ЯҢАЛЫКЛАР

Билгеле булганча, ТР Президенты Рөстәм Миңнеханов башлангычы белән, агымдагы елның апрель аенда ТР Дәүләт һәм муниципаль хезмәтләр порталында (uslugi.tatarstan.ru) “Халык контроле” дәүләт мәгълүмат системасы эшләтеп җибәрелгән иде. Әйтергә кирәк, бүгенге көндә ул шактый популяр, түбәндәге саннар шуны раслый. Биш айга якын вакыт эчендә “Халык контроле” системасы аша 3 меңгә якын заявка теркәлгән, 2999 мөрәҗәгатькә 48 мең кеше теләктәшлек белдерергә өлгергән.

Бүген Татарстанга эшлекле сәфәр белән Россия Федераль монополиягә каршы хезмәт (ФАС) җитәкчесе Игорь Артемьев килде. Аны “Казан” халыкара аэропортында ТР Премьер-министры Илдар Халиков, ТР Премьер-министрының беренче урынбасары Равил Моратов, башка рәсми затлар каршы алды.

Бүген Түбән Камада ТР Президенты Рөстәм Миңнеханов Россиядә һәм Көнчыгыш Европада иң эре термопласт-автоматны – полимерларны эшкәртү буенча яңа линияне эшләтеп җибәрде. "Ай Пласт" заводының яңа линиясендә каты көнкүреш калдыклары өчен контейнерлар эшләп чыгарылачак.

Бүген Татарстан Президенты Рөстәм Миңнеханов Украинага эш сәфәре кысаларында Украина Премьер-министры Николай Азаров белән очрашты. Очрашуда Татарстан делегациясенең башка әгъзалары – ТР вице-премьеры – ТР сәнәгать һәм сәүдә министры Равил Зарипов, ТР Президентының халыкара мәсьәләләр буенча ярдәмчесе Радик Гыйматдинов, “Горбунов исемендәге Казан авиация җитештерү берләшмәсе” ААҖ генераль директоры Васил Каюмов катнашты.

Бүген Татарстан Президенты Рөстәм Миңнеханов Украинада эш сәфәрендә. Республика башлыгы Киевта “Антонов” дәүләт предприятиесенең очыртып сынау базасында, шулай ук Украинаның әйдәп баручы авиатөзелеш предприятиеләрендә булды.

Бүген Ямал-Ненец автономияле округына эшлекле сәфәре кысаларында Татарстан Президенты округта яшәүче татарлар белән очрашты. Очрашуда округ губернаторы Дмитрий Кобылкин да катнашты.

Бүген ТР Премьер-министры И.Халиков IV Халыкара тимер юл техникасы һәм EXPO 1520 салонында катнашты. Чара Мәскәү өлкәсе Щербинка шәһәрендә үтте. Салонның төп максаты һәм бурычлары: эре заказ ясаучылар алдында яңа заманча тениканы күрсәтү өчен заманча халыкара мәйдан булдыру, җитештерүче һәм кулланучы эше өчен уңайлы эшлекле халәт тудыру.

Бүген ТР Дәүләт Киңәшчесе Минтимер Шәймиев танылган астрофизик, академик Рәшид Сүнәев белән очрашты.Рәшид Сүнәев 4-7 нче сентябрьдә Казанда аның теләге белән оештырылган “Рентген һава: йолдызлардан һәм кара тишекләрдән алып, космологиягә кадәр” халыкара конференциясендә катнашты.

Бүген ТР Президенты Рөстәм Миңнеханов эшлекле сәфәр белән Ханты-Мансийск автоном округына килде. Аны Ханты-Мансийск аэропортында Ханты-Мансийск автоном округы – Югра губернаторы Наталья Комарова, ХМАО губернаторы урынбасары Алексей Путин, ТР Президенты ярдәмчесе Радик Гыйматдинов, ХМАО – Юграда ТРның сәүдә-икътисад вәкиле Булат Бәдретдинов каршы алды.