Татарстан Республикасы Премьер-министрының беренче урынбасары Р. К. Нигъмәтуллинның Икенче бөтендөнья сугышы тәмамлануга һәм милитарист Японияне җиңүгә 79 ел тулу уңаеннан мөрәҗәгате

Кадерле татарстанлылар! Чын күңелемнән сезне Икенче бөтендөнья сугышы тәмамлануга һәм милитарист Японияне җиңүгә 79 ел тулу белән котлыйм!

Безнең өчен бу дата аерым әһәмияткә ия, чөнки егерменче гасырның иң канкойгыч сугышына соңгы нокта куелды. Бөек Ватан сугышы тәмамланганнан соң Кызыл Армия солдатлары дустанә илләр, шул исәптән Япон милитаристлары тарафыннан коллыкка алынган Кытай һәм Корея азатлыгы өчен батырларча көрәшүен дәвам итә. Кешелек тарихында миллионлаган кешенең гомерен өзгән, кеше язмышын имгәткән, меңләгән шәһәр һәм авылларны юкка чыгарган иң куркыныч сугыш Ерак Көнчыгышта 1945 елның 2 сентябрендә тәмамлана, ул вакытта Япониянең Шартсыз капитуляциясе турындагы акт имзалана, бу Икенче бөтендөнья сугышы тәмамлануын аңлата. Тыныч күк йөзе өчен батыр фронтовикларга, милитарист Японияне тар-мар итүгә өлеш керткән тыл хезмәткәрләренә һәм хезмәт ветераннарына чиксез рәхмәтебез. Сезнең хәрби һәм хезмәт батырлыгыгыз өчен сезгә түбәнчелек белән баш иям. Сезгә нык сәламәтлек, озын гомер һәм гаилә иминлеге телим. Татарстан Республикасы Премьер-министрының беренче урынбасары Р. К. Нигъмәтуллин