ЯҢАЛЫКЛАР
Татарстан Республикасында Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 2016 ел башланганнан бирле 679 тикшерү уздырылган. Хезмәтне саклау кагыйдәләрен һәм нормаларын бозган өчен 11 млн. 417 мең сумлык 360 карар чыгарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры урынбасары Алексей Фролов хәбәр итте.
Киңәшмә барлык мунициципаль районнар белән видеоконференцэлемтә режимында узды. Анда Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков та катнашты.
Урак башланганнан бирле Татарстан Республикасы басуларында 1160 мең гектар мәйданда игеннәр суктырылган, ягъни барлык мәйданнарның 78%ы, барлыгы 3260 мең тонна бөртекле ашлык җыеп алынган.
Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.
Әтнә муниципаль районы бөртеклеләрне урып-җыюны тәмамлаган.
Бүген бу хакта Татарстан Республикасы Хөкүмәте Йортында узган республика киңәшмәсендә хәбәр иттеләр.
Шуңа бәйле рәвештә Әтнә районы башлыгы Габделәхәт Хәкимов Рөстәм Миңнехановка быелгы уңыш бодаеннан пешерелгән күмәч тапшырды.
Бүген Татарстанның Биектау районындагы Коркачык аэродромында авиашоу һәм “Мин күкне сайлыйм! авиация бәйрәме үткәрелде. Татарстан Премьер-министры Илдар Халиков, РФ Президенты ярдәмчесе, Гомуми билгеләнешле авиацияне үстерү мәсьәләләре буенча комиссия рәисе Игорь Левитин рәсми төстә ачкан әлеге бәйрәмдә сәламләү сүзләре очкычлар моторлары гөрелтесенә кушылып яңгырады: биредә трибуналар өстеннән күрсәтмә очышлар уза иде.
Бүген Татарстан Премьер-министры Илдар Халиков гомуми билгеләнештәге авиация үсеше мәсьәләләре буенча киңәшмә уздырды. Бу чара Биектау раайонының “Коркачык” аэродромы территориясендә “Мин күкне сайлыйм” авиация бәйрәме кысаларында үтте.
Киңәшмәдә РФ Президенты ярдәмчесе Игорь Левитин, Татарстан Президенты ярдәмчесе Равил Зарипов, Татарстан Премьер-министры урынбасары – сәнәгать һәм сәүдә министры Альберт Кәримов катнашты.
Бүген Казан вертолетлар заводы (КВЗ) базасында «Ростех» дәүләт корпорациясе һәм «Россия вертолетлары» АҖ җитәкчелегенең уртак күчмә киңәшмәсе узды.
Киңәшмәдә «Ростех» ДК генераль директоры Сергей Чемезов, «Россия вертолетлары» холдингы генераль директоры Александр Михеев, КВЗ генераль директоры Вадим Лигай, Татарстан Республикасы Президенты Рөстәм Миңнеханов катнашты.
Чарада катнашучылар КВЗның һәм «Россия вертолетлары» холдингының башка заводларының йөкләнеше, финанс хәлләре мәсьәләләре буенча фикер алыштылар. Моннан тыш, Казан вертолетлар заводын модернизацияләү һәм техник җиһазландыру юлы белән җитештерү нәтиҗәлелеген арттыруга юнәлгән инвестицион проектлар турында сөйләштеләр.
Бүген Татарстан Республикасына "Ростех" дәүләт корпорациясе генераль директоры Сергей Чемезов килде.
"Казан" халыкара аэропортында аны Татарстан Республикасы Президенты Рөстәм Миңнеханов каршы алды.
Бүген Казан Кремлендә Татарстан Республикасы Президенты Рөстәм Миңнеханов Азия Омбудсменнары Ассоциациясе президенты Салман Фаруки җитәкчелегендәге Азия Омбудсменнары Ассоциациясе делегациясе белән очрашты. Очрашуда шулай ук Россия Федерациясендә Кеше хокуклары буенча вәкаләтле вәкил Татьяна Москалькова, ТР Президенты Аппараты Җитәкчесе Әсгать Сәфәров, Татарстан Республикасында Кеше хокуклары буенча вәкаләтле вәкил Сәрия Сабурская, Татарстан Республикасы юстиция министры Лариса Глухова һәм башкалар катнашты.
Искәртәбез, 9-12 августта Татарстанда Азия Омбудсменнары Ассоциациясе Директорлар советы утырышы уза.
Бүген Татарстан Республикасы Президенты Рөстәм Миңнеханов Казан Кремлендә «Чиләбе торбалар прокатлау заводы» ГАҖ акционеры Андрей Комаров белән очрашты.
Очрашу барышында яклар Татарстан Республикасы белән Чиләбе торбалар прокатлау заводы арасында социаль-икътисадый хезмәттәшлек турында 2014 елның декабрендә имзаланган килешүне үтәүнең барышы, шулай ук «ЧТПЗ» ГАҖ нефть сервис дивизионына керүче «Алнас» Әлмәт заводын үстерү перспективалары турында фикер алыштылар.
Бүген "Казан ярминкәсе" ААҖ күргәзмәләр үзәгендә Татарстан Республикасы машина төзү предприятиеләре координацион советының бишенче утырышы уза. Ул "Авиакосмик технологияләр, заманча материаллар һәм җиһазлар" 8 нче махсуслаштырылган халыкара күргәзмәсе кысаларында үткәрелә.
Татарстан Президенты ярдәмчесе Равил Зарипов утырышны ачып җибәреп, аның импортны алмаштыру технологияләрен гамәлгә кертү, югары квалификацияле кадрлар әзерләү, станок төзүне үстерү мәсьәләләренә багышланганын билгеләп узды.