ЯҢАЛЫКЛАР
Бүген Иннополиста Россия Федерациясе Икътисадый үсеш министры Максим Решетников Татарстан Республикасы Премьер-министры Алексей Песошин белән бергә булды. Россиянең иң яшь шәһәрендә делегацияне Татарстан Республикасы Премьер-министры урынбасары Роман Шәйхетдинов, Татарстан Республикасы Премьер-министры урынбасары – икътисад министры Мидхәт Шаһиәхмәтов, Иннополис шәһәре мэры Руслан Шагалиев һәм башкалар каршы алды.
Татарстан Республикасы Премьер-министры урынбасары Роман Шәйхетдинов Иннополис университеты җитәкчелегенең «Газпром трансгаз Томск» ҖЧҖ генераль директоры Владислав Бородин җитәкчелегендәге делегация белән эшлекле очрашуында катнашты. Очрашу бүген Иннополиста узды һәм 2022 – 2023 елларга юл картасы кысаларында якларның уртак проектларын гамәлгә ашыруга багышланган иде.
Агымдагы 2022 елда БДИ биремнәренә барлык 11 фәннән дә үзгәрешләр кертелде. Ике фән буенча имтихан үткәрү вакыты кимегән. Бу хакта ТР Министрлар Кабинетында узган брифингта ТР мәгариф һәм фән министры Илсур Һадиуллин хәбәр итте.
Визитның максаты – Иннополис Университеты белән «Газпром» ГАҖ һәм ИТ һәм цифрлаштыру юнәлешендә бүлендек җәмгыять персоналын укыту кысаларында белем бирү проектлары турында фикер алышу булды.
Кадерле татарстанлылар!
15 майда без Халыкара гаилә көнен – иң якты һәм күңелле бәйрәмнәрнең берсен билгеләп үтәбез.
Тормышыбыз безгә яраткан һәм якыннарыбыз бүләк иткән җылылык һәм игелек белән тулы. Аларның ярдәме һәм мәхәббәте безне шатлыклы һәм кайгылы минутларыбызда озата бара, иҗатка рухландыра, көч бирә, иң катлаулы мизгелләргә ышаныч һәм батырлык өсти.
Идел буе Болгарстанында Ислам динен кабул итүгә 1100 ел тулуны бәйрәм итү кысаларында төп вакыйгалар агымдагы елның май аенда республика территориясендә узачак. Алар булачак гомуми планга кертелгән, үз эченә 150 аерым вакыйгаларны ала. Бүген бу хакта Татарстан Республикасы Хөкүмәте Йортында узган брифингта Татарстан Республикасы Премьер-министры урынбасары Васил Шәйхеразыев хәбәр итте.
Татарстан Премьер-министры Алексей Песошин Казанның Арча зиратында Бөек Ватан сугышы чорындагы хәрби каберлекләргә чәчәкләр салды.
Татарстан Республикасында азык-төлек базарында тотрыклы хәл күзәтелә. Дача сезоны башлануга бәйле рәвештә кайбер продуктларны ваклап сатуның бераз артуы теркәлә. Сәүдә челтәрләрендә һәм бүлү үзәкләрендә төп товарлар күләме ихтыяҗны канәгатьләндерү өчен җитәрлек. Республика халкын азык-төлек белән тәэмин итү Оператив штабның эш төркеме даими контролендә тора.
Бу хакта бүген ТР Хөкүмәте Йортында узган республика киңәшмәсендә ТР Премьер-министры урынбасары - ТР икътисад министры Мидхәт Шаһиәхмәтов хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Татарстан Республикасында торак төзелеше буенча план 49%ка диярлек үтәлгән. Абсолют саннарда бу 1 млн 344 мең кв. метр. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.
Бүген Татарстан Республикасы Хөкүмәте Йортында «Татспиртпром» АҖ Директорлар советы утырышы узды. Утырышны Татарстан Республикасы Премьер-министры, «Татспиртпром» АҖ Директорлар советы рәисе Алексей Песошин үткәрде.