ЯҢАЛЫКЛАР

Бүген Г.Камал исемендәге Татар дәүләт академия театрында әлеге театрның баш режиссеры Фәрит Бикчәнтәевның 50 яшьлек юбилеена багышланган бенефис үтте.

Бүген Россия Федерациясе Хөкүмәт Рәисе Дмитрий Медведев Россиядә терлекчелек өлкәсенең ит тармагын үстерүгә багышланган күчмә киңәшмә үткәрде. Анда Татарстан Республикасы Президенты Рөстәм Миңнеханов та катнашты.

Бүген Татарстан Республикасы Президенты Рөстәм Миңнеханов Брянскида эш сәфәрендә. Иртән Рөстәм Миңнеханов Брянски хакимияте вәкилләре озатуында Партизан мәйданында Мәңгелек ут янына чәчәкләр куйды. Бу чарада Башкортстан Президенты Рөстәм Хәмитов та катнашты.

ТР Президенты ТР Премьер-министры урынбасары - ТР сәнәгать һәм сәүдә министры вазифаларын башкаручы турында Указга кул куйды. Әлеге Указ буенча, мәсьәлә ТР Дәүләт Советы белән килештерелгәнче, ТР Премьер-министры урынбасары - ТР сәнәгать һәм сәүдә министры вазифаларын Равил Хаммат улы Зарипов башкарачак.

Бүген ТР Хөкүмәт йортында Премьер-министр Илдар Халиков “Новикомбанк” АКБ җитәкчелеге белән очрашты.

Казан шәһәренең урам-юл челтәрен Универсиадага әзерләү программасының гомуми күләме 39 млрд сум тәшкил итә. Ул үз эченә юлъаергычлар, җәяүлеләр өчен җир асты һәм җир өсте кичүләре төзелешен, гамәлдәге юлларны ремонтлауны, трамвай юллларын реконструкцияләүне, башкаладагы автомобиль юллары төзелешен, ремонтлау һәм реконструкциясен ала. Бүгенге көндә әлеге программа буенча якынча 17 млрд сумлык эшләр башкарылган. Быел әлеге программа буенча урам-юл челтәре төзелеше, ремонт һәм реконструкциясе өчен якынча 12 млрд сум үзләштереләчәк. Шуның 8 млрд сумы тулысы белән юл эшләренә генә тотылачак. Аның 6 млрд сумы Универсиадага әзерлек кысаларында бүлеп бирелгән, 2 млрд сумы республика казнасыннан бүленгән. Бу хакта бүген Хөкүмәт йортында узган брифингта Казан шәһәре муниципаль берәмлеге башлыгының беренче урынбасары Иршат Минкин сөйләде.
Аның сүзләренә караганда, 5 юлъаергыч буенча бүген сынау рәвешендә транспорт хәрәкәте оештырылган, алар рәсми рәвештә файдалануга тапшырылачак. Июнь ахырына тагын 2 юлъаергычта сынау рәвешендә хәрәкәт ачылачак. Шуларның берсе Җиңү Проспекты-Зорге юнәлешендә борылып китү өчен төзелгән участоклар.

Илшат Фәрдиев “Сетевая компания” ААҖ генераль директоры итеп билгеләнде. Бүген Казанда “Сетевая компания” ААҖ Директорлар советы утырышы узды, анда ТР Премьер-министры, Директорлар советы рәисе Илдар Халиков катнашты.

ТР Президенты Указлары белән башка эшкә күчү сәбәпле ТР Премьер-министры урынбасары - ТР мәгълүматлаштыру һәм элемтә министры Н.А.Никифоров һәм ТР Премьер-министры урынбасары - ТР энергетика министры И.Ш.Фәрдиев вазифаларыннан азат ителә.

Бүген ТР Дәүләт Киңәшчесе Минтимер Шәймиев Болгарга сәфәр кысаларында “Балалар борынгы болгарларның бөек җирендә-2012” VIII Республика музыкаль марафоны үтә торган җирле балалар сәнгать мәктәбендә булды.

Шушы төбәктә җиребезгә ислам дине ата-бабаларыбыз тарафыннан иңдерелгән – бу көнне һәрвакыт истә тотарга, тамырларыбызны барлап торырга кирәк һәм ул безнең өчен зур бәйрәм. Төп химаяче “АКИБАНК” белән “Татэнерго”ачык акционерлык җәмгыятьләренә, подрядчы “Грань” ҖЧҖенә һәм хезмәте кергән барлык кешегә олы рәхмәт, дип белдерде бүген Изге Болгар җирендә барган тантанада ТР Президенты Рөстәм Миңнеханов һәм шушы төштә тагын килеп күрешергә насыйп булырына өмет баглады, Истәлек билгесе бинасы ачылу белән ихлас котлады.