Татарстан Республикасы Хөкүмәте

ЯҢАЛЫКЛАР

февраль, 2011 ел

шимбә

Равил Моратов: “Кар белән капланган түбәләр проблемасының актуальлеге арта бара”

Татарстанда торак һәм административ биналарның түбәләрендә кар һәм боз җыелу проблемасының актуальлеге арта бара һәм аны хәл итү өчен бөтен алымнарны кулланырга кирәк. Бүген ТР Хөкүмәтенең беренче вице-премьеры Равил Моратов Татарстан Республикасы Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышында әнә шулай дип белдерде. Утырыш ТР Хөкүмәте йортында узды.

Рөстәм Миңнеханов: “Татарстанның транспорт тармагы алдында зур бурычлар тора”

Татарстан транспорт тармагында киң колачлы проектларны гамәлгә ашыра һәм алга таба да бу эшне дәвам итәргә әзер. Бүген республика Президенты Рөстәм Миңнеханов ТР Транспорт һәм юл хуҗалыгы министрлыгының йомгаклау коллегиясендә әнә шулай дип белдерде. Коллегиядә Россия транспорт министры урынбасары Олег Белозеров, Федераль юл агентлыгы җитәкчесе Анатолий Чабунин, Дәүләт Думасының беренче вице-спикеры Олег Морозов, Дәүләт Думасының төзелеш һәм җир мөнәсәбәтләре комитеты рәисе Мартин Шаккум катнашты.

февраль, 2011 ел

җомга

Илдар Халиков: “Быел күпләп товар сәүдәсе белән эш итү компанияләрен яңабаштан лицензияләү көтә”

Татарстан өчен алкоголь җитештерү тармагы, нефть тармагы кебек үк, гадәттән тыш әһәмиятле санала, чөнки нефтьтән соң ул - икенче, шулай ук җитди салым түләүче санала. Билгеле, кешеләр сәламәтлеге алардан өстенрәк. Әйе, эчү – начар гамәл, бу хакта сүз куертып торасы түгел, әмма иҗтыяҗ һәм андый төр продукт бар. Эчкечелеккә каршы махсус кампанияләр, төрле чаралар үткәрелә, әмма бүгенгә аны тулысынча тыеп та булмый. Республиканың дәүләт алкоголь инспекциясе исә алкоголь продукциянең сыйфаты, законнар һәм таләпләр үтәлеше мәсьәләләрендә төзәтмәләр кертә – моны, ахыр чиктә, татарстанлыларның сәламәтлегенә иң түбән зыян салырлык алкоголь продукциягә ышанычлылык та дип карарга кирәк. Биредә җитештерүчеләр, күпләп товар сатып алучылар, ваклап сатучылар, контроль органнарының вөҗдан эше, тиешленең төгәл үтәлеше турында сүз бара.

ТР Президенты: “Россия Кубогы – “Динамо-Казан” командасы җиңүләренең әле башы гына”

Бүген Татарстан Президенты Рөстәм Миңнеханов Казан Кремлендә волейбол буенча Россия Кубогы ияләрен – “Динамо-Казан” хатын-кызлар волейбол командасын кабул итте. Республика башлыгы спортчыларны мактаулы бүләккә ия булулары белән котлады.

Рөстәм Миңнеханов: “Аңлашып эшләү булмаганда, тулай төбәк продуктында кече һәм урта эшмәкәрлекнең өлешен 50 процентка җиткереп булмаячак”

“Соңгы 5-6 елда республикада кече һәм урта бизнес үсеше өчен кирәкле мохит, инфраструктура булдыру, инновацияле мәйданнар төзү буенча шактый эшләр башкарылды. Республика эшмәкәрлеккә ярдәм буларак каралган федераль программаларны гамәлгә ашыруда тәҗрибә мәйданы булып хезмәт итә. Гомумән алганда, Татарстанда эшмәрлекне үстерү өчен тиешле команда, инфраструктура тупланган, аңлау һәм эшләргә теләк бар. Шуңа карамастан, булган ресурслар, куәтләр тиешенчә файдаланылмый”. ТР Президенты Рөстәм Миңнеханов ТР Кече һәм урта эшмәкәрлекне үстерү комитетының ел йомгакларына багышланган коллегия утырышында ясаган чыгышында шулай дип белдерде.

февраль, 2011 ел

пәнҗешәмбе

Илдар Халиков: “Казанда “Ernst&Young “офисы ачылу халыкара бизнесның ТР белән кызыксынуы һәм ышанычы хакында сөйли”

Казанда “Ernst&Young” компаниясе офисы ачылу халыкара бизнесның Татарстан белән кызыксынуы һәм республикага ышанычы хакында сөйли. Әлеге вакыйга уңаеннан компания делегациясе белән очрашудан соң ТР Премьер-министры Илдар Халиков журналистларга шулай дип белдерде.

Илдар Халиков: “Алексеевски районы күп кенә күрсәткечләр буенча әйдәп бара”

Бүген ТР Премьер-министры Илдар Халиков Алексеевски муниципаль районына сәфәр кылды.

ТР Хөкүмәте башлыгы Бөек Ватан сугышы ветераннарын торак белән тәэмин итү программасы буенча төзелүче микрорайонда булды. Йортларның берсе белән белән танышкан вакытта Илдар Халиков сугыш ветераны Нәбиулла Гаффаровның фатирына керде. Шәһәр тибындагы Алексеевски бистәсенең көнчыгыш өлешендә сугыш ветераннары өчен 4872 квадрат метр мәйданлы 116 фатир төзелгән.

Рөстәм Миңнеханов:“Наркотиклар куллану-кулланмауны ачыклауда тестлаштыру системасын үзгәртергә кирәк”

Наркотиклар, төрле психоактив матдәләр кулланучыларны башлангыч мәлендә ачыклау максатында, республикада укучылар, студентлар һәм хәрби хезмәткә алынучы яшьләр арасында, тестлаштыру рәвешендә, медик-профилактик тикшерүләр уздырыла. Былтыр, мәсәлән, 147,5 мең егет һәм кыз каралган, шуларның 17,8 меңе – хәрби мундир кияргә тиешле егет. Нәтиҗәдә, наркотик кулланучы 120 кеше ачыкланган: урта мәктәпләрдә - 8, башлангыч һөнәри белем бирү учреждениеләрендә - 9, урта һөнәри белем бирү учреждениеләрендә - 2, югары уку йортлары студентлары арасында - 10, хәрби комиссариатлар тикшергәндә - 91 кеше.

февраль, 2011 ел

чәршәмбе

Рөстәм Миңнеханов ТР Премьер-министрына "Южный" сәүдә үзәге белән бәйле вәзгыятьне ачыкларга йөкләде

Татарстан Президенты Рөстәм Миңнеханов ТР Премьер-министры Илдар Халиковка "Южный" сәүдә үзәге эшчәнлеге туктатылу белән бәйле вәзгыятне ачыкларга йөкләде.

Илдар Халиков: “Статистика органнары мәгълүматның дөреслеге, сыйфаты, оперативлыгы өчен җавап бирә”

Узган 2010 ел дәүләт статистика органнары өчен Бөтенроссия халык санын алу елы булып тарихка кереп калды. 2008 елдан бирле бу масштаблы чарага әзерлек эшләре алып барган статистика органнарының эше халык санын алу белән тәмамланмый әле. Хәзер алар алдында бу материалларны автоматлаштырып эшкәртү бурычы тора Әлеге эш узган елның декабреннән бирле алып барыла. Әлеге мәгълүматлар бүген Дәүләт статистикасы федераль хезмәте ТР идарәсенең ел йомгакларына һәм 2011 елга бурычлар билгеләүгә багышланган коллегия утырышында яңгырады. Аның эшендә ТР Премьер-министры Илдар Халиков катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ