ЯҢАЛЫКЛАР

Бүген Татарстан Республикасы Президенты Рөстәм Миңнеханов РФ Федераль куркынычсызлык хезмәтенең ТР буенча идарәсе хезмәткәрләрен һөнәри бәйрәмнәре - Россия Федерациясе Куркынычсызлык органнары хезмәткәрләре көне белән котлады. Тантаналы чарада РФ Федераль куркынычсызлык хезмәтенең ТР буенча идарәсе башлыгы генерал-майор Александр Антонов, ТР Дәүләт Советы спикеры Фәрит Мөхәммәтшин, тармак ветераннары катнашты.

Бүген Татарстан Республикасы Президенты Рөстәм Миңнеханов агач төзелеш сәнгате мәдәни мирас объектларын саклау һәм яңадан торгызу, Казан үзәгендә яңа йортлар төзү мәсьәләләренә багышланган киңәшмә үткәрде.

Ютазы районының элеккеге башлыгы Марсель Шәйдуллин Татарстанның Азнакай районына эшкә күчә.

Бүген Татарстан Премьер-министры Илдар Халиков республиканың Ютазы муниципаль район Советы утырышында катнашты, утырышта кадрлар мәсьәләсе каралды.

Бүген ТР Менделеевски районы башлыгы Таһир Харматуллин үз вәкаләтләрен өстеннән төшерде. Менделеевски муниципаль район Советы белән шәһәр Советының ТР Премьер-министры Илдар Халиков катнашында узган уртак утырышында аның вәкаләтләрен вакытыннан алда туктату турындагы карарны хупладылар.

Бүген Татарстан Республикасы Президенты Рөстәм Миңнеханов РФ Президенты каршындагы Россия халык хуҗалыгы һәм дәүләт хезмәте академиясе ректоры урынбасары Иван Федотов белән очрашты.

Бүген ТР Хөкүмәт йортында Татарстан Президенты Рөстәм Миңнеханов “Татнефтехиминвест-холдинг” ААҖ Директорлар советының чираттагы утырышын үткәрде.

Бүген Татарстан Фәннәр академиясендә республика Президенты Рөстәм Миңнеханов рәислегендә “Татнефть” ААҖ һәм кече нефть компанияләре чыганакларында нефть чыгаруда инновацион технологияләр кертү мәсьәләләренә багышланган түгәрәк өстәл узды.

Бүген Татарстан Президенты Рөстәм Миңнехановның Иран Ислам Республикасына ике көнлек эш визиты төгәлләнде. Визит кысаларында ТР башлыгы Иран җитәкчеләре белән очрашты һәм берничә объектта булды. Татарстан делегациясе составына шулай ук ТР Президентының Тышкы элемтәләр департаменты директоры – Татарстан Президенты ярдәмчесе Искәндәр Мөфлиханов, Татарстан Инвестицион үсеш агентлыгы җитәкчесе Линар Якупов, «Татнефтехиминвест-холдинг» ААҖ генераль директоры Рафинат Яруллин, «Татнефть» ААҖ генераль директорының беренче урынбасары Наил Мәганов, ТР Фәннәр академиясе президенты Әхмәт Мәзһаров керде.