ЯҢАЛЫКЛАР
Кичә Татарстан Республикасы Премьер-министры Илдар Халиков Алабуга” махсус икътисади зонасының икенче чиратының инженерлык инфраструктурасын үстерү мәсьәләләре буенча киңәшмә үткәрде.
Бүген ТР Президенты Рөстәм Миңнеханов "ТАНЕКО" ААҖнең төзелеш мәйданчыгында булды. Нефть эшкәртү һәм нефтехимия заводлары Комплексының сәнәгать мәйданчыгын карауны Рөстәм Миңнеханов висбрекинг җиһазыннан башлады. Аның әзерлеге турында "ПСО "Казан" ҖЧҖ генераль директоры Марс Гыйззәтуллина сөйләде.
Бүген Татарстан Президенты Рөстәм Миңнеханов Әлмәт муниципаль районына эшлекле сәфәр кыла. Республика башлыгы Әлмәт шәһәрендә торак йортлар төзеләчәк урында тәүге таш салу тантанасында катнашты.
Республика башлыгы Әлмәт шәһәрендә торак йортлар төзеләчәк урында тәүге таш салу тантанасында катнашты. Чарада шулай ук РФ Федераль Җыены Федерация Советы әгъзасы – “Чиләбе торба-прокат заводы” төркеме хуҗасы Андрей Комаров, Әлмәт муниципаль районы башлыгы Ришат Әбүбәкеров, “Татнефть” ААҖ генераль директоры Шәфәгать Тәһаутдинов катнашты.
Республикада быелгы уракны уңышлы башкарып чыгу өчен, дәүләт тарафыннан һәртөрле ярдәм чаралары күрелгән. Хәзер барысы да эшне урыннарда ни дәрәҗәдә оештырудан, кеше факторыннан торачак. Бүген Хөкүмәт йортында узган брифингта ТР Премьер-министры урынбасары-Авыл хуҗалыгы һәм азык-төлек министры Марат Әхмәтов шулай дип белдерде.
ТР Президенты ТР Питрәч районында төзекләндерелә торган балалар бакчасын һәм яңа гаилә фермасын карады. Республика башлыгын вице-премьер - ТР авыл хуҗалыгы һәм азык-төлек министры Марат Әхмәтов, ТР төзелеш, архитектура һәм торак-коммуналь хуҗалык министры Ирек Фәйзуллин, ТР мәгариф һәм фән министры Альберт Гыйльметдинов озатып йөрде.
Агымдагы елның 7 ае нәтиҗәләре буенча Татарстан Республикасында 1 миллион 303 мең квадрат метр торак сафка бастырылган, бу еллык биремнең 55 процентын тәшкил итә. Июль аенда 200 мең квадрат метр торак файдалануга тапшырылган. Бүген ТР төзелеш, архитектура һәм торак-коммуналь хуҗалык министры Ирек Фәйзуллин ТР Хөкүмәте йортында 2011 елда Татарстан Республикасында торак төзү һәм файдалануга тапшыру, Бөек Ватан сугышы ветераннарын торак белән тәэмин итү мәсьәләләренә багышлап үткәрелгән киңәшмәдә әнә шулай дип белдерде.
Татарстанда урып-җыю башланганнан алып 334 мең тонна ашлык суктырылган. Бүгенге көндә бөртекле культуралар 105,7 мең гектар мәйданда җыеп алынган.
“Татарстанда хезмәтне саклау өстенлекле юнәлеш булырга тиеш. Без бу эшне системага салырга тиешбез. Бу эшнең башында Премьер-министрның беренче урынбасары Равил Моратов җитәкчелегендәге республика ведомствоара комиссиясе торачак”. Бүген Хезмәтне саклау буенча республика ведомствоара комиссиясенең “Казаноргсинтез” ААҖ базасында узган киңәйтелгән утырышында ТР Президенты Рөстәм Миңнеханов шулай дип белдерде. Утырыш эшендә шулай ук ТР Премьер-министры Илдар Халиков, министрлык-ведомстволар, предприятиеләр җитәкчеләре, ТР Профсоюзлары берлеге рәисе Татьяна Водопьянова, ТР Предприятиеләре һәм эшмәкәрләре ассоциациясе президенты Александр Лаврентьев һ.б. катнашты.
Бүген Татарстан Президенты Рөстәм Миңнеханов Биектау районында “Нуран-Пласт” ҖЧҖ заводын ачу тантанасында катнашты.