ЯҢАЛЫКЛАР
ТР Премьер-министры Алексей Песошин бүген “Чаллы”, “Түбән Кама”, “Яшел Үзән” һәм “Чистай” өстенлекле социаль-икътисади үсеш территорияләрендә (ТОСЭР) эшчәнлек алып бару турында килешүләр төзүгә гаризаларны карау буенча комиссияләр утырышын уздырды.
Комиссияләр эшендә ТР икътисад министры Мидхәт Шаһиәхмәтов катнашты.
Иртәгә, 18 декабрьдә, Татарстан Республикасы Хөкүмәте Йортында Татарстан Республикасы Финанс министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча Федераль казначылык идарәсенең уртак коллегиясе утырышы узачак. Чарада Татарстан Республикасы Президенты Рөстәм Миңнеханов һәм Россия Федерациясе финанслар министры Антон Силуанов катнашачак. Утырышның онлайн-трансляциясе Рәсми сайтында була.
Юл хәрәкәте иминлеген тәэмин итү республикада өстенлекле юнәлешләрнең берсе булып тора. Юллардагы хәлне яхшыртуга юнәлдерелгән тулы бер чаралар комплексы тормышка ашырыла. Бу эшкә республиканың барлык ведомстволары җәлеп ителгән. Бүген бу хакта Татарстан Республикасы Президенты Рөстәм Миңнеханов Татарстан Республикасы Министрлар Кабинеты һәм Татарстан Республикасы буенча ЭЭМ коллегиясенең уртак утырышында хәбәр итте. Утырыш Татарстан Республикасында юл хәрәкәте иминлеген арттыру, юл-транспорт һәлакәтләрен киметү һәм аларның авыр нәтиҗәләрен киметү буенча чараларны гамәлгә ашыруга багышланды.
Республика халкының көндәлек хезмәте Татарстан Республикасының уңышлы үсеше нигезе булып тора. Бүген бу хакта Татарстан Премьер-министры Алексей Песошин Казан Кремлендә Россия Федерациясе һәм Татарстан Республикасы дәүләт бүләкләрен тапшыру тантанасында белдерде.
Татарстан Премьер-министры Алексей Песошин бүген “Сетевая компания” АҖ Директорлар советы утырышын уздырды.
Утырыш видеоконференция режимында узды.
Татарстан башкаласында Бөтендөнья кышкы Махсус Олимпия уеннарын уздыруга зур әзерлек башланды. Әзерлекнең барышы һәм уеннар программасы турында Татарстанның спорт министры Владимир Леонов ТР Хөкүмәте йортында узган брифингта сөйләде.
Казан Россия территориясендә беренче тапкыр Бөтендөнья Махсус кышкы Олимпия уеннарын үткәрү хокукын яулады. Интеллектуаль тайпылышлары булган спортчылар өчен бу ярышлар бик мөһим, аңа җитди һәм ныклап әзерләнергә кирәк.
Татарстан Республикасында Covid-19 белән авыруның 11 мең 412 очрагы теркәлгән. Көн саен декабрьдә 90га якын очрак теркәлә. Декабрь аенда авырулар саны ноябрьнең шул ук чоры белән чагыштырганда 73%ка артыграк. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы буенча Роспотребнадзор идарәсе җитәкчесе Марина Патяшина хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.
Бүген азык-төлек һәм эшкәртү сәнәгате мәсьәләләре турында ТР Хөкүмәте Йортында узган республика киңәшмәсендә ТР авыл хуҗалыгы һәм азык-төлек министрының беренче урынбасары Наил Залаков хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм ТКХ министры Марат Айзатуллин республикада объектларны капиталь ремонтлау һәм инженерлык системаларын модернизацияләү буенча дәүләт программаларын гамәлгә ашыру турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Татарстан Премьер-министры Алексей Песошин Россия Президентының Идел буе федераль округында тулы вәкаләтле вәкиле каршындагы Совет утырышында катнашты, ул Идел буе төбәкләре территориясендә яңа коронавирус инфекциясе таралуга каршы көрәш мәсьәләсенә багышланган иде.