ЯҢАЛЫКЛАР
Бүген Татарстан Премьер-министры Илдар Халиков билбау көрәше буенча дөнья чемпионаты җиңүчеләре һәм призерлары белән очрашты.
Республикада муниципаль берәмлекләр белән контроль органнары мөнәсәбәтләрен җайга салучы орган – Координация советы төзелергә мөмкин. Бүген ТР Муниципаль берәмлекләр советының VΙ съездында совет рәисе Минсәгыйть Шакиров шундый орган булдыру тәкъдиме белән чыкты. Аны съезд эшендә катнашкан ТР Президенты Рөстәм Миңнеханов хуплады. “Корстон”да узган VΙ корылтайда шулай ук ТР Дәүләт Киңәшчесе Минтимер Шәймиев, Дәүләт Советы рәисе Фәрит Мөхәммәтшин, Премьер-министр Илдар Халиков, Муниципаль берәмлекләрнең Гомумроссия конгрессы президенты Степан Киричук, министрлыклар-ведомстволар җитәкчеләре, республикадагы 989 муниципаль берәмлек вәкилләре һ.б. катнашты.
“Балыкчыларны куркыныч вакытта бозга кертеп, сез гадәттән тыш хәл килеп чыгуга юл куясыз”, - диде ТР Премьер-министрының беренче урынбасары Равил Моратов ТР Хөкүмәте йортында узган 2011-2012 елгы кышкы-язгы чорда Татарстанның су объектларында өстәмә иминлек чаралары турындагы киңәшмәдә.
Бүген Татарстан Республикасы Президенты Рөстәм Миңнеханов “CNN International”ның Ауропа буенча төбәк директоры Сильван Роже белән очрашты. Сүз Татарстанны халыкара аренада таныту өчен “CNN” белән партнерлык турында барды.
Бүген Татарстан Республикасы Президенты Рөстәм Миңнеханов “Макдоналдс” компаниясе җитәкчелеге белән очрашты.
Бүген ТР Премьер-министры Илдар Халиков Татарстан профсоюзлары активы белән очрашып, агросәнәгать комплексы, оборона сәнәгате, транспорт, медицина һ.б. тармак вәкилләре проблемаларын һәм үтенеч-тәкъдимнәрен барлады.
Торак-коммуналь хуҗалыгын реформалаштыруга ярдәм итү фонды Татарстанны тәртипкә өйрәтте. Бүген республика Президенты Рөстәм Миңнеханов Россия Президенты каршындагы Иҗтимагый комитетның күчмә утырышында әнә шулай дип белдерде. Илнең торак-коммуналь хуҗалыгын үстерү һәм торак төзелеше мәсьәләләренә багышланган утырышны Россия Президенты Дмитрий Медведев Саха Республикасында (Якутия) үткәрде.
Бүген Россия Президенты Дмитрий Медведев Якутскида Россия Президенты каршындагы Иҗтимагый комитет утырышын үткәрде. Утырышта бюджет хезмәткәрләре һәм күп балалы гаиләләргә торак төзү, социаль ипотека программасы, өлешкә кереп йорт төзүчеләр һәм авария хәлендәге торакка бәйле проблемалар, Торак-коммуналь хуҗалыгына ярдәм итү фондының эшен озайту кебек темалар хакында фикер алыштылар.
Бүген Татарстан Республикасы Президенты Рөстәм Миңнеханов Саха Республикасына (Якутия) сәфәр кыла.
Казан тимер юл вокзалыннан “Казан” халыкара аэропортына кадәрге арада тимер юл тармагын модернизацияләү агымдагы елның май аенда башланган иде. Ул бу аралыкта интермодаль пассажирлар һәм йөк ташуны оештыру проекты кысаларында тормышка ашырыла. Шушы вакыт эчендә биредә 13 км озынлыкта яңа рельслар салынган, составны бер юлдан икенче юлга күчелү буенча 16 җайланма урнаштырылган. Моннан тыш, “Казан” тимер юл станциясендә платформаларны төзекләндерү эшләре, аэропортка поездлар килүен тәэмин итүче эстакада төзелеше бара. Интермодаль пассажирлар һәм йөк ташуны оештыру проектын гамәлгә ашыру барлыгы 7 этаптан торачак.