ЯҢАЛЫКЛАР
Сүз республикадагы зәркән сәнәгате турында барды.
Россия Проба палатасы җитәкчесе Владимир Моспан фикеренчә, Татарстанда моның өчен барлык шартлар да бар.
Программа "Татнефтехиминвест-холдинг" ААҖ инициативасы белән Россия биотехнологлар Җәмгыяте катнашында эшләнгән. Программаның финанслау күләме 30 млрд. сум тәшкил итә.
Татарстан Республикасында капиталь ремонт эшләре 38 муниципаль берәмлектә 392 йортта бара. Бүген эшләр 5 муниципаль районда: Азнакай, Яңа Чишмә, Теләче, Тукай һәм Чирмешән районнарында башланмаган. Ул хакта бүген капремонт һәм Бөек Ватан сугышы ветераннарын торак белән тәэмин итү мәсьәләләре буенча үткәрелгән киңәшмәдә ТР төзелеш, архитектура һәм торак-коммуналь хуҗалыгы министры Марат Хөснуллин хәбәр итте.
Киңәшмә видеоконференция тәртибендә узды. Чарада барлык муниципаль берәмлекләр дә катнашты. Киңәшмәне ТР Премьер-министры Рөстәм Миңнеханов үткәрде.
Җиңүнең 65-еллыгы алдыннан Бөек Ватан сугышы ветераннарын торак белән тәэмин итү кысаларында Татарстан Республикасында 1849 ветеран торак шартларын яхшырткан. Шул исәптән 2010 елның гыйнварыннан бирле яшәү шартларын 1563 кеше яхшы якка үзгәрткән.
Ул хакта бүген капиталь ремонт үткәрү һәм торакны файдалануга тапшыру мәсьәләләре буенча үткәрелгән киңәшмәдә ТР хезмәт, эш белән тәэмин итү һәм социаль яклау министры Айрат Шәфигуллин белдерде. Киңәшмә видеоконференция тәртибендә узды. Чарада барлык муниципаль районнар да катнашты. Киңәшмәне ТР Премьер-министры Рөстәм Миңнеханов үткәрде.
Татарстан Республикасында бөтенсезон чаңгы шуу комплексын төзү перспективалары турында бүген ТР Министрлар Кабинетында узган киңәшмәдә сөйләштеләр. Киңәшмәне ТР Премьер-министры Рөстәм Миңнеханов үткәрде.
Проектны “Комплексное энергоразвитие” ҖЧҖ белгечләре (КЭР-холдинг, Казан) тәкъдим итте.
Утырыш Кировта уза. Ул Идел буе төбәкләрендә балалар, өлкән яшьтәге гражданнар һәм инвалидлар хокукларын яклау буенча дәүләт сәясәтен тормышка ашыру мәсьәләләренә багышлана. Моннан кала, утырыш барышында Бөек Ватан сугышында Җиңүнең 65-еллыгын бәйрәм итүгә әзерлек мәсьәләләре дә каралачак.
2013 елда Казанда узачак җәйге Универсиаданың халыкара матбугат үзәге Мәскәү урамындагы Боз cараенда урнашачак. Мондый карарга Казанда 2013 елда узачак Бөтендөнья җәйге универсиаданы массакүләм мәгълүмат чараларында яктырту мәсьәләләре буенча эшлекле төркем әгъзалары килде. Алар Универсиаданың берничә объектын карап чыкты.