ЯҢАЛЫКЛАР

Бүген Татарстан Республикасы Премьер-министры Рөстәм Миңнеханов эш сәфәре белән Яр Чаллыда, “КАМАЗ” ачык акционерлык җәмгыятендә.
Бүген бу предприятиегә эш визиты белән Россия Хөкүмәте рәисенең беренче урынбасары Игорь Шувалов килде. Аны Россия Федерациясе икътисади үсеш министрының урынбасары Александра Левицкая, “Ростехнологияләр” дәүләт корпорациясе генераль директоры Сергей Чемезов һәм аның урынбасары Игорь Завьялов, “Внешэкономбанк” (ВЭБ) ның идарә рәисе Владимир Дмитриев озатып йөрде.

Бүген Татарстан Республикаы Премьер-министрының беренче урынбасары Борис Павлов 2009-2013 елларга һәм 2015 елга кадәр наноиндустрия үсешенең комплекслы программасы кысаларында наноиндустрия проектларын кулланышка кертү мәсьәләсе буенча Татарстан Республикасы Сәнәгать һәм сәүдә министрлыгы һәм Татарстан Республикасы Сәүдә-сәнәгать палатасы Татарстан бизнесы вәкилләре белән үткәргән киңәшмәдә катнашты. Чарада Татарстанның 80 нән артык сәнәгать предприятиесе, банклар, әйдәп баручы фәнни-белем бирү үзәкләре җитәкчеләре катнаштылар.

Татарстан Премьер-министры Рөстәм Миңнеханов социаль ипотека программасы буенча йортлар төзүне үз контроленә алган. Бүген республиканың хөкүмәт башлыгы Казандагы төзелеш мәйданчыкларында булып чыкты, төзелеш эшләренең барышы белән танышты. Әлеге сәфәрдә Р.Миңнехановны республиканың төзелеш, архитектура һәм торак-коммуналь хуҗалык министры Марат Хөснуллин, Казан мэры Илсур Метшин һәм Татарстан Республикасы Президенты каршындагы Дәүләт торак фонды җитәкчесе Тәлгать Абдуллин озатып йөрде.

Бүген Татарстан Республикасы Премьер-министры Рөстәм Миңнеханов Кувейт вәкилләре белән очрашты. Очрашуда Татарстан Республикасы Премьер-министрының тышкы икътисади эшчәнлек буенча ярдәмчесе Искәндәр Мөфлиханов, “Рубин” футбол командасының баш тренеры Корбан Бердыев, Кувейт ягыннан – Кувейт Принцы вәкиле Хамад әфәнде Әл-Сенан, финанслар министрының урынбасары, салым хезмәте директоры Абдулла әфәнде Әл-Шехаб катнашты.

Бүген Татарстан Республикасы Премьер-министры Рөстәм Миңнеханов Татарстан Республикасының Хөкүмәт йортында Пермь краеның хөкүмәт рәисе Валерий Сухих җитәкчелегендәге делегация әгъзалары белән очрашты. Күрше төбәк делегациясенең республикабызга килү максаты – Татарстанның заманча мәгълүмати технологияләр өлкәсендәге тәҗрибәсе белән танышу.

Бүген Татарстан Республикасы Министрлар Кабинетында “Иң яхшы тәҗрибә - иң яхшы тормыш өчен!” Бөтенроссия форумына әзерлек мәсьәләсенә багышланган брифинг булды. Әлеге форум Европа сыйфат атналыгы кысаларында 18 нче – 20 нче ноябрьдә Казанда узачак. Чарада Татарстан Республикасы Премьер-министрының беренче урынбасары Борис Павлов, Бөтенроссия сыйфат оешмасы президенты Геннадий Воронин, Татарстан Республикасы сәнәгать һәм сәүдә министрының беренче урынбасары Владимир Соловьев, “Татарстан Тест” федераль дәүләт учреждениесе директоры Валерий Гогин катнашты.

Бүген Казан Кремленең тантаналар залында Россия Федерациясе һәм Татарстан Республикасының дәүләт бүләкләрен тапшыру тантанасы булды.

Бүген Россия Президенты Дмитрий Медведев илебезнең танылган гражданнарына дәүләт бүләкләре бирде. Бүләкләнүчеләр арасында – Татарстан Республикасы Премьер-министрының беренче урынбасары Равил Моратов. Ул IV дәрәҗә “Ватан алдындагы хезмәтләре өчен” ордены белән бүләкләнде.
Шуны искәртик: бүләкләү турындагы Указга 2009 елның 11 нче октябрендә кул куелган (Россия Федерациясе Президентының 2009 ел, 11 нче октябрь, 1144 нче номерлы Указы).

2009 елның 18 нче – 20 нче ноябрендә Казанда Бөтендөнья сыйфат көне һәм Европа сыйфат атналыгына багышланган “Иң яхшы тәҗрибә - иң яхшы тормыш өчен!” Бөтенроссия сыйфат форумы узачак. Бүген форумны оештыру комитеты утырышында бу турыда Татарстан Республикасы Премьер-министрының беренче урынбасары Борис Павлов хәбәр итте.
Утырышта Бөтенроссия сыйфат оешмасы президенты Геннадий Воронин, Татарстан Республикасы сәнәгать һәм сәүдә министрының беренче урынбасары Владимир Соловьев катнашты.

28 нче октябрьдән 1 нче ноябрьгә кадәр Татарстан Республикасы Премьер-министрының беренче урынбасары Борис Павлов җитәкчелегендәге делегация Түбән Новгородта узган “Бердәм Россия” XIV халыкара фәнни-сәнәгый форумында катнашты.
Татарстан делегациясе составына Татарстан Республикасының сәнәгать һәм сәүдә министры Равил Зарипов, Татарстан Республикасы икътисад министрының урынбасары Наил Гобәев, Татарстан Республикасы мәгариф һәм фән министрының урынбасары Вадим Хоменко, “Татарстан Республикасының Инвестиция-венчур фонды” коммерцияле булмаган дәүләт оешмасы директорының урынбасары Руслан Габидуллин, А.Н.Туполев исемендәге КДТУ проректоры Сергей Михайлов, республикабыздагы предприятие һәм оешмалар белгечләре катнашты.