ЯҢАЛЫКЛАР

Бүген Татарстан Республикасы Министрлар Кабинетында булган очрашуда Литва Республикасының икътисад министры урынбасары Гедиминас Райнис һәм Татарстан Хөкүмәте башлыгы Рөстәм Миңнеханов икътисадның төрле өлкәләрендә хезмәттәшлек итү мәсьәләләре турында фикер алыштылар. “Литва Республикасы һәм Татарстанның хезмәттәшлек өчен җитди нигезләре бар”, - диде Татарстан Республикасы Премьер-министры Рөстәм Миңнеханов. Аның сүзләренә караганда, Литва һәм безнең республиканың бер-берсе белән кызыксынуы – ике яклы.

Татарстан Республикасының Россия Федерациясендәге вәкаләтле вәкиллегендә Татарстан Республикасы Премьер-министрының беренче урынбасары Борис Павлов нанотехнологияләрне онкологик авыруларга диагноз кую һәм дәвалау өчен куллану, Татарстан Республикасында атом төшен медицинада куллану халыкара үзәген төзү проектын Россия Федерациясенең финанс яктан үсеш институтларыннан бергәләп финанслау мәсьәләсе буенча киңәшмә үткәрде.

1 нче октябрьгә кадәр булган вакытка Татарстан Республикасында 573 торак йортта, 27 гомуми белем бирү мәктәбе һәм 21 балалар бакчасында җылылык юк, җылылык бирүгә бәйле проблемалар республиканың 18 муниципаль районында теркәлгән. Бу турыда бүген Татарстан Республикасы Министрлар Кабинетында Татарстан Республикасы район һәм шәһәрләренең ягып җылыту сезонына әзерлеге мәсьәләләренә багышлап үткәрелгән киңәшмәдә Татарстан Хөкүмәте башлыгы Рөстәм Миңнеханов хәбәр итте. Чара Татарстанның барлык муниципаль районнары катнашында видеоконференцэлемтә режимында узды.

“Бу көн зур тормыш юлы узган, белем һәм тәҗрибә туплаган, республикабыз үсешенә бәяләп бетергесез өлеш керткән кешеләргә рәхмәт һәм яратуны белдерү мөмкинлеге бирә! Без Сезнең, төрле сынауларга карамастан, әхлак нигезләре һәм рух ныклыгына, бөек Ватаныбызның иң яхшы киләчәгенә ышанычны саклап калуыгыз һәм яшьләргә тапшыра баруыгыз белән горурланабыз.

Заман укытучысы – Татарстан Республикасы интеллектуаль потенциалының нигезе. Бу турыда бүген Укытучылар көнен бәйрәм итүдә Татарстан Премьер-министры Рөстәм Миңнеханов әйтте. Чара “Корстон” мәдәни-күңел ачу үзәгендә (Казан) узды, һәм аңа республиканың иң яхшы укытучылары чакырылган иде.

Бүген “Татарстан Республикасы Инвестиция-венчур фонды” коммерцияле булмаган дәүләт оешмасы Химаячеләр советының чираттагы утырышында “Бертуктаусыз хәрәкәт итә торган фильтрлау центрифугасының тәҗрибәи-сәнәгый үрнәген төзү” инновацион проекты хупланды.
Татарстан Республикасы Инвестиция-венчур фондының Химаячеләр советы утырышын Татарстан Премьер-министры Рөстәм Миңнеханов үткәрде.

2008 елның 30 нчы сентябрендә Татарстан Республикасы Премьер-министрының беренче урынбасары Борис Павлов Татарстан Республикасы Министрлар Кабинетында “Аз урманлы төбәкләрнең түбән товарлыклы агач материалын Татарстан Республикасы үрнәгендә комплекслы файдалану” инвестицион проектын гамәлгә ашыру буенча киңәшмә үткәрде.

Бүген Татарстан Республикасы Министрлар Кабинетында кече нефть компанияләренең нефть эшкәртү заводын төзү мәсьәләләре турында фикер алыштылар. Киңәшмәне Татарстан Хөкүмәте башлыгы Рөстәм Миңнеханов үткәрде.

Бүген, Халыкара Өлкәннәр көне алдыннан, Татарстан Республикасы Министрлар Кабинетында Татарстан Премьер-министрының республика дәүләт идарәсе ветераннары белән очрашуы булды.

Казан Суворов хәрби училищесы объектларын ремонтлау һәм реконструкцияләү дәвам итәчәк, һәм Татарстан Республикасы Хөкүмәте бу мәсьәләдә һәрьяклы ярдәм күрсәтәчәк.
Бу турыда бүген Казан Суворов хәрби училищесының ремонтланган ашханәсен ачу тантанасында Татарстан Премьер-министры Рөстәм Миңнеханов хәбәр итте.
Чарада Россия Кораллы Көчләр тылы башлыгы – Россия Федерациясе оборона министры урынбасары Владимир Исаков, Татарстан Республикасының беренче вице-премьеры Равил Моратов, Татарстан Республикасы эчке эшләр министры Әсгать Сәфәров, Казан гарнизоны башлыгы Валерий Миронченко, Казан мэры Илсур Метшин һ.б. катнашты.