ЯҢАЛЫКЛАР

Бүген Рөстәм Миңнеханов Казан федераль университеты попечительләр советының күчмә утырышында катнашты.
Утырыш башланыр алдыннан Рөстәм Миңнеханов КФУның Филология һәм сәнгать институты һәм Фундаменталь медицина һәм биология институтының фәнни-белем бирү үзәкләре белән танышты.

Татарстан Республикасы Президенты Рөстәм Миңнеханов Казан (Идел буе) федераль университетының Фундаменталь медицина һәм биология институты фәнни-белем бирү үзәгендә булды.Аны КФУ ректоры Илшат Гафуров, ТР фән һәм мәгариф министры Энгель Фаттахов,ТР сәламәтлек саклау министры Айрат Фәррахов озатып йөрде.Алар уку аудиторияләре һәм лабораторияләрен карадылар, яшь галимнәрнең эшләре белән таныштылар.

Авыл хуҗалыгы өлкәсендә алдынгы позицияләрне кайтару, моннан тыш демография өлкәсендә тискәре тенденцияләрне юкка чыгару Тәтеш районының көченнән килә. Моның турында бүген ТР Премьер-министры Илдар Халиков республиканың Тәтеш муниципаль районы Советының йомгаклау сессиясендә белдерде.

Бүген ТР Чүпрәле муниципаль районы советы депутатлары Чүпрәле районы башкарма комитеты җитәкчесе постына Александр Шадриков кандидатурасын расладылар. Утырышта Татарстан Премьер-министры Илдар Халиков катнашты.

Бүген ТР Министрлар Кабинетында муниципалитетлар белән берлектә видеоконференция рәвешендә уздырылган брифингта ТР хәрби комиссары Сергей Погодин, быел республикадан хәрби хезмәткә язгы чакырылыш кампаниясе барышында 4,5 меңләп егетне берьеллык хезмәткә озату планлаштырылган, дип игълан итте.

Татарстандагы балалар йортлары базаларында кадет мәктәпләре оештыру күздә тотыла, башлап – Яшел Үзән районындагысында.
Татарстанда булган 1272 белем бирү учреждениенең барысында да узган уку елында хәрби хезмәт нигезләренә әзерлек эшләре үткәрелгән. Аерым алганда, аларның 1134е урта (тулы) гомумбелем бирү учреждениесе, 35е башлангыч һәм 103е урта һөнәри белем бирү учреждениеләре дип күзалларга кирәк.

Бүген Казанда Инфраструктуралар һәм белем бирү программалары фондының хезмәттәшлек үсеше буенча диреторы Леонид Гозман журналистларга “ РОСНАНО. Киләчәкне якынайтабыз” программасы һәм инновацияләр үсешен популярлаштыру, фән, нанотехнологияләр турында сөйләде.

Леонид Гозман белән бергә журналистларның сорауларына шулай ук Татарстан Президенты Рөстәм Миңнеханов җавап бирде.

“Нанотехнологияләрнең гомумән икътисадка Владимир Путинга яисә Рөстәм Миңнехановка гына түгел, ә бәлкем һәрбер кешегә кирәклеген аңлатырга кирәк”,- дип белдерде Леонид Гозман.

Бүген Татарстан Президенты Канаданың РФдәге Гадәттән тыш һәм Тулы вәкаләтле илчесе Джон Слоан белән очрашты.

Очрашу ТР Хөкүмәт Йортында узды, Татарстаннан анда ТР Премьер-министр урынбасары – ТР сәнәгать һәм сәүдә министры Равил Зарипов,ТР Президенты ярдәмчесе Радик Гыйматдинов катнашты.

Казанда 2013елгы җәйге Универсиада барышында авиациянең гомуми кулланыштагы һава судноларының очышы өчен чикләү кертелергә һәм ул уйланылган дәрәҗәдә булырга тиеш.Бу хакта бүген Татарстан Республикасы Президенты Рөстәм Миңнеханов Гомуми кулланыштагы авиация үсеше мәсьәләләре буенча РФ Президенты каршындагы комиссия утырышында хәбәр итте.

Бүген Яр Чаллы ИТ-паркында Кама инвестицон форумы кысаларында ТР Инвестицион үсеш агентлыгының йомгаклау коллегиясе узды. Анда ТР Премьер-министры Илдар Халиков катнашты.