ЯҢАЛЫКЛАР
Татарстан Республикасы Премьер-министры Алексей Песошин 2022 елга һәм 2023-2024 еллардагы план чорына республика бюджеты турындагы закон проекты буенча парламент тыңлауларында катнашты.
Тыңлаулар Татарстан Дәүләт Советында узды.
Эш башланганчы депутатлар, министрлык һәм ведомство җитәкчеләре Минзәлә янындагы авиаһәлакәттә үлгәннәрне бер минутлык тынлык белән искә алдылар.
Бүген Татарстан Республикасы Премьер-министры урынбасары Роман Шәйхетдинов видеоконференцэлемтә режимында Берләшкән Гарәп Әмирлекләренең (БГӘ) ясалма интеллект мәсьәләләре буенча дәүләт министры Омар Олама белән очрашты.
Очрашуда катнашучылар БГӘ министрлыгы һәм Иннополис университетының ясалма интеллект өлкәсендә хезмәттәшлеге турында фикер алыштылар.
Бүген Россия Президентының Идел буе федераль округындагы тулы вәкаләтле вәкиле Игорь Комаров гражданнарны видеоконференция режимында кабул итте.
Идел буе федераль округы составына керә торган төбәкләрдә яшәүчеләрнең мөрәҗәгатьләрен карадылар. Татарстаннан Премьер-министр Алексей Песошин катнашты.
Татарстанның Минзәлә районында 2021 елның 10 октябрендә авиация һәлакәтендә вафат булганнар һәм зыян күргәннәрнең гаиләләренә ярдәм күрсәтү турында Татарстан Республикасы Хөкүмәте карары (967) имзаланды.
Татарстан Республикасы Президенты Рөстәм Миңнеханов 2021 елның 11 октябрен Минзәлә муниципаль районында булган авиация һәлакәтенә бәйле рәвештә матәм көне дип игълан итү турындагы Указны имзалады.
"2021 елның 10 октябрендә Татарстан Республикасы Минзәлә районында булган авиация һәлакәтендә кешеләрнең фаҗигале үлеме белән бәйле рәвештә, һәлак булучылар һәм аларның туганнары һәм якыннарының кайгысын уртаклашып, карар бирәм: 2021 елның 11 октябрен Татарстан Республикасында матәм көне дип игълан итәргә", - диелә документ текстында.
Татарстан Республикасы Премьер-министры Алексей Песошин Татарстан Республикасы Президенты Рөстәм Миңнеханов йөкләмәсе буенча Минзәлә районында авиация һәлакәтендә вафат булганнарның гаиләләренә ярдәм күрсәтү буенча оештырылган штабны җитәкли.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Җир һәм мөлкәт мөнәсәбәтләре министры Фәнил Әһлиуллин Татарстан Республикасының берләштерелгән бюджетын тулыландыру, аренда түләүләре һәм күчемсез милек объектларын инвентаризацияләү буенча бурычларны киметү эше турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Татарстан Республикасында социаль һәм мәдәни өлкә объектларын капиталь ремонтлау буенча республика программаларын гамәлгә ашыру тәмамланып килә. Аларга 3,5 мең объект кертелгән, агымдагы елның программа чараларының финанс күләме 23 млрд. сумнан артык тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Бүген Петербург халыкара газ форумында оештырылган күргәзмә кысаларында ТР Премьер-министры урынбасары Роман Шәйхетдинов Иннополис университеты тарафыннан эшләнгән нәтиҗәләрне “Газрпром” ГАҖ идарәсе рәисе урынбасары Олег Аксютинга һәм Татарстан Республикасы Президенты Рөстәм Миңнехановка тәкъдим итте.
Бүген ТР Премьер-министры урынбасары Роман Шәйхетдинов Петербург халыкара газ форумы кысаларында берничә эшлекле очрашу уздырды, форум 5-8 октябрьдә Санкт-Петербургта уза.