ЯҢАЛЫКЛАР

Бүген көннең икенче яртысында ТР Президенты Рөстәм Миңнеханов Мәскәүдә эшлекле сәфәрдә булды. Сәфәр максатларының берсе – Россия мәгариф һәм фән министры Дмитрий Ливанов белән очрашу.

Бүген Татарстан Республикасы Президенты Рөстәм Миңнеханов финанс базарлары буенча Федераль хезмәт җитәкчесе Дмитрий Панкин белән очрашуда Россия финанс базары проблемалары, инвестицияләр җәлеп итү мәсьәләләре, кыйммәтле кәгазьләр базарында катнашучылар эше буенча фикер алышты.

Бүген Татарстан Республикасы Президенты Рөстәм Миңнеханов “КорпусГрупп” компаниясе җитәкчелеге белән очрашты. Очрашу ТР Хөкүмәте йортында узды. “КорпусГрупп” компаниясе генераль директоры Олег Лобанов Татарстан Республикасы компанияләре белән хезмәттәшлек итү буенча тәкъдимнәр белдерде.

Бүген Казанның “УНИКС” концертлар залында Татарстан студентларының VII Конгрессының йомгаклау утырышы узды. Аның эшендә Татарстан Президенты Рөстәм Миңнеханов, ТР Дәүләт Советы Рәисе урынбасары Римма Ратникова, Казан шәһәре мэры Илсур Метшин, ТР Яшьләр эшләре, спорт һәм туризм министры Рафис Борһанов, ТР Мәгариф һәм фән министры Энгель Фәттахов, ТР Хезмәт, мәшгульлек һәм социаль яклау министры Айрат Шәфигуллин, ТР югары уку йортлары ректорлары советы рәисе – КФУ ректоры Илшат Гафуров һәм башка рәсми затлар катнашты. Төп доклад белән “ТР Студентлар лигасы” иҗтимагый оешмасы президенты Тимур Сөләйманов хисап тотты.

Бүген Татарстан Президенты Рөстәм Миңнеханов Россия Федерациясендә Берләшкән милләтләр оешмасы системасы каршындагы кеше хокуклары буенча өлкән киңәшче Ришард Коменда белән очрашты. ТР Хөкүмәте йортында узган очрашуда Татарстан Республикасында кеше хокуклары буенча тулы вәкаләтле вәкил Сәрия Сабурская, ТР мәдәният министры Айрат Сибагатуллин, ТР Президентының эчке сәясәт буенча Департамент җитәкчесе Александр Терентьев катнашты.

Финанс хезмәтләренең үтемлелеген күтәрү өчен кирәкле фактор буларак финанс инновацияләре:глобаль үсеш шартларында Россия өчен мөмкинлекләр. Бүген “Корстон”да әнә шул хакта фикер алыштылар. Биредә “Һәркем өчен үтемле финанслар. Финанс системасының социаль җаваплылыктагы үсешен ничек тәэмин итәргә?” дигән XI илкүләм конференция ачылды. Конференцияне ачу тантанасы ТР Президенты Рөстәм Миңнеханов, Микрофинанс базары катнашучыларының илкүләм партнерлыгы (НАУМИР) президенты Михаил Мамута катнашында узды. Ике көнгә исәпләнгән конференция эшендә дөньяның 14 иленнән финансистлар катнаша.

Бүген ТР Президенты Рөстәм Миңнеханов хезмәт ветераны, күренекле инженер-геолог, Татарстан нефть сәнәгатененең башында торучыларның берсе Леонид Смагинга “Татарстан Республикасы каршындагы казанышлары өчен” орденын тапшырды. Аны шулай ук ТР Дәүләт Киңәшчесе Минтимер Шәймиев һәм ТР Дәүләт Советы рәисе Фәрит Мөхәммәтшин котлады.

Техник хезмәт күрсәтү буенча халыкара үзәк ачу, мәгариф программаларын үстерү һәм алга таба да Татарстанның масштаблы сәнәгать программаларында катнашу – “Йокогава электрик” компаниясенең алдагы планнары шуннан гыйбарәт. Бу хакта бүген ТР Хөкүмәт йортында узган очрашуда ТР Президенты Рөстәм Миңнехановка компания президенты Шузо Кайхори җиткерде. Очрашу вакытында Татарстан Республикасы белән “Йокогава электрик” арасында Ниятләр беркетмәсе имзаланды.

Бүген Татарстан Президенты Рөстәм Миңнеханов Мәскәү һәм Авиатөзелеш районнары территориясендәге метрополитен станцияләре төзелеше барышы белән танышты.

Бүген Татарстан Президенты Рөстәм Миңнеханов 7нче шәһәр хастаханәсе базасында Ашыгыч медицина ярдәме хастаханәсендә төзелеш эшләре барышы белән танышты. ТР сәламәтлек саклау министры Айрат Фәррахов республика башлыгы өчен клиника буенча экскурсия үткәрде.