ЯҢАЛЫКЛАР

Әле эшли генә башлаган вакытта мул тормышның акчаның күпме булуына бәйле икәнлегенә ышана идем. Алар да мөһим, әлбәттә, әмма, барыннан да элек, кеше зур әһәмияткә ия. Татарстан Президенты Рөстәм Миңнеханов Казанда “Яшүсмерләр сигезлеге” Бөтенроссия конкурсында катнашучылар белән очрашуда әнә шулай дип белдерде.

Татарстан җитәкчелеге “Интеза” банкының республикада кече һәм урта эшмәкәрлек инфраструктураларын үстерүдә актив катнашуына өметләнә. Бу хакта бүген ТР Президенты Рөстәм Миңнеханов “Интеза банкы” ЯАҖ Директорлар советы рәисе профессор Антонио Фаллико белән очрашуда белдерде. Очрашуда шулай ук ТР Президенты ярдәмчесе Анатолий Краснов, республиканың икътисад министры Мидхәт Шаһиәхмәтов, Татарстан Инвестицияләр үсеше агентлыгы җитәкчесе Линар Якупов катнашты.

Татарстанда гамәлгә кую планлаштырылган киңкүләмле инвестиция проетклары “UBS” банкы өчен кызыклы булыр иде. Бүген бу хакта ТР Президенты Рөстәм Миңнеханов “UBS” банкының баш директоры Николас Йордан җитәкчелегендәге делегация белән очрашуда белдерде. ТР Хөкүмәт йортында узган очрашуда республиканың икътисад министры Мидхәт Шаһиәхмәтов, Татарстан Инвестицияләр үсеше агентлыгы җитәкчесе Линар Якупов, “Ак Барс Банк” ААҖ идарәсе рәисе Роберт Миңнегалиев, “ТАИФ” ААҖ генераль директоры Альберт Шиһабетдинов, “Связьинвестнефтехим” ААҖ генераль директоры Валерий Сорокин катнашты.

ТР Президенты Рөстәм Миңнеханов бүген “ЭНИКС” предприятиесендә булып, аның эшчәнлеге, пилотсыз очу аппаратлары комплексын җитештерү буенча яңа эшләнмәләре белән танышты.

Бүген Татарстан Президенты “Казан авиация технологияләре фәнни-тикшеренү институты” – Инновацион-технология үзәге”ндә булды. Рөстәм Миңнеханов “Казан авиация технологияләре фәнни-тикшеренү институты” территориясендә эшләнгән һәм җитештерелгән продукция үрнәкләре урын алган күргәзмә белән танышты, “Высота” ҖЧҖ цехында һәм “ЭлеПС” ҖЧҖндә булды.

Бүген ТР Президенты Рөстәм Миңнеханов РФ төбәкләренең социаль-икътисади үсеше мәнфәгатьләрендә ГЛОНАСС системасын файдаланып навигация-мәгълүмат системаларын куллынылышка кертү мәсьәләләренә багышланган киңәшмәдә катнашты. Мәскәүдән төбәкләр белән видеоэлемтә ярдәмендә оештырылган киңәшмә РФ Хөкүмәте рәисе урынбасары Владислав Сурков рәислегендә узды.

Бүген Казан Кремлендә республиканың социаль-икътисади үсешенә лаеклы өлеш кертүче бертөркем хезмәт алдынгыларын хөрмәтләделәр. Кремльнең Ак залында ТР Президенты Рөстәм Миңнеханов аларга Россиянең һәм Татарстанның дәүләт бүләкләрен тапшырды.

Быел августның 15ләрендә файдаланылышка тапшырылып, киләсе уку елыннан Татарстан башкаласы Казанда, ил күләмендә беренче булып, IT-лицей-интернат ачылачак.

Татарстан Республикасы һәм Иран Ислам Республикасы фәнни һәм белем бирү өлкәләрендә мөнәсәбәтләрне үстерүне дәвам итәчәк. Бүген Татарстан Республикасы Президенты Рөстәм Миңнехановның Иран Президенты киңәшчесе, Иран Президентының Инновацион һәм технологик хезмәттәшлек үзәге җитәкчесе Хәмидреза Амириния белән очрашуында сүз әнә шул хакта барды.

Кытайның Haier концернын суыткыч техникасының яңа производствосын төзү яки гамәлдәгесен модернизацияләү өлкәсендә “ПОЗИС” ААҖ белән хезмәттәшлек кызыксындыра. Уртак проектны гамәлгә ашыру мәсьәләләре бүген ТР Хөкүмәт йортында Премьер-министр Илдар Халиковның Кытай компаниясе делегациясе белән очрашуы вакытында каралды. Очрашуда Haier Russia компаниясе генераль директоры, Россия базарын үстерү департаменты җитәкчесе, БДБ илләренең Россия базарында глобаль проектлары кураторы Сунь Чженьхуа, ТР Инвестицион үсеш агентлыгы җитәкчесе Линар Якупов, “ПОЗИС” җәмгыятенең генераль директоры Радик Хәсәнов катнашты.