ЯҢАЛЫКЛАР
Бүген иртән ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин шагыйрьнең Тукай скверындагы һәйкәленә чәчәкләр салды. Тантанада шулай ук ТР Премьер-министры урынбасары – Мәдәният министры Зилә Вәлиева, ТР Язучылар берлеге рәисе Илфак Ибраһимов, Казан шәһәре хакимияте, ТР Министрлар Кабинеты вәкилләре, язучылар, артистлар, депутатлар һәм шагыйрьнең иҗатын сөючеләр катнашты.
“ТАИФ” ААҖ генераль директоры Альберт Шиһабетдинов компания эшчәнлеге турында йомгаклау доклады белән чыгыш ясады. ААҖ җитәкчесенең еллык хисабы мәгълүматларына караганда, “ТАИФ” компанияләр төркеменең гомуми кереме 257 миллиард сум тәшкил иткән. Продукциягә бәяләрнең төшүе аркасында 2009 елдагы гомуми керем 2008 елга (292 миллиард сум) караганда азрак булган, шул ук вакытта җитештерелгән продукциянең физик күләме 4 процентка үскән.
Бүген Татарстан Премьер-министры Илдар Халиков ТР Мәгълүматлаштыру һәм элемтә министрлыгы коллективына яңа җитәкче – Николай Никифоровны тәкъдим итте. Элек ул республиканың Мәгълүмат технологияләре үзәген җитәкләгән.
“Соңгы елларда республикада галимнәр, яшь белгечләрнең аңнарын “уятып”, аларны яңа технологияләр, җиһазлар төзүгә кызыксындыруга зур игътибар бирелә. Россия һәм аннан читтә Татарстан белән кызыксыну да арта бара”. ТР Президенты Рөстәм Миңнеханов биш ел дәвамында Казанда венчур ярминкәләре уздыруда ирешелгән төп нәтиҗәләр дип әнә шуларны атады. Президент бу фикерен бүген “Корстон”да V Казан венчур ярминкәсенең пленар утырышында җиткерде.
Казан венчур ярминкәсе беренче кечкенә юбилеен билгеләп үтә. Аның быел Татарстан башкаласында бишенче тапкыр уздырылуы. Бүген “Корстон”да V Казан венчур ярминкәсен ачу тантанасы узды.
Россия дәүләт сәүдә-икътисад университеты ректоры Сергей Бабурин белән бүген Татарстан Республикасы Президенты Рөстәм Миңнеханов очрашты.