ЯҢАЛЫКЛАР
Татарстан Президенты вазыйфаларын вакытлыча башкаручы Рөстәм Миңнеханов Казанда узучы Су спорт төрләре буенча дөнья чемпионатында ачык суда 25 км дистанциядә җиңүчеләрне һәм призерларны бүләкләү тантанасында катнашты.
Ир-атлар арасында италияле Симонне Руффини иң яхшысы булды, ул дистанцияне 5 сәгатьтән кимрәк вакытта узды. Бу бик яхшы күрсәткеч.
Хатын-кызлар арасында финишка бразилияле Ана Марсела Кунья беренче булып килде.
Бүген Казанның Каенлыгында татар милли бәйрәме Сабантуй тантаналы төстә узды. Бәйрәмнең мәртәбәле кунаклары - Татарстан Республикасы Президенты вазыйфаларын вакытлыча башкаручы Рөстәм Миңнеханов, ФИНА башкарма директоры Корнел Маркулеску, Кырым Республикасы башлыгы Сергей Аксёнов, Казан мэры Илсур Метшин, республика министрлыклары һәм ведомстволары җитәкчеләре.
Татарстан Республикасы Президенты вазыйфаларын вакытлыча башкаручы Россия синхрончыларының Су спорт төрләре буенча дөнья чемпионатындагы бүгенге чыгышын искиткеч дип атады.
Искәртәбез, Российские синхрончылары бүген ирекле программада алтын медальләр яуладылар.
ТР Президенты вазыфаларын вакытлыча башкаручы Рөстәм Миңнеханов катнашында бүген Алабугада Спас ярминкәсе рәсми рәвештә ачылды. Алабугадагы ярминкә, ярты гасырлык тәнәфестән соң, 2008 елда яңадан үткәрелә башлады. Ул шәһәрдә XIX гасырның икенче яртысыннан алып уздырылган һәм, Эрбет, Мәкәрҗә ярминкәләре кебек үк, танылган булган. Бүгенге көндә дә ярминкә шактый зур күләмдә оештырыла. Әйтик, быел бирегә Россиянең һәм чит илләрнең төрле шәһәрләреннән 1200дән артык оста җыелган. ТР Президенты вазифаларын вакытлыча башкаручы Рөстәм Миңнеханов катнашында бүген Алабугада Спас ярминкәсе рәсми рәвештә ачылды. Алабугадагы ярминкә, ярты гасырлык тәнәфестән соң, 2008 елда яңадан үткәрелә башлады. Ул шәһәрдә XIX гасырның икенче яртысыннан алып уздырылган һәм, Эрбет, Мәкәрҗә ярминкәләре кебек үк, танылган булган. Бүгенге көндә дә ярминкә шактый зур күләмдә оештырыла. Әйтик, быел бирегә Россиянең һәм чит илләрнең төрле шәһәрләреннән 1200дән артык оста җыелган.
Бүген Казанда «Берләшкән шәһәрләр һәм җирле хакимиятләр» (БШҖХ) бөтендөнья оешмасының Евразия региональ бүлекчәсе конгрессы эшен башлап җибәрде. Чара Казан Ратушасында узды, анда Татарстан Республикасы Президенты вазыйфаларын вакытлыча башкаручы Рөстәм Миңнеханов, РФ Президентының Идел буе федераль округындагы Тулы вәкаләтле вәкиле урынбасары Олег Мельниченко, Европа Советы Җирле һәм төбәк хакимиятләре конгрессының Актуаль мәсьәләләр комитеты рәисе, Татарстан Республикасы Дәүләт Советы Рәисе Фәрит Мөхәммәтшин, Мәскәү шәһәр Думасы Рәисе Алексей Шапошников, БШҖХның 7 төбәк бүлекләренең генераль секретарьлары, РФ Дәүләт Федераль җыелышы депутатлары, Төркия Республикасы һәм Иран Ислам Республикасы консуллары катнашты.
Бүген Казанда «Берләшкән шәһәрләр һәм җирле хакимиятләр» (БШҖХ) бөтендөнья оешмасының Евразия региональ бүлекчәсе конгрессы эшен башлап җибәрде. Чара Казан Ратушасында узды, анда Татарстан Республикасы Президенты вазыйфаларын вакытлыча башкаручы Рөстәм Миңнеханов, РФ Президентының Идел буе федераль округындагы Тулы вәкаләтле вәкиле урынбасары Олег Мельниченко, Европа Советы Җирле һәм төбәк хакимиятләре конгрессының Актуаль мәсьәләләр комитеты рәисе, Татарстан Республикасы Дәүләт Советы Рәисе Фәрит Мөхәммәтшин, Мәскәү шәһәр Думасы Рәисе Алексей Шапошников, БШҖХның 7 төбәкләре бүлекләренең генераль секретарьлары, РФ Дәүләт Федераль җыелышы депутатлары, Төркия Республикасы һәм Иран Ислам Республикасы консуллары катнашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Әтнә районында булды һәм урып-җыю эшләренең барышы белән танышты. Аны Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, район башлыгы Габделәхәт Хәкимов һәм башка рәсми затлар озата йөрде.