ЯҢАЛЫКЛАР

Бүген Иннополиста «РоссияБаш дәүләт экспертизасы» ФАУ начальнигы Игорь Манылов, Татарстан Республикасы Премьер-министры урынбасары Роман Шәйхетдинов, Татарстан Республикасы Дәүләт идарәсен цифрлы үстерү, мәгълүмат технологияләре һәм элемтә министры Айрат Хәйруллин, Татарстан Республикасы төзелеш, архитектура һәм торак-коммуналь хуҗалык министрының беренче урынбасары Алексей Фролов һәм башка кунаклар катнашында Россия экспертизалары ассоциациясенең киңәйтелгән киңәшмәсе узды.

Татарстанда 42 шәһәр янындагы ял объекты булдырылган һәм эшли, алар арасында: глэмпинглар, кэмпинглар, экокунакханәләр һәм ял базалары бар. Бу хакта бүген ТР Министрлар Кабинетында узган брифингта «ТР шәһәрләрен үстерү институты» фондының табигый территорияләрне һәм экотуризмны үстерү дирекциясе җитәкчесе Оксана Саргина хәбәр итте.

Брифинг Татарстан Республикасының табигый территорияләрендә ял итүне оештыруга багышланды.

«Татэнерго» АҖ Директорлар советы рәисе итеп бертавыштан Татарстан Республикасы Премьер-министры Алексей Песошин сайланды. Бүген «Татэнерго» АҖ Директорлар советы утырышында шундый карар кабул ителде.

Утырыш Татарстан Республикасы Хөкүмәте Йортында узды, компания белән идарә итүгә бәйле берничә карар кабул ителде.

Татарстанда төзелә торган объектларда бәхетсезлек очракларын кисәтү һәм кешеләрнең гомерен һәм сәламәтлеген саклау өчен даими тикшерүләр үткәрелә. 2023 ел башыннан үзлегеннән җайга салынучы оешмалар вәкилләре төзелеш мәйданчыкларында 1 443 тапкыр булган. Дәүләт төзелеш күзәтчелеге инспекциясе 608 контроль-күзәтчелек чарасы үткәргән.

Баш инвестиция-төзелеш идарәсе төзелә торган объектларны контроль-күзәтчелек чаралары кысаларында 295 тикшерү үткәрде. Быелның гыйнварыннан ачыкланган барлык 571 хокук бозу хәзерге вакытта бетерелгән. Бу хакта бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.

Киңәшмәне Татарстан Республикасы Рәисе Рөстәм Миңнеханов барлык районнар белән видеоконференцэлемтә режимында уздырды. Киңәшмәдә Татарстан Премьер-министры Алексей Песошин да катнашты.

Татарстан һәрвакыт барлык тармакларда да югары күрсәткечләргә омтыла, шуңа күрә «Хезмәт җитештерүчәнлеге» илкүләм проектын гамәлгә ашыру буенча алдынгы төбәк булып тора. Бу төбәгебезгә 2023 елда бишенче юбилей форумын кабул итәргә мөмкинлек бирде.

Бу хакта бүген Татарстан Премьер-министры Алексей Песошин «Җитештерүчәнлек 360» V федераль форумы кысаларында «Сакчыл технологияләр – икътисадый тренд» пленар утырышында хәбәр итте.

Казан Кремлендә сәнәгать, төзелеш һәм транспорт хезмәткәрләренә, медицина даирәләре, мәдәният, массакүләм мәгълүмат чаралары һәм башка өлкәләр вәкилләренә Россия һәм Татарстан дәүләт бүләкләрен тапшыру тантанасы узды. Бүләкләрне республика Премьер-министры Алексей Песошин тапшырды.

Узган ел гадиләштерелгән система буенча дача амнистиясе барышында Татарстанда 2,5 меңнән артык җир кишәрлеге, шулай ук 18 меңгә якын торак һәм бакча йорты милеккә рәсмиләштерелгән. Бу хакта ТР Хөкүмәте Йортында узган брифингта ТР җир һәм мөлкәт мөнәсәбәтләре министры Фәнил Әһлиуллин хәбәр итте.

Татарстан Премьер-министры Алексей Песошин һәм «Сбербанк» ГАҖ президенты, идарәсе рәисе Герман Греф Чаллыдагы «КАМАЗ» заводында булдылар. Аларны «КАМАЗ» ГАҖ генераль директоры Сергей Когогин һәм Чаллы мэры Наил Мәһдиев озата йөрде.

Бүген Татарстан Премьер-министры Алексей Песошин һәм «Сбербанк» ГАҖ идарәсе рәисе Герман Греф Идел буе физик культура, спорт һәм туризм университеты объектларында булдылар. Аларны ТР спорт министры Владимир Леонов һәм югары уку йорты ректоры Рафис Борһанов озата йөрде.

Татарстанда «Мәдәният» һәм «Мәдәни мохит» проектларын гамәлгә ашыруга барлыгы 2 млрд сумнан артык акча юнәлтеләчәк. Бу хакта Татарстан Республикасы Хөкүмәте Йортында узган брифингта республика мәдәният министры Ирада Әюпова белдерде.