ЯҢАЛЫКЛАР

Бүген “Казан” милли-мәдәни үзәгендә Бөек Ватан сугышында катнашучылар, ветераннар, тыл хезмәтчәннәре алдында чыгыш ясаганда, Татарстан Республикасы Премьер-министры Рөстәм Миңнеханов 1941-1945 еллар Бөек Ватан сугышында Җиңү көнен илнең төп бәйрәме дип атады.
Монда республиканың дәүләт идарәсе органнары ветераннарын – сугышта катнашучылар һәм тыл ветераннарын (якынча 130 кеше) бәйрәм белән котладылар.

9 нчы май бәйрәме - Җиңү көне - алдыннан Татарстан Республикасы Премьер-министрының беренче урынбасары Борис Павлов Борисоглебское бистәсендә Бөек Ватан сугышында һәлак булган сугышчыларга һәйкәл ачу тантанасында катнашты. Бәйрәм чарасында Бөек Ватан сугышы ветераннары, тыл хезмәтчәннәре, Татарстан Республикасы Дәүләт Советы һәм Казан шәһәр Думасы депутатлары, Казанның Авиатөзелеш районы администрациясе вәкилләре, мәктәп һәм училище укучылары катнашты.

Татарстан Республикасында күпфатирлы торак йортларга капиталь ремонт ясау программасы кысаларында 665 млн. сумга 639 лифтны алыштыру каралган. Бүген Татарстан Республикасы Министрлар Кабинетында узган киңәшмәдә бу турыда Татарстан Республикасының төзелеш, архитектура һәм торак-коммуналь хуҗалык министры Марат Хөснуллин әйтте.
Киңәшмә торак төзү һәм аны файдалануга тапшыру, торак фондына капиталь ремонт ясау мәсьәләләренә багышланган иде, һәм ул, республиканың бөтен муниципаль районнарын тоташтырып, видеоконференцэлемтә режимында узды. Чараны Татарстан Республикасының хөкүмәт башлыгы Рөстәм Миңнеханов үткәрде.

Бүген, Җиңү көне алдыннан, Татарстан Республикасы Премьер-министрының беренче урынбасары Борис Павлов Бөек Ватан сугышы ветераннары өчен оештырылган бәйрәм концертында катнашты. Әлеге чара Казанның Авиатөзелеш районында Ленин исемендәге мәдәни-ял итү комплексында узды. Борис Павлов Татарстан Республикасы җитәкчелеге исеменнән бөтен ветераннарны һәм тыл хезмәтчәннәрен бөек Җиңүнең 64 еллыгы белән тәбрик итте.

6 нчы майда Татарстан Республикасы Премьер-министрының беренче урынбасары Борис Павлов Россиянең кабель сәнәгате һәм җылылыкка чыдам торба үткәргечләре системаларын җитештерүчеләр өчен, нанотехнологияләр кулланып, каты таушала торган пероксид композицияләр әзерләү буенча “НУРан” ЯАҖ нең югары технологияле проекты турында киңәшмә үткәрде.
Татарстан Республикасы Министрлар Кабинетында узган киңәшмәдә Татарстан Республикасы Халык сәнгате кәсепләрен һәм һөнәрләрен үстерү үзәге генераль директоры Нури Мостафаев, “НУРан” ЯАҖ генераль директоры Роберт Ташкалов һәм “Бөтенроссия кабель сәнәгате фәнни-тикшеренү институты” ААҖ пластмассалар бүлегенең әйдәп баручы фәнни хезмәткәре Наталья Паверман катнашты.

Татарстан Республикасында балалар сәламәтләндерү лагерьлары системасын төзекләндерү һәм үстерү буенча республика программасы проекты эшләнгән. Кичә, 5 нче майда, Татарстан Республикасы Министрлар Кабинетында узган традицион брифингта бу турыда Татарстан Республикасының яшьләр эшләре, спорт һәм туризм министры урынбасары Андрей Кондратьев хәбәр итте. Шуны искәртик: брифинг Татарстанда балалар һәм яшьләрнең җәйге ялын оештыру мәсьәләләренә багышланган иде, һәм ул on-line режимда Интернет челтәреннән трансляцияләнде.

Кичә, 5 нче майда, Татарстан Республикасы Хөкүмәт йортында Татарстан Республикасы Премьер-министрының беренче урынбасары Борис Павлов нанотехнологияләрне авиатөзелештә куллану мәсьәләсе буенча киңәшмә үткәрде. Анда “Роснанотех” дәүләт корпорациясе фәнни-техник советы әгъзасы – “Яңа углерод материаллар һәм технологияләр” ЯАҖ генераль директоры Виктор Авдеев катнашты.

Бүген Татарстан Республикасы Министрлар Кабинетында үткәрелгән брифинг бер айдан да азрак вакыт эчендә башланып китәчәк җәйге сәламәтләндерү кампаниясенә әзерлек мәсьәләсенә багышланды.
Журналистлар белән очрашуда Татарстанның Мәгариф һәм фән министрлыгы, Татарстан Республикасы Сәламәтлек саклау министрлыгы, Татарстан Республикасы Яшьләр эшләре, спорт һәм туризм министрлыгы, Татарстан Республикасы Россия кулланучылар күзәтчелеге, Россия Федерациясе Социаль иминият фондының Татарстан Республикасындагы идарәсе, көч структуралары вәкилләре катнашты.

“Идея” инновацион-җитештерү технопаркы (Казан) Европа Бизнес-Инновацион үзәкләр челтәре әгъзасы булды (The European Business Innovation Centers (BIC) Network – EBN). Бүген бу турыда “Идея” технопаркының генераль директоры Сергей Юшко әйтте.

Бүген Татарстан Республикасы Министрлар Кабинетында Татарсан Республикасы Премьер-министрының беренче урынбасары Борис Павлов Татарстан Республикасының наноиндустрия проектларын финанслау буенча ведомствоара эшче төркем киңәшмәсен үткәрде.
Анда “Роснано” ның генераль директор урынбасары Андрей Малышев катнашында Татарстан Республикасының медицина, фармакология һәм биотехнологияләр өлкәсендәге наноиндустрия проектларын финанслау буенча ведомствоара эшче төркемнең булачак киңәйтелгән киңәшмәсен оештыру, “Сәнәгать өчен нанотехнологияләр” 10 нчы халыкара конференциясен һәм “Нанотехнологияләр. Казан-2009” 1 нче халыкара күргәзмәсен үткәрү турында сүз барды.