ЯҢАЛЫКЛАР

Бүген Татарстан Республикасы Министрлар Кабинетында узган брифинг барышында Татарстан Республикасы Президенты каршындагы Дәүләт торак фондының башкарма директоры Тәлгать Абдуллин республика массакүләм мәгълүмат чаралары вәкилләре һәм социаль ипотека программасында катнашучыларның сорауларына җавап бирде.
Брифинг on-line режимда интернет челтәрендә трансляцияләнде, һәм интернет челтәрен кулланучы һәр кеше анда катнаша алды.

Бүген “Татнефтехиминвест-холдинг” ААҖ нең Директорлар советы утырышында “Химград” технополисының идарә директоры Альберт Кәримов “Химград” технополисының эш нәтиҗәләре турында сөйләде.
Холдингның Директорлар советы утырышын Татарстан Республикасы Премьер-министры Рөстәм Миңнеханов үткәрде. Ул “Химград” технополисы территориясендә химия һәм полимерлар эшкәртү өлкәсендәге фәнсыйдырышлы югары технологияле предприятиеләр урнашырга тиешлеген билгеләп үтте. Аның фикеренчә, компанияләргә “Химград” технополисы резидентлары статусын бирү ачык булырга тиеш – мондый карарны фән, Татарстан Республикасының Кече һәм урта эшмәкәрлекне үстерү комитеты һәм технополис вәкилләре кабул итәргә тиеш.

Иртәгә, 8 нче сентябрьдә, сәгать 10 да Татарстан Республикасы Министрлар Кабинетының киңәшмәләр залында массакүләм мәгълүмат чаралары вәкилләре өчен традицион брифинг булачак. Брифинг темасы – социаль ипотека республика программасын тормышка ашыруның барышы турында.
Сорауларга Татарстан Республикасы Президенты каршындагы Татарстан Республикасы Дәүләт торак фондының башкарма директоры Тәлгать Абдуллин җавап бирәчәк.
Брифингта интернет челтәрен кулланучыларның һәркайсы катнаша алачак. Моның өчен Татарстан Республикасы Хөкүмәтенең рәсми порталына (www.prav.tatar.ru) керергә кирәк.

Бүген Татарстан Республикасының башкаласы Казанда Дакар сериясенең (Dakar series) “Ефәк юл” (Silk Way) ралли-марафонын ачу тантанасы булды.
Әлеге чара “Ривьера” отеле һәм “Татнефть-Арена” Боз сарае янында уза.
Шуны да искәртик: раллины Россия, Казахстан һәм Төркмәнстан оештырды (аны оештыру инициативасын Төркмәнстан президенты тәкъдим итте).
Ралли-марафонны ачу тантанасында узышта катнашучыларны һәм кунакларны Татарстан Президенты Минтимер Шәймиев, Россиянең спорт, туризм һәм яшьләр сәясәте министры Виталий Мутко сәламләде.

Татарстан Республикасы Премьер-министрының беренче урынбасары Борис Павловның Кытай Халык Республикасына эш визиты барышында үзара файдалы хезмәттәшлек мәсьәләләре турында фикер алыштылар.
Шуны искәртик: ул анда 2009 елның 25 нче августыннан 1 нче сентябренә кадәр булды.
Россия делегациясе составында шулай ук “Россия вертолетлары” ААҖ нең маркетинг департаменты директоры Михаил Дубровин, “Россия вертолетлары” ААҖ маркетингы региональ идарәсе башлыгының урынбасары Виктор Егоров, “Казан вертолет заводы” (“КВЗ”) ААҖ нең тышкы икътисади элемтәләр директоры Валерий Пашко һәм Татарстан Республикасы Премьер-министрының беренче урынбасары ярдәмчесе Роман Кирюхин бар иде.

Бүген Татарстан Республикасы Министрлар Кабинетында Татарстан Премьер-министры Рөстәм Миңнеханов “СТС” телеканалының генераль директоры Вячеслав Муругов һәм “СТС-Регион” ябык акционерлык җәмгыятенең генераль директоры Сергей Петров белән очрашты. Алар республикабызга яңа телевизион сезонны тәкъдир итәр өчен килгәннәр иде.
Татарстанның хөкүмәт башлыгы һәм Вячеслав Муругов әле беренче тапкыр очраштылар. “Дөресен генә әйткәндә, минем Казанда берничә мәртәбә булганым бар, ә бүген Премьер-министр белән очрашу да насыйп булды. Без аңа “СТС” һәм медиахолдингыбызның башка каналлары бу җирдә кунакчыллык һәм уңай атмосфера тоеп эшләве өчен рәхмәт белдердек”, - дип билгеләп үтте Вячеслав Муругов.

Бүген Казанда “Россия Федерациясендә дару бәяләрен көйләү” исемле Бөтенроссия киңәшмәсе ачылды. Беренче утырышта Татарстан Премьер-министры Рөстәм Миңнеханов катнашты.
Республика Премьер-министры Тарифлар буенча федераль хезмәт җитәкчесе Сергей Новиковка мондый зур киңәшмә үткәрүне Татарстан башкаласына ышанып тапшыруы өчен рәхмәт белдерде. Рөстәм Миңнеханов киңәшмәдә катнашучыларның дару бәяләрен көйләүне яхшырту өчен кирәк булган механизмнарны уйлап таба алачагына ышаныч белдерде. “Бу бик катлаулы мәсьәлә, монда чамадан уздырып җибәрергә ярамый. Бәяләрне көйләүнең дөрес механизмын табарга кирәк”, - дип ассызыклап үтте Татарстанның хөкүмәт башлыгы.

Бүген Татарстан Республикасының Хөкүмәт йортында Татарстан Республикасы Хөкүмәте һәм “Евроцемент групп” ЯАҖ арасында хезмәттәшлек итү турындагы Килешүгә кул куелды.
Документка Татарстан Республикасы Премьер-министры Рөстәм Миңнеханов һәм “Евроцемент групп” ЯАҖ президенты Михаил Скороход кул куйды.

2009 елда Татарстан Республикасы мәктәпләренә 39 мең беренче сыйныф укучысы барачак. Бүген Татарстан Республикасы Министрлар Кабинетында узган брифингта бу турыда Татарстан Республикасының мәгариф һәм фән министры урынбасары Айрат Зиннуров әйтте.
Брифинг гомуми белем бирү учреждениеләрен яңа уку елына әзерләүгә багышланган иде һәм ул, гадәттәгечә, республиканың барлык муниципаль районнарын тоташтырып, видеоконференцэлемтә режимында узды.

“Миңа Татарстан Республикасында Электрон Хөкүмәт өлкәсендәге проектларның зур теләк белән тормышка ашырылуы һәм гражданнарга, оешмаларга мәгълүмати-коммуникацион технологияләр кулланып хезмәт күрсәтү буенча башкарма хакимиятнең федераль органнары эшчәнлеге ошады”. Бүген Казанда күчмә киңәшмә тәмамланганнан соң журналистларның сорауларына җавап биреп, Россия Хөкүмәте вице-премьеры – Россия Хөкүмәт аппараты җитәкчесе Сергей Собянин шулай диде.