ЯҢАЛЫКЛАР

ТР Премьер-министры Илдар Халиков бүген Казанда спортның су төрләре буенча XVI дөнья чемпионатына һәм “Мастерс” категориясендә спортның су төрләре буенча XVI дөнья чемпионатына әзерлек һәм аны уздыру буенча республика оештыру комитеты утырышын уздырды.
Бу чара ТР Хөкүмәте йортында узды, анда дөнья чемпионатын оештыру белән шөгыльләнүче министрлыклар һәм ведомстволар вәкилләре катнашты.

Татарстан Республикасы Премьер-министры Илдар Халиков бүген Швейцария Конфедерациясенең Россия Федерациясендәге Гадәттән тыш һәм Тулы вәкаләтле илчесе Пьер Хельг белән очрашты. ТР Хөкүмәте йортында узган очрашуда шулай ук Швейцариянең бизнес-делегациясе әгъзалары, ТР вице-премьеры - мәгълүматлаштыру һәм элемтә министры Роман Шәйхетдинов, ТР транспорт һәм юл хуҗалыгы министры Ленар Сафин, ТР Президентының халыкара мәсьәләләр буенча ярдәмчесе Радик Гыйматдинов, ТР сәүдә-сәнәгать палатасы рәисе Шамил Агеев катнашты.

Татарстан Премьер-министры Илдар Халиков бүген ТР Транспорт һәм юл хуҗалыгы министрлыгы коллегиясенең киңәйтелгән утырышы барышында Татарстан икътисады өчен юл-транспорт тармагының мөһимлеген билгеләде. Утырыш Казанда бүген ачылган “Дортрансэкспо -2014” күргәзмәсе кысаларында узды.

Бүген Казанның Авиатөзелеш районында реконструкциядән соң Академик Павлов урамы юлы ачылды. Тантаналы чарада ТР Премьер-министры Илдар Халиков, ТР транспорт һәм юл хуҗалыгы министры Ленар Сафин, Казан Башкарма комитеты җитәкчесе Денис Калинкин, Казанның Авиатөзелеш һәм Яңа Савин районнары хакимияте башлыгы Тимур Алибаев, «Главтатдортранс» ДКУ директоры Эдуард Данилов катнашты.

Бүген “Казан ярминкәсе” күргәзмәләр комплексында “Дортрансэкспо” 14нче махсуслаштырылган күргәзмәсе үзенең эшен башлады. Ачылыш тантанасында Татарстан Премьер-министры Илдар Халиков катнашты.

Һава торышы кискен үзгәрү сәбәпле, ТР буенча Эчке эшләр министрлыгының ЮХИДИ идарәсендә автомобиль йөртүчеләрне тиз арада кышкы көпчәкләргә күчәргә өндиләр. Бу хакта бүген ТР Министрлар Кабинетында узган брифингта да сүз булды.

Бүген Татарстан Республикасы Премьер-министры Илдар Халиков 12 чакырылыш Кытай Халык сәяси консультатив советының Бөтенкытай комитеты рәисе, Россия-Кытай дуслыгы җәмгыяте рәисе Чэнь Юань әфәнде җитәкчелегендәге Кытай Халык Республикасы делегациясе белән очрашты.

Очрашу ТР Хөкүмәте йортында узды, анда ТР Премьер-министры урынбасары - сәнәгать һәм сәүдә министры Равил Зарипов, ТР мәдәният министры Айрат Сибагатуллин, ТР мәгариф һәм фән министрының беренче урынбасары Андрей Поминов, РФ Тышкы эшләр министрлыгының Казандагы вәкиле Радик Вахитов катнашты.

Бүген Казан Кремлендә Татарстан Республикасы Дәүләт Киңәшчесе Россия шахмат федерациясенең Попечительләр Советы әгъзасы Минтимер Шәймиев Россия шахмат федерациясе идарәсе рәисе, суперфиналның оештыру комитеты әгъзасы Марк Глуховский белән очрашты.

Татарстанда быел салым органнары физик затлардан 4,4 млрд сумнан артык милек салымнарын җыюны планлаштыра. Бу хакта бүген ТР Министрлар Кабинетында узган брифингта Россия федераль салым хезмәтенең ТР буенча идарәсе җитәкчесе Марат Сафиуллин хәбәр итте.

Быел Татарстан Хөкүмәтенең “Алгарыш” программасы кысаларында 222 кеше грант алды. Бу хакта бүген ТР Министрлар Кабинетында брифингта ТР мәгариф һәм фән министрының беренче урынбасары Андрей Поминов белдерде.