Татарстан Республикасы Хөкүмәте

ЯҢАЛЫКЛАР

август, 2012 ел

җомга

Рөстәм Миңнеханов “Стрелка” Медиа, архитектура һәм дизайн институты вәкилләре белән очрашты

Бүген Татарстан Республикасы Президенты Рөстәм Миңнеханов “Стрелка” Медиа, архитектура һәм дизайн институты һәм Россия Элемтә һәм массакүләм коммуникацияләр министрлыгы вәкилләре белән очрашты. Очрашуда Россия элемтә һәм массакүләм коммуникацияләр министры урынбасары Денис Свердлов, Стрелка” Медиа, архитектура һәм дизайн институты попечительләре Сергей Адоньев һәм Илья Осколков-Ценципер һ.б. катнашты.

Рөстәм Миңнеханов “Газпромбанк” ААҖ делегациясе белән очрашты

Бүген Татарстан Республикасы Президенты Рөстәм Миңнеханов “Газпромбанк” ААҖ делегациясе белән очрашты. ТР Хөкүмәт йортында узган очрашуда республика ягыннан ТР Премьер-министры урынбасары – ТР сәнәгать һәм сәүдә министры Равил Зарипов, ТР икътисад министры Мидхәт Шаһиәхмәтов, ТР Президентының икътисади мәсьәләләр буенча ярдәмчесе Айрат Хәйрулллин катнашты.

ТР Президентының ришвәтчелеккә каршы мәсьәләләр буенча идарәсе социаль ипотека буенча төзелә торган йортларның 1 квадрат метр бәясенең дөрес булуын тикшерде

Социаль ипотека программасы буенча төзелә торган йортларның сметадагы чыгымнары хакыйкатьтәге чыгымнардан шактый арттырып күрсәтелә. ТР Президенты күрсәтмәсе буенча Казанда һәм Чаллыда соципотека йортлары буенча уздырылган тикшерүләр әнә шуны ачыклаган. Аның нәтиҗәләрен ТР Президентының коррупциягә каршы сәясәт идарәсе җитәкчесе Марс Бәдретдинов бүген Хөкүмәт йортында ТР Президенты Рөстәм Миңнеханов рәислегендә үткән республика киңәшмәсендә игълан итте. Республикада торакны сафка бастыру белән бәйле мәсьәләләр күтәрелгән утырышта Премьер-министр Илдар Халиков та катнашты.

август, 2012 ел

пәнҗешәмбе

Татарстан Президенты: “Казан университеты үсешендә сизелерлек алга китеш бар”

Казан (Идел буе) федераль университетында вузны үстерү буенча эшләр сизелерлек нәтиҗә бирә. Бүген бу хакта Татарстан Президенты Рөстәм Миңнеханов республиканың әйдәп баручы вузы корпусларында булганнан соң белдерде. ТР җитәкчесен Казан мэры Илсур Метшин, республиканың торак, архитектура һәм торак-коммуналь хуҗалык министры Ирек Фәйзуллин, КФУ ректоры Илшат Гафуров озатып йөрде.

Илдар Халиков “Татспиртпром” ААҖ Директорлар советы утырышын үткәрде

Бүген Казанда ТР Хөкүмәт йортында республика Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды. Көн үзәгенә җәмгыятьнең Директорлар советына үзгәрешләр кертү һәм 2012 елның 1 ярты елында җәмгыятьнең финанс-хуҗалык эшчәнлеге нәтиҗәләре мәсьәләләре куелган иде.

Рөстәм Миңнеханов белән Минтимер Шәймиев Зөя шәһәр утравындагы төзекләндерелә торган объектларны карады

Бүген Татарстан Республикасы Президенты Рөстәм Миңнеханов һәм ТР Дәүләт киңәшчесе Минтимер Шәймиев Свияжски утрау-шәһәрчегендә төзелеш һәм реконструкция эшләре бара торган объектларны карадылар.

Рөстәм Миңнеханов борынгы Болгар шәһәрендәге объектларны карады

Бүген ТР Президенты Рөстәм Миңнеханов, ТР Дәүләт Киңәшчесе Минтимер Шәймиев Болгар дәүләт тарихи-архитектура музей-тыюлыгында булып, биредә реконструкциядән соң файдалануга тапшырылган һәм реконструкция эшләре бара торган берничә объектны карады. Аларны бу сәфәрдә ТР Президенты Аппараты җитәкчесе Юрий Камалтынов, ТР Премьер-министры урынбасары-Министрлар Кабинеты Аппараты җитәкчесе Шамил Гафаров, ТР Президенты ярдәмчесе Татьяна Ларионова, ТР төзелеш, архитектура һәм торак-коммуналь хуҗалык министры Ирек Фәйзуллин һ.б. озатып йөрде. Әлеге объектларның барысында да эшләрнең бер өлеше республика һәм федераль казналарыннан финанслана.

Рөстәм Миңнеханов: “CNCEC Татарстанның нефть, газ, химия комплексы үсеше буенча башка проектларында да катнашыр дип өметләнәбез”

Татарстан җитәкчелеге Кытай химик-инжиниринг компаниясенең (CNCEC) “Аммоний” заводы мәйданчыгында эшне югары дәрәҗәдә оештыруларына югары бәя бирә һәм CNCEC республиканың нефть, газ, химия комплексы үсеше буенча гамәлгә куела торган башка проектларында да катнашыр дип өметләнә. Бу хакта бүген ТР Президенты Рөстәм Миңнеханов CNCEC идарәсе рәисе Цзин Кэнин белән очрашуда белдерде.

Рөстәм Миңнеханов FISU генераль секретаре белән очрашты

Бүген Казанда Татарстан Республикасы Президенты Рөстәм Миңнеханов белән FISU Халыкара студентлар спорты федерациясе генераль секретаре Эрик Сайнтронд очрашты. ТР Хөкүмәт йортында узган очрашуда Казан мэры Илсур Метшин, ТР яшьләр эшләре, спорт һәм туристлык министры Рафис Борһанов, ТР төзелеш, архитектура һәм торак-коммуналь хуҗалык министры Ирек Фәйзуллин, Универсиада-2013 Дирекциясе җитәкчесе Владимир Леонов, FISU беренче вице-президенты – Россия студентлар спорты берлеге Олег Матыцин, FISU Җәйге Универсиадалар директоры Марк Ванденплас катнашты.

август, 2012 ел

чәршәмбе

Әгерҗе районы башкарма комитеты җитәкчесе вазыйфаларын башкаручы булып Валерий Макаров билгеләнде

Бүген Әгерҗе муниципаль районы Советының һәм “Әгерҗе шәһәре” муниципаль берәмлеге Советының чираттан тыш уртак утырышы узды. Аның эшендә ТР Премьер-министры Илдар Халиков катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ