ЯҢАЛЫКЛАР

Бүген Татарстан Президенты Рөстәм Миңнеханов Мәскәүдә РФ Икътисади үсеш министрлыгының “Чит ил дәүләтләрендә Россия Федерациясе сәүдә вәкиллегенең яңа йөзен формалаштыру”га багышланган коллегиясендә катнашты. Коллегия утырышын РФ Хөкүмәтенең беренче вице-премьеры Игорь Шувалов үткәрде.

Бүген ТР Дәүләт киңәшчесе, “Яңарыш” республика фонды попечительлек советы рәисе Минтимер Шәймиев Үзәк Македония провинциясенең беренче вице-губернаторы Константин Карапанаетидис, мәдәни кыйммәтләрне саклау һәм реставрацияләү буенча Халыкара тикшеренү үзәге генераль директоры Стефано ди Каро һәм ЮНЕСКО генераль директорының махсус киңәшчесе Мөнир Бушенаки белән Свияжски утрау-шәһәрчеге объектларын карады. Стефано ди Каро белән Мөнир Бушенаки Татарстанга ИККРОМ экспертлары сыйфатында килгән иде. Алар Свияжски белән Болгарда реставрация эшләре ысулларын тикшереп, нәтиҗәләрне Бөтендөнья мирасы комитетына тапшырачак, ә ул үз чиратында әлеге объектларны Бөтендөнья мирасы исемлегенә кертү мәсьәләсен караячак.

Татарстанга эш сәфәре белән килгән РФ Хөкүмәте Рәисе урынбасары Аркадий Дворкович Чаллы предприятиеләрендә булды. Ул ТР Премьер-министры Илдар Халиков, вице-пермьер - авыл хуҗалыгы һәм азык-төлек министры Марат Әхмәтов, Автошәһәр мэры Васил Шәйхразиев һәм башка рәсми затлар озатуында авыл хуҗалыгы һәм сәнәгать предприятиеләрендә булды.

Бүген Мәскәүдә Россия Федерациясе Икътисади үсеш министрлыгы белән Татарстан Республикасы Хөкүмәте арасында икътисад өлкәсендә мөнәсәбәтләр турында килешү имзаланды. Документны РФ Икътисади үсеш министрлыгы җитәкчесе Андрей Белоусов һәм Татарстан Республикасы Президенты Рөстәм Миңнеханов имзалады.

Бүген Казанның “Пирамида” мәдәни-күңел ачу комплексында “РИТЭК” ААҖ һәм “ЛУКОЙЛ” ның ТР да хәйрия фонды оештырган социаль һәм мәдәни проектларның III бәйгесе җиңүчеләрен бүләкләү тантанасында, ТР Дәүләт киңәшчесе Минтимер Шәймиев “ЛУКОЙЛ” нефть компаниясе” ААҖ президенты Вагит Алекперовка ТР тарихы һәм мәдәнияте һәйкәлләрен торгызу буенча Республика фондының Рәхмәт хатын һәм Хәйриячеләр китабын тапшырды.

Татарстан Президенты Рөстәм Миңнеханов Ю.Гагарин исемендәге Космонавтлар әзерләү үзәге җитәкчесе, Россия Герое, Советлар Союзы Герое Сергей Крикалев белән очрашты. Анда ТР Президентының икътисади мәсьәләләр буенча ярдәмчесе Айрат Хәйруллин, Татарстан мәгариф һәм фән министры Энгель Фәттахов, КАИ ректоры вазыйфаларын башкаручы Альберт Гыйльметдинов катнашты.

Бүген ТР Дәүләт киңәшчесе, “Яңарыш” республика фонды попечительлек советы рәисе Минтимер Шәймиев белән “Лукойл” нефть компаниясе ААҖ президенты Вагит Алекперов Свияжск утрау-шәһәрчегендә булды. Дәрәҗәле кунакларны “Лукойл” ААҖ финанс ярдәме белән торгызылган Константин һәм Елена чиркәвендә агымдагы елның июнендә куелган яңа колокол чыңы каршы алды.

“ЛУКОЙЛ” белән “Татнефть” тыгыз элемтәдә яши. Әлеге компанияләрнең авыр нефть ятмаларын үзләштерү буенча зур тәҗрибәсе бар. Хәзерге вакытта “Татнефть” белән “Лукойл”ның Татарстаннан читтә бергәләп эшчәнлек алып бару мөмкинлеге карала. Бу мәсьәләдә уртак карарга килүгә якын торабыз”. Бүген “ ЛУКОЙЛ” нефть компаниясе” ААҖ президенты Вагит Алекперов белән очрашудан соң ТР Президенты Рөстәм Миңнеханов журналистларга шулай дип белдерде. Очрашу ТР Хөкүмәт йортында узды.

Бүген Татарстан башкаласына “ЛУКОЙЛ” нефть компаниясе” ААҖ президенты Вагит Алекперов килде. “Казан” Халыкара аэропортында аны ТР Премьер-министры Илдар Халиков каршы алды.

Бүген ТР Министрлар Кабинетында беренче тапкыр Хөкүмәт дәрәҗәсендә уздырылган республикада экологик куркынычсызлык, табигать байлыкларыннан файдалану һәм санитар-эпидемиологик иминлек буенча ведомствоара комиссия утырышында табигатьтәге тереклек ияләренә кагылышлы чыгышлар да булды.