Татарстан Республикасы Хөкүмәте

ЯҢАЛЫКЛАР

ноябрь, 2014 ел

сишәмбе

Рөстәм Миңнеханов Һиндстан Нефть һәм табигый газ министрлыгы җитәкчелеге белән очрашты

Бүген Татарстан Республикасы Президенты Рөстәм Миңнеханов Һиндстан Нефть һәм табигый газ министрлыгы җитәкчелеге вәкилләре белән очрашты. Очрашу Рөстәм Миңнехановның Һиндстан Республикасына эш визиты кысаларында узды. Яклар хезмәттәшлек һәм эшлекле мөнәсәбәтләрне ныгыту мәсьәләләре турында сөйләштеләр.

Россия кулланучылар күзәтчелегенең ТР буенча идарәсе: Иң күп жалоба Татарстанлылардан товар сату буенча килә

Быел гыйнвар аеннан алып кына да Татарстанда кулланучылар хокукларын яклау һәм кеше иминлеген саклау буенча федераль хезмәте идарәсенә язма рәвештә 5 меңнән артык мөрәҗәгать килгән. Аларның күбесендә кулланучыларның хокуклары бозылу хакында хәбәр ителә.

15 ноябрьдән республикада су объектларында куркынычсызлык айлыгы башланды

Бүгенге көнгә Татарстанда су объектларында 133 кеше үлгән, бу узган елга караганда 45 кешегә кимрәк. Барлыгы 56 кеше коткарыла. Әмма, шуңа карамастан, соңгы вакытта кешеләрнең ныгып җитмәгән боз астына китү очраклары ешайды. Бу хакта бүген ТР Министрлар Кабинетында узган брифингта Татарстан Республикасының кече үлчәмле суднолар буенча дәүләт баш инспекторы Илһам Насыйбуллин хәбәр итте.

Татарстан һәм Һиндстан берничә юнәлеш буенча хезмәттәшлек оештыра алалар

Татарстан Республикасы һәм Һиндстан химия һәм нефть химиясе өлкәсендә, ашламалар китерү мәсьәләләрендә хезмәттәшлек итә алалар. Бүген бу хакта Татарстан Президенты Рөстәм Миңнехановның Һиндстан химия сәнәгате һәм ашламалар министры Анантха Кумара очрашуында сүз барды. Очрашу Һиндстан Химия сәнәгате һәм ашламалар министрлыгы бинасында узды (Дәһли шәһәре).

Казанда Европа икътисади комиссиясенең Урманнар буенча комитет сессиясе ачылды

Бүген Казанда БМО Европа икътисади комиссиясенең Урманнар һәм урман тармагы буенча комитетның 72 сессиясе үз эшен башлап җибәрде. Сессия ачылышында Татарстан Республикасы Премьер-министры Илдар Халиков, РФ табигый байлыклар һәм экология министры урынбасары – Урман хуҗалыгы федераль агентлыгы җитәкчесе Иван Валентик, БМОның Европа икътисади комиссиясе башкарма директоры урынбасары Андрей Васильев катнашты.

Илдар Халиков Россия урман хуҗалыгы җитәкчесе белән очрашты

Татарстан Премьер-министры Илдар Халиков бүген Россия Федерациясенең экология һәм табигый байлыклар министры урынбасары – Урман хуҗалыгы федераль агентлыгы җитәкчесе Иван Валентик белән очрашты.

Рөстәм Миңнеханов Һиндстанның квалификация күтәрү, эшкуарлык буенча дәүләт министры Раджив Пратап Руди белән очрашты

Бүген Татарстан Республикасы Президенты Рөстәм Миңнеханов Һиндстанның квалификация күтәрү, эшкуарлык, парламент эшләре буенча дәүләт министры Раджив Пратап Руди белән очрашты. Очрашу Рөстәм Миңнехановның Һиндстан Республикасына эш сәфәре кысаларында (2014 елның 18-19 ноябре) уздырылды.

Рөстәм Миңнеханов эш сәфәре белән Һидстанга килде

Татарстан Республикасы Президенты Рөстәм Миңнеханов Һиндстан Республикасына эш сәфәре белән килде (2014 елның 18-19 ноябре). Һиндстанда булганда Рөстәм Миңнеханов кайбер министрлыкларның дәүләт чиновниклары, шулай ук Һиндстан эшлекле даирәләре вәкилләре белән очрашачак.

ноябрь, 2014 ел

дүшәмбе

Казан аэропортында “Боинг-737” авиаһәлакәтенә бер ел тулу уңаеннан һәлак булучыларны искә алдылар

“Казан” халыкара аэропортында бүген “Боинг-737” авиаһәлакәтенә бер ел тулу уңаеннан матәм чарасы узды. Бу чарада һәлак булучыларның туганнары һәм якыннары, Татарстан Премьер-министры Илдар Халиков катнашты.

ноябрь, 2014 ел

шимбә

Татарстан һәм Кырым хезмәттәшлек турында килештеләр

Бүген Казан Кремлендә Татарстан Республикасы һәм Кырым Республикасы арасында Сәүдә-икътисадый, фәнни-техник, социаль һәм мәдәни хезмәттәшлек турында килешү имзаланды. Документка имзаларын Татарстан Республикасы Президенты Рөстәм Миңнеханов һәм Кырым Республикасы башлыгы Сергей Аксенов куйдылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ