ЯҢАЛЫКЛАР
Татарстан җитәкчелеге Мәскәүдәге ватандашлар ярдәмен югары бәяли. Бу хакта Татарстан Республикасы Президенты Рөстәм Миңнеханов Россия башкаласында узган "Татарстан якташлыгы" Россия иҗтимагый оешмасының гамәлгә кую утырышы барышында белдерде. Утырышка электән Татарстан белән бәйле, әмма хәзерге вакытта Мәскәүдә яшәүче иҗтимагый, сәяси эшлеклеләр, төрле йлкәләр белгечләре, фән һәм мәдәният эшлеклеләре катнашты.
Татарстан Республикасында шикәр заводларына 1,1 млн. тонна шикәр чөгендере китерелгән, бүгенге көнгә 107 мең тонна шикәр җитештерелгән. Бу хакта бүген ТР Хөкүмәте Йортында узган республика киңәшмәсендә ТР авыл хуҗалыгы һәм азык-төлек министрының беренче урынбасары Николай Титов хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук Татарстан Республикасы Премьер-министрының беренче урынбасары Алексей Песошин катнашты.
Татарстан Республикасында 2014 елның 7 ноябрь көне торышына 1 млн. 970,8 мең кв. м торак сафка кертелгән, ягъни еллык биремнең 82,2%. Былтыргы белән чагыштырганда бу 101,2 % тәшкил итә. Бу хакта бүген ТР Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук Татарстан Республикасы Премьер-министрының беренче урынбасары Алексей Песошин катнашты.
Бүген бу хакта Татарстан Республикасы Президенты Рөстәм Миңнеханов сәнәгать һәм сәүдә министры Ян Младек җитәкчелегендәге Чехия Республикасы делегациясе белән рәсми очрашудан соң белдерде. Очрашу Казан Кремлендә Татарстанда Сәнәгать һәм сәүдә министрлыгы белән Чехиянең "АЛТА инвест" компаниясе арасында "Алабуга" МИЗда металл эшкәртү станокларын җитештерү ниятләре турындагы меморандумны имзалаганнан соң узды.
Кичә Татарстан Сәнәгать һәм сәүдә министры белән Чехиянең "АЛТА-Инвест" компаниясе арасында "Алабуга" МИЗда металл эшкәртү станоклары җитештерү турындагы меморандум имзаланды. Документка ТР Премьер-министры урынбасары - ТР сәнәгать һәм сәүдә министры Равил Зарипов һәм "АЛТА" компаниясе идарә рәисе Владимир Плашил кул куйды. Меморандум Казан Кремлендә ТР Президенты Рөстәм Миңнеханов һәм Чехия сәнәгать министры Ян Младек катнашында имзаланды.
Бүген Татарстан Республикасы белән Россия Тышкы эшләр министрлыгының Мәскәү дәүләт халыкара мөнәсәбәтләр институты (университеты) - МГИМО һәм әлеге уку йортының Халыкара энергетика сәясәте һәм дипломатия институты арасында хезмәттәшлек турындагы килешүгә имза салынды. Документка Казан Кремлендә Россия Тышкы эшләр министрлыгының МДХМИ (У) ректоры, профессор Анатолий Торкуновның Татарстанга эш сәфәре кысаларында кул куелды. Килешү текстына Татарстан Республикасы Президенты Рөстәм Миңнеханов, Россия Тышкы эшләр министрлыгының МДХМИ (У) ректоры Анатолий Торкунов, һәм Россия Тышкы эшләр министрлыгының МДХМИ (У)ның Халыкара энергетика сәясәте һәм дипломатия институты директоры Валерий Салыгин имза салды.
Бүген Татарстан Республикасы Президенты Рөстәм Миңнеханов Халыкара шахмат федерациясе (FIDE) президенты Кирсан Илюмжинов белән очрашты. Очрашу Казан Кремлендә Татарстан Республикасы Президенты Резиденциясендә узды.
Бүген Татарстан Республикасы Президенты Рөстәм Миңнеханов яңа шәһәр Иннополис объектларын төзү белән танышты. Аны Татарстан Республикасы Премьер-министры Илдар Халиков, республика вице-премьеры - мәгълүматлаштыру һәм элемтә министры Роман Шәйхетдинов, Татарстан төзелеш, архитектура һәм ТКХ министры Ирек Фәйзуллин, подряд һәм проект оешмалары җитәкчеләре озата йөрде.
Бүген Казандагы Спорт сараеда “Ак Барс” һәм Чехия җыелма командасы ветераннары арасында иптәшләрчә хоккей матчы узды. Матчта танылган хоккейчылар, шул исәптән дөнья чемпионатлары һәм Олимпия уеннарында җиюүчеләр һәм призерлар катнашты. Казанлылар составында бозга команданың капитаны ролендә Татарстан Республикасы Президенты Рөстәм Миңнеханов һәм Казан мэры Илсур Метшин чыкты.