Татарстан Республикасы Хөкүмәте

ЯҢАЛЫКЛАР

апрель, 2012 ел

дүшәмбе

Рөстәм Миңнеханов Русия Президенты Дмитрий Медведев алдында Татарстандагы социаль-икътисадый вәзгыять турында хисап тотты

Бүген Татарстан Президенты Рөстәм Миңнеханов республикада сәнәгать һәм инновация кластеры эше хакында РФ Президенты Дмитрий Медведевка белдерде.

ТР Премьер-министры РФ мәгариф һәм фән министры урынбасары Максим Дулинов белән очрашты

Бүген Татарстан Республикасы Премьер-министры Илдар Халиков Россия Федерациясе мәгариф һәм фән министры урынбасары Максим Дулинов белән очрашты. ТР Хөкүмәте йортында узган очрашуда ТР мәгариф һәм фән министры Альберт Гыйльметдинов һәм башкалар катнашты.

апрель, 2012 ел

җомга

ТР Президенты Рөстәм Миңнеханов “ГАЗ” ААҖ Директорлар советы рәисе Зигфрид Вольф белән очрашты

Бүген Хөкүмәт йортында ТР Президенты Рөстәм Миңнеханов “ГАЗ” ААҖ Директорлар советы рәисе Зигфрид Вольф белән очрашты. Зигфрид Вольф җитәкчелегендәге “ГАЗ” җәмгыяте вәкилләрен сәламләп, Татарстан Президенты элегрәк Тольяттида - Россиянең Бөтендөнья сәүдә оешмасына керү шартларында автомобиль тармагын үстерүгә багышланган Бөтенроссия киңәшмәсендә очрашуларны искә төшереп үтте. Рөстәм Миңнеханов белдерүенчә, автопром проблемалары бүген автомобиль төзелеше белән шөгыльләнүче барлык илләр өчен актуаль. “Тольяттида күтәрелгән мәсьәләләрнең күбесе Россия автомобиль сәнәгате өчен гаять әһәмиятле”, -дип искәртте ул.

Рөстәм Миңнеханов: “Язгы ташу - республика өчен өстенлекле проблема”

Бүген Татарстан Хөкүмәте йортында, республика муниципалитетлары белән берлектә видеоконференция рәвешендә, “ТКХны реформалауга ярдәм фонды турында”гы 185 нче федераль законны гамәлгә ашыруда күп фатирлы йортларны һәм мәгариф объектларын капиталь төзекләндерү, күп балалы гаиләләргә муниципаль берәмлекләрдә җир кишәрлекләре бирү мәсьәләләре буенча республикакүләм киңәшмә үткәрелә. ТР Президенты Рөстәм Миңнеханов рәислегендәге әлеге чарада сөйләшү гадәттәгедән тайпылып, республика муниципалитетлары өчен хәзерге вакытта проблемалы булган су басу мәсьәләсеннән башланды.

Рөстәм Миңнеханов “Республика Татарстан” укучылары белән “туры элемтә” аша аралашты

Бүген, “Республика Татарстан” 95 еллык юбилеен бәйрәм иткән көндә, ТР Президенты Рөстәм Миңнеханов редакциягә килеп, “туры элемтә” аша газета укучылар белән аралашты. Президентка сорау, теләк-тәкъдимнәр бирү мөмкинлеге хакында берничә көн алдан хәбәр ителгәнгә, күп шалтыратулар алдан ук кабул ителеп, сораулар тупланган иде, иң бәхетлеләргә исә бүген Президент белән турыдан-туры аралашырга насыйп булды.

апрель, 2012 ел

пәнҗешәмбе

Илдар Халиков Чистай районында җимерелгән күперне карады

Татарстанның Чистай районы Олы Бахта елгасы аша салынган күпернең яңасы 4 айда төзелеп бетергә тиеш, ә ул вакытка кадәр транспорт хәрәкәтен сыйфатлы әйләнгеч юлдан оештыру зарур. Бүген бу хакта Татарстан Премьер-министры Илдар Халиков гадәттән тыш вәзгыять урынында булгач белдерде.

Илдар Халиков һәм Мөхәммәд Реза Мөршизадә Татарстанның һәм Иран Ислам Республикасының алга таба үзара хезмәттәшлек итүе турында фикер алышты

Иран Ислам Республикасы белән Татарстан арасында үзара багланышларны алга таба үстерү мәсьәләсе бүген ТР Хөкүмәт йортында Премьер-министр Илдар Халиковның Иран Тышкы эшләр министрлыгының төбәк мәсьәләләре буенча департаменты җитәкчесе Мөхәммәт Реза Мөршидзадә белән очрашуында күтәрелде. Илдар Халиков белдерүенчә, Иран вәкилләренең Казанга бу сәфәре ике республика арасында урнашкан җылы мөнәсәбәтләрнең тагын бер дәлиле. Ул әлеге мөнәсәбәтләрнең соңгы 10 елда аеруча актив үсештә булуын ассызыклап, багланышларны ныгытуга Иран Республикасының 2007 елда Казанда ачылган Генераль Консуллыгының зур өлеш кертүен билгеләп үтте. ТР Президенты Рөстәм Миңнеханов җитәкчелегендәге делегациянең узган елның декабрендә Иранга сәфәре дә багланышларны ныгытуга зур өлеш керткән.

апрель, 2012 ел

чәршәмбе

Рөстәм Миңнеханов ТР ИВФ Попечительчләр советы утырышын үткәрде

Бүген ТР Президенты Рөстәм Миңнеханов рәислегендә ТР фәнни-техник өлкәдә кече формадагы предприятиеләргә венчур инвестицияләре салуны үстерүгә ярдәм фондының Попечительләр советы утырышы узды. Анда, аерым алганда, 2010-2011 елларда “Ак Барс Капитал” идарә компаниясенең венчур инвестицияләренең ябык пай инвестиция фондлары белән идарә буенча эшчәнлеге тикшерелде. Хәзерге вакытта “Ак Барс Капитал” идарәсендә булган әлеге фонд портфелендә IT һәм телекоммуникацияләр, машина, приборлар төзелеше өлкәләрендә махсуслашкан 5 компания исәпләнә.

Рөстәм Миңнеханов Индонезиянең Русиядәге вәкиле белән очрашты

Бүген ТР Президенты Рөстәм Миңнеханов Казан Кремлендә Индонезиянең Россиядәге Гадәттән тыш һәм Тулы вәкаләтле илчесе Джаухари Оратмангун белән очрашты. Очрашуда Татарстан ягыннан шулай ук Президентның Тышкы элемтәләр департаменты директоры -ТР Президентының халыкара мәсьәләләр буенча ярдәмчесе Искәндәр Мөфлиханов, икътисад министры Мидхәт Шаһиәхмәтов, ТР Инвестицион үсеш агентлыгы җитәкчесе Линар Якупов катнашты.

Илдар Халиков "Мәгариф. Карьера - 2012" күргәзмәсен ачты

Бүген “Казан ярминкәсе” ААҖ дә ТР Мәгариф һәм фән, ТР хезмәт, мәшгуллек һәм социаль яклау министрлыклары, Казан шәһәре мэриясе ярдәме белән “Мәгариф. Карьера” XII махсуслаштырылган күргәзмәсе ачылды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ