ЯҢАЛЫКЛАР
Татарстан Республикасы Премьер-министры Алексей Песошин 2023 елгы Бөтенроссия кыр көне кысаларында үткән Җир сукалау буенча X Россия ачык чемпионатын ябу тантанасында катнашты. Чара «Казан Экспо»да узды.
Бүген «Казан Экспо»да Бөтенроссия кыр көне кысаларында җир сөрү буенча X Россия ачык чемпионаты ачылды. Тантанада Татарстан Премьер-министры Алексей Песошин катнашты.
Бүген «Казан Экспо»да Бөтенроссия кыр көне кысаларында Татарстан Республикасы буенча Россельхозцентр филиалы хезмәткәрләренә 30 яңа хезмәт автомобиле ачкычын тапшырдылар. Тантанада Татарстан Премьер-министры Алексей Песошин катнашты.
Татарстанда ел саен техник һәм технологик модернизациягә республика бюджетыннан 1,8 млрд сум бүлеп бирелә. Бу хакта Татарстан Премьер-министры Алексей Песошин «Казан Экспо»да «Авыл хуҗалыгы» юнәлеше буенча РФ Дәүләт Советы комиссиясе утырышында хәбәр итте.
Бүген Иннополиста Россия Федерациясе сенаторлары һәм Татарстаннан сайланган РФ Федераль Собраниесе Дәүләт Думасы депутатлары булды. Татарстан Республикасы Премьер-министры урынбасары Роман Шәйхетдинов озатуында алар Иннополис Университетында булдылар.
Бүген ТР Хөкүмәте Йортында узган брифингта БДИга йомгак ясадылар, шулай ук югары уку йортларына кабул итү кампаниясе турында сөйләделәр. ММЧ вәкилләре белән Татарстан мәгариф һәм фән министры Илсур Һадиуллин һәм республика университетлары җитәкчеләре очрашты.
Бүген Татарстан Республикасы Министрлар Кабинетында Премьер-министр урынбасары Роман Шәйхетдинов «Россия Почтасы» АҖнең халыкара эшчәнлек буенча генераль директор урынбасары Георгий Аликошвили, логистика буенча генераль директор урынбасары Сергей Сергушев һәм бизнесны үстерү буенча дирекция җитәкчесе Александр Дзвонковский составындагы делегациясе белән очрашты.
Бүген Иннополиста FINOPOLIS.365 яшьләр программасының кейс-чемпионаты башланды. Бу команда ярышлары, анда 18 яшьтән алып 30 яшькә кадәрге катнашучылар кураторлар белән берлектә бизнес-бурычларны хәл итәләр һәм үз идеяләрен профессиональ бәяләү өчен Россия Банкы экспертларына, төбәк хөкүмәтләренә һәм компанияләренә тәкъдим итәләр.
Чемпионатны ачуда Татарстан Республикасы Премьер-министры урынбасары Роман Шәйхетдинов һәм Россия банкы Рәисенең беренче урынбасары Ольга Скоробогатова катнашты.
Иннополис Университетының алдынгы инженерлык мәктәбе Россия Федерациясе Цифрлы үсеш, элемтә һәм массакүләм коммуникацияләр министры урынбасары Максим Паршин һәм Татарстан Республикасы Премьер-министры урынбасары Роман Шәйхетдинов катнашында Мәскәүдә узган Экспертлар советы утырышында эш нәтиҗәләре белән уртаклашты. Очрашуда шулай ук проектның индустриаль партнерлары - VK, Ростелеком, Газпром, Газпром нефть һәм МТС вәкилләре катнашты.
Бу җәйдә Татарстанда берничә эре спорт чарасы узачак. Татарстан Республикасы Хөкүмәте Йортында узачак брифингта республиканың спорт министры Владимир Леонов нинди турнирларга барырга, ә кайсыларында катнашырга мөмкин булачагын сөйләде.