Татарстан Республикасы Хөкүмәте

ЯҢАЛЫКЛАР

март, 2010 ел

пәнҗешәмбе

Татарстан Хөкүмәте башлыгы Рөстәм Миңнеханов ТР Министрлар Кабинетында Ислам Конференциясе Оешмасы генераль сәркатибе Әкмаледдин Ихсаноглы белән очрашты

Бүген Татарстан Хөкүмәте башлыгы Рөстәм Миңнеханов ТР Министрлар Кабинетында Ислам Конференциясе Оешмасы генераль сәркатибе Әкмаледдин Ихсаноглы белән очрашты. Очрашуда Россия Фередациясе ягыннан - Ислам Конференциясе Оешмасы каршындагы Россия Федерациясенең даими вәкиле Камил Исхаков катнашты.

март, 2010 ел

чәршәмбе

Татарстан Республикасы Министрлар Кабинеты һәм “Майкрософт Рус” ҖЧҖ арасында үзара хезмәттәшлек турында Килешүгә кул куелды

Бүген Татарстан Республикасы Министрлар Кабинеты һәм “Майкрософт Рус” ҖЧҖ арасында үзара хезмәттәшлек турында Килешүгә кул куелды. Документны ТР Хөкүмәте башлыгы Рөстәм Миңнеханов һәм “Майкрософт Рус” ҖЧҖ президенты Николай Прянишников имзалады.

Килешү буенча Татарстан Республикасы белән үзәкләштерелгән лицензияләштерелгән килешүнең эшчәнлеген озынайту каралган. Ул өч ел дәвамында гамәлдә булачак һәм Microsoft продуктларын һәм технологияләрен кулланып Татарстан дәүләт хакимияте органнарының эшен тагы да камилләштерергә ярдәм итәчәк. Бу “Татарстан Республикасы Электрон Хөкүмәте” проектын тормышка ашыруда чираттагы адым да.

Татарстан Республикасы Министрлар Кабинеты һәм РФ Хөкүмәте каршындагы халык хуҗалыгы Академиясе арасында партнерлык турында Килешүгә кул куелды

Бүген Татарстан Республикасы Министрлар Кабинеты һәм югары һөнәри белем бирүче “РФ Хөкүмәте каршындагы халык хуҗалыгы Академиясе” дәүләт мәгариф учреждениесе арасында партнерлык турында Килешүгә кул куелды.

Документны ТР Премьер-министры Рөстәм Миңнеханов һәм РФ Хөкүмәте каршындагы халык хуҗалыгы Академиясе ректоры Владимир Мау имзалады.

Татарстанда сәламәтлек саклау, мәдәният, социаль яклау, яшьләр һәм спорт учреждениеләре автотехниканың 100 яңа берәмлеген алды

Бүген Татарстан Республикасы Премьер-министры Рөстәм Миңнеханов Татарстан Республикасы сәламәтлек саклау, мәдәният, социаль яклау, яшьләр һәм спорт учреждениеләре вәкилләренә 100 яңа автомашинадан ачкычлар тапшырды.

Ачкычларны тапшыру тантанасы “Казан” милли мәдәният үзәге каршындагы мәйданда узды.

Автомашиналарның барысы да Татарстан территориясендә, Россия Федерациясе Хөкүмәте, РФ төбәкләр үсеше министрлыгы һәм Татарстан Республикасы арасында төзелгән автотранспорт чараларын һәм коммуналь техниканы сатып алу турындагы килешү кысаларында җитештерелгән.

2015 елга “Радиоприбор” ААҖ (Казан), “Әлмәт заводы “Радиоприбор” ААҖ һәм “Казан электротехника заводы” ААҖ җитештерү күләмнәрен өч тапкыр арртырачак

2015 елга “Радиоприбор” ААҖ (Казан), “Әлмәт заводы “Радиоприбор” ААҖ һәм “Казан электротехника заводы” ААҖ җитештерү күләмнәрен өч тапкыр арртырачак.

Мондый максат әлеге предприятиеләрне үстерү, заказлар белән тәэмин итү һәм заманчалаштыру программасы кысаларында куелган.

март, 2010 ел

сишәмбе

"КИТ Финанс Инвестиционный Банк" ҖЧҖ Татарстан Республикасы белән хезмәттәшлек итәргә тели

Бүген Татарстан Республикасы Премьер-министры Рөстәм Миңнеханов ТР Хөкүмәте йортында “КИТ Финанс Инвестиционный Банк” ҖЧҖ җитәкчесе Дмитрий Геркусов белән очрашты.

Дмитрий Геркусов “КИТ Финанс”ның оешма структурасы, эшчәнлекнең төрле юнәлешләре һәм алдагы үсеш перспективалары турында сөйләде.

Татарстан Хөкүмәте рәисе Рөстәм Миңнеханов һәм Сингапур Республикасының Россиядәге Гадәттән тыш һәм Тулывәкаләтле Вәкиле Саймон Де Круз алдагы хезмәттәшлек перспективалары турында сөйләште

Бүген Татарстан Республикасы Хөкүмәте Йортында Татарстан Хөкүмәте рәисе Рөстәм Миңнеханов һәм Сингапур Республикасының Россиядәге Гадәттән тыш һәм Тулывәкаләтле Вәкиле Саймон Де Круз алдагы хезмәттәшлек перспективалары турында сөйләште.

Ли Куан Ю ис. сәяси эзләнүләр Мәктәбе һәм Сингапур Республикасы дәүләт хезмәте Колледжы белән 2009 елның сентябрендә төзелгән килешүләр турында сүз барды.

Быел Татарстандагы язгы ташу чорында кайбер районнарда халыкны эвакуацияләү ихтыяҗы килеп туарга мөмкин

Хәзерге вакытта Татарстанда язгы ташуга әзерлек чаралары эше комплекслы рәвештә алып барыла. Бүген кече елгаларның 54 участогында, 147 буада вакытлыча күзәтчелек челтәре булдырылган; республика елгаларында тыгылып торган бозларны шартлату эшенә Казан Югары хәрби команда училищесы белән килешү төзелгән. Тирә-күрше субъектлар, муниципаль берәмлекләр белән язгы су ташу дәрәҗәсе һәм фаразлар буенча гидрометеорологик мәгълүматлар алмашу турында килешенгән.

Татарстан Хөкүмәте Йортында торак-коммуналь хезмәтләре сыйфаты өлкәсендәге өч проектны карадылар

Халыкка күрсәтелә торган торак-коммуналь хезмәтләренең сыйфатын ничек арттырырга? Ул хакта бүген Татарстан Республикасы Министрлар Кабинетында узган киңәшмәдә сөйләштеләр.

Киңәшмә видеоконференция тәртибендә узды. Чарада республиканың барлык муниципаль районнары да катнашты. Киңәшмәне ТР Премьер-министры Рөстәм Миңнеханов үткәрде.

Доклад белән ТР Премьер-министрының беренче урынбасары Равил Моратов чыгыш ясады.

март, 2010 ел

дүшәмбе

Татарстан Хөкүмәте башлыгы Рөстәм Миңнеханов Россия Проба палатасы җитәкчесе Владимир Моспан белән очрашты

Бүген Татарстан Республикасы Премьер-министры Рөстәм Миңнеханов ТР Хөкүмәте Йортында Россия Проба палатасы җитәкчесе Владимир Моспан белән очрашты.

Сүз республикадагы зәркән сәнәгате турында барды.

Россия Проба палатасы җитәкчесе Владимир Моспан фикеренчә, Татарстанда моның өчен барлык шартлар да бар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ