ЯҢАЛЫКЛАР
Татарстан Республикасында «Безнең ишегалды» программасы буенча юл эшләре 99%ка башкарылган. Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зиннәтуллина хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә ТР Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.
Татарстанда бөртекле культураларны җыю төгәлләнү стадиясендә. Тагын 40 мең гектар чамасы суктырасы бар. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
Киңәшмәне барлык районнарның видеоконференцэлемтәсе буенча Татарстан Рәисе Рөстәм Миңнеханов үткәрде.
Киңәшмәдә Татарстан Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.
Татарстанда 2025 елның 20 сентябренә файдалануга торак тапшыру буенча еллык план 88%ка үтәлгән, бу 2 млн 857 мең кв.м тәшкил итә. Бу хакта бүген ТР Хөкүмәте Йортында узган республика киңәшмәсендә ТР төзелеш, архитектура һәм ТКХ министры Марат Айзатуллин хәбәр итте.
Киңәшмәне, барлык районнарны видеоконференцэлемтәсе аша тоташтырып, Татарстан Рәисе Рөстәм Миңнеханов үткәрде. Киңәшмәдә Татарстан Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.
Бүген Татарстан Республикасы Дәүләт Советының 12 нче утырышында депутатлар Татарстан Республикасы Премьер-министры урынбасарлары кандидатуралары өчен тавыш бирделәр.
Кандидатураларны Татарстан Республикасы Премьер-министры Алексей Песошин кертте (аны Татарстан Республикасы Премьер-министры вазыйфасына билгеләү турындагы Указга Татарстан Рәисе Рөстәм Миңнеханов кул куйган).
Шулай итеп, депутатлар Алексей Песошин тәкъдим иткән кандидатуралар өчен бертавыштан тавыш бирде.
Бүген Татарстан Республикасы Дәүләт Советының уникенче утырышында Татарстан Рәисе Рөстәм Миңнеханов Алексей Песошин кандидатурасын Татарстан Республикасы Премьер-министры вазыйфасына кертте.
Татарстан Дәүләт Советының биш комитетының уртак утырышында парламентарийлар бертавыштан Татарстан Республикасы Премьер-министры вазыйфасына Алексей Песошин кандидатурасын хупладылар.
ТР Рәисе Рөстәм Миңнеханов тәкъдим иткән кандидатураны Бюджет, салымнар һәм финанс, Торак сәясәте һәм инфраструктура үсеше, Законлылык һәм хокук тәртибе, Социаль сәясәт, Икътисад, инвестицияләр һәм эшкуарлык комитетлары депутатлары хуплады.
Татарстан Республикасы Премьер-министры урынбасары Роман Шәйхетдинов Kazan Digital Week халыкара форумы кысаларында Россия Федерациясе Фән һәм югары белем министрлыгы тарафыннан оештырылган «Тармак һәм төбәк фәненә идарә итү коралы буларак «Фән» цифрлы платформасы» дигән панель дискуссия үткәрде.
17-19 сентябрьдә Казанда (KazanExpo ХКҮ) алтынчы KazanDigital Week халыкара форумы узачак, фаразлауларга караганда, ул дөньяның 60 иленнән 20 меңгә якын катнашучыны җыячак. Иннополис инновацион үзәге - чараның традицион катнашучысы - форумда сәнәгатьнең төрле тармаклары өчен цифрлы хәл ителешләрнең киң экспозициясе белән чыгыш ясаячак.
«ЛУКОЙЛ» ГАҖ һәм Татарстан Республикасы Хөкүмәте 2030 елга кадәр Хезмәттәшлек турында килешүгә кул куйдылар.
Яклар төбәк территориясендә чимал базасын үзләштерү, ятмаларны эшкәртү, нефть һәм газ транспортировкалау, җитештерү белән идарә итү структурасын камилләштерү буенча озак сроклы программаларны үстерү турында килештеләр.
17-19 сентябрьдә узачак Kazan Digital Week-2025 халыкара форумында 74 ил вәкилләре катнашуларын раслады. Бу хакта Татарстан Министрлар Кабинетында узган брифингта ТР цифрлар министрлыгы башлыгы Айрат Хәйруллин хәбәр итте.