фермерлык хуҗалыклары һәм халыкның шәхси йорт хуҗалыклары үсеше дә күз уңында. Бу хакта бүген ТР Президенты Рөстәм Миңнеханов ТР Дәүләт Советы депутатларына еллык Юлламасында билгеләп узды.

Татарстанның көндәшлеккә сәләтлелегенең алдагы үсешенә, углеводород чималының максималь эшкәртелүенә юнәлтелгән эре масштаблы проектларны гамәлгә ашыру этәргеч булачак. Бу “ТАНЕКО”, “Аммоний” проектлары, “Түбән Кама нефтехим” ААҖ дә этилен җитештерү куәтлелеге 1 миллион тонна булган завод төзелеше һәм “ТАИФ-НК” ААҖ авыр калдыкларны тирән эшкәртү комплексы проектлары. Бу хакта ТР Президенты Рөстәм Миңнеханов дүртенче чакырылыш Татарстан Республикасы Дәүләт Советының утыз беренче утырышында ТР Президентының Дәүләт Советына республиканың эчке һәм тышкы хәле турындагы еллык Юлламасында хәбәр итте.

Тарихи-мәдәни мирас елында матди һәм рухи мәдәният һәйкәлләрен саклап калу өчен шактый эшләр башкарылды. Яңа музей комплекслары һәм яңадан торгызылган объектлар мөһим мәдәни һәм мәгариф үзәкләренә әверелә. ТР Президенты Рөстәм Миңнеханов, Дәүләт Советына республиканың эчке һәм тышкы хәле турындагы еллык Юлламасында шул хакта билгеләп узды.

Бүген Казанда Монополиягә каршы федераль хезмәтнең “Уку-методик үзәге” Дәүләт автоном федераль учреждениесе ачылды. Бу тантанада Монополиягә каршы федераль хезмәтнең җитәкчесе Игорь Артемьев һәм Татарстан Президенты Рөстәм Миңнеханов катнашты.

Бүген ТР башкаласында “ЭКОлидер” һәм “Кеше һәм табигать” республика конкурсларында җиңүчеләрне бүләкләү тантанасы булды. Тантанада ТР Премьер-министры Илдар Халиков, ТР Дәүләт Советы Рәисе урынбасары Римма Ратникова, Премьер-министр урынбасары – ТР авыл хуҗалыгы һәм азык-төлек министры Марат Әхмәтов, ТР экология һәм табигать ресруслары министры Артем Сидоров, ТР яшьләр эшләре, спорт һәм туризм министры Рафис Борһанов һәм башка рәсми затлар катнашты.

Татарстанда чит илләрдә һәм РФ төбәкләрендәге ТР вәкиллеге белән эшләү буенча Координацион совет барлыкка килергә мөмкин. Бүген бу хакта чит илләрдә һәм РФ төбәкләрендәге ТР вәкилләре белән киңәшмәдә сүз барды. Киңәшмә ТР Хөкүмәт Йортында үтте. Аны ТР Президенты Рөстәм Миңнеханов уздырды.

Билгеле булганча, ТР Президенты Рөстәм Миңнеханов башлангычы белән, агымдагы елның апрель аенда ТР Дәүләт һәм муниципаль хезмәтләр порталында (uslugi.tatarstan.ru) “Халык контроле” дәүләт мәгълүмат системасы эшләтеп җибәрелгән иде. Әйтергә кирәк, бүгенге көндә ул шактый популяр, түбәндәге саннар шуны раслый. Биш айга якын вакыт эчендә “Халык контроле” системасы аша 3 меңгә якын заявка теркәлгән, 2999 мөрәҗәгатькә 48 мең кеше теләктәшлек белдерергә өлгергән.

Бүген Татарстанга эшлекле сәфәр белән Россия Федераль монополиягә каршы хезмәт (ФАС) җитәкчесе Игорь Артемьев килде. Аны “Казан” халыкара аэропортында ТР Премьер-министры Илдар Халиков, ТР Премьер-министрының беренче урынбасары Равил Моратов, башка рәсми затлар каршы алды.

Бүген Түбән Камада ТР Президенты Рөстәм Миңнеханов Россиядә һәм Көнчыгыш Европада иң эре термопласт-автоматны – полимерларны эшкәртү буенча яңа линияне эшләтеп җибәрде. "Ай Пласт" заводының яңа линиясендә каты көнкүреш калдыклары өчен контейнерлар эшләп чыгарылачак.